Load Shedding | കരാറുകളുടെ കാലാവധി നീട്ടി; വൈദ്യുതി പ്രതിസന്ധിയെ മറികടക്കാന് സംസ്ഥാനത്ത് ലോഡ് ഷെഡിംഗ് ഉണ്ടാകില്ല
തിരുവനന്തപുരം: (www.kvartha.com) വൈദ്യുതി പ്രതിസന്ധി മറികടക്കാന് സംസ്ഥാനത്ത് ലോഡ് ഷെഡിംഗ് ഉണ്ടായേക്കുമെന്ന വാര്ത്തകള്ക്ക് വിരാമം. സംസ്ഥാനത്തെ വൈദ്യുതി പ്രതിസന്ധിയെ മറികടക്കാന് ലോഡ് ഷെഡിംഗ് ഉണ്ടാകില്ലെന്ന് റിപോര്ട്.
വൈദ്യുതി കരാറുകളുടെ കാലാവധി നീട്ടിയതിനെത്തുടര്ന്ന് പ്രതിസന്ധിയ്ക്ക് താത്ക്കാലിക പരിഹാരമായ പശ്ചാത്തലത്തിലാണ് ലോഡ് ഷെഡിങ് വേണ്ടെന്ന് വയ്ക്കുന്നത്. വൈദ്യുതി കരാറുകള് ഡിസംബര് 31വരെയാണ് നീട്ടിയിരിക്കുന്നത്. വിഷയത്തിന്റെ അടിയന്തര പ്രാധാന്യം കണക്കിലെടുത്ത് വൈദ്യുതി റെഗുലേറ്ററി കമിഷന് അര്ധരാത്രി ഉത്തരവിറക്കുകയായിരുന്നു.
നിലവിലുള്ള വൈദ്യുതി കരാറുകളുടെ കാലാവധി 2023 ഡിസംബര് 31 വരെ നീട്ടി. 2024 ജനുവരി 1 മുതല് പുതിയ കരാറിലൂടെ വൈദ്യുതി ലഭ്യമാകുമെന്ന് കെഎസ്ഇബി അറിയിച്ചു. ലോഡ് ഷെഡിംഗും വൈദ്യുതി നിയന്ത്രണങ്ങളും ഒഴിവാക്കാനാണ് കമിഷന്റെ നടപടി. പുതിയ കരാര് യുദ്ധകാലാടിസ്ഥാനത്തില് നടപ്പാക്കണം. മഴ കുറഞ്ഞത്തിനെ തുടര്ന്നുള്ള പ്രതിസന്ധി ഒഴിവാക്കാന് കെഎസ്ഇബി മാനേജ്മെന്റ് വേഗത്തില് തീരുമാനമെടുക്കണം. നിലവിലുള്ള പ്രതിസന്ധി കരാര് റദ്ദാക്കിയത് കാരണമല്ലെന്ന് കമിഷന് വ്യക്തമാക്കി. മഴ കുറഞ്ഞതിനെ തുടര്ന്ന് ആഭ്യന്തര ഉത്പാദനവും കുറഞ്ഞുവെന്നും കമിഷന് വിശദീകരിക്കുന്നു.
നേരത്തെ സംസ്ഥാനത്തെ വൈദ്യുതി പ്രതിസന്ധിയില് എന്ത് നടപടിയെടുക്കണമെന്ന തീരുമാനം മുഖ്യമന്ത്രിക്ക് വിട്ടതായി റിപോര്ടുകളുണ്ടായിരുന്നു. പുറത്ത് നിന്ന് കൂടിയ വിലക്ക് വൈദ്യുതി വാങ്ങണോ, അതോ ലോഡ് ഷെഡിംഗ് വേണോ എന്നത് സംബന്ധിച്ച് ഈ മാസം 25 നു മുഖ്യമന്ത്രിയും വൈദ്യുതി മന്ത്രിയും കൂടിയാലോചന നടത്തുമെന്നായിരുന്നു വാര്ത്തകള്. ഇതിനിടെയാണ് കെഎസ്ഇബി കരാറുകള് നീട്ടിയത്.
.jpg "Representational Picture")
Keywords: News, Kerala, Kerala-News, Thiruvananthapuram-News, KSEB, Load Shedding, Kerala, Minister, Regulatory Commission, Power Contract, No load shedding in Kerala.
Powered by Info News For You
Comments
Post a Comment