Saved Lives | താമരശ്ശേരി ചുരത്തിന്റെ ഏറ്റവും മുകളില്‍വച്ച് ബസിന്റെ ബ്രേക് നഷ്ടമായി; മനസാന്നിധ്യം കൈവിടാതെ 36 ജീവന്‍ രക്ഷിച്ച് കെഎസ്ആര്‍ടിസി ഡ്രൈവര്‍



കോഴിക്കോട്: (www.kvartha.com) 36 യാത്രക്കാരുമായി ബെംഗ്‌ളൂറില്‍നിന്ന് കോഴിക്കോട്ടേക്ക് വന്ന കെഎസ്ആര്‍ടിസി സൂപര്‍ഡീലക്‌സ് ബസിന്റെ ബ്രേക് താമരശ്ശേരി ചുരത്തിന്റെ ഏറ്റവും മുകളില്‍വച്ച് നഷ്ടപ്പെട്ടു. ഒരു നിമിഷം പോലും പാഴാക്കാതെ മനസാന്നിധ്യത്തോടെ ബസ് നിയന്ത്രിച്ച് യാത്രക്കാരെ വലിയൊരു അപകടത്തില്‍ നിന്ന് രക്ഷപ്പെടുത്തിയിരിക്കുകയാണ് ഡ്രൈവര്‍ സി ഫിറോസ്. കെഎസ്ആര്‍ടിസി കോഴിക്കോട് എന്ന ഫേസ്ബുക് പേജില്‍ കന്‍ഡക്ടര്‍ വിപിനെഴുതിയ കുറിപ്പിലൂടെയാണ് സംഭവം പുറംലോകമറിഞ്ഞത്.

റിപബ്ലിക് ദിനത്തില്‍ രാത്രി 9.30ന് ബെംഗ്‌ളൂറില്‍നിന്ന് കോഴിക്കോട്ടേക്ക് വന്ന എടിസി 255 ഡീലക്‌സ് ബസിന്റെ ബ്രേകാണ് നഷ്ടപ്പെട്ടത്. 36 യാത്രക്കാരും കണ്ടക്ടര്‍ വിപിനും ഫിറോസുമടക്കം 38 പേര്‍ വണ്ടിയിലുണ്ടായിരുന്നു. വെള്ളിയാഴ്ച രാവിലെ 5.40നാണ് വയനാട് പിന്നിട്ട് ലക്കിടിയിലെ കവാടം കടന്ന് ചുരത്തിലേക്ക് പ്രവേശിച്ചത്. വ്യൂ പോയന്റിനു സമീപത്തെത്തിയപ്പോഴാണ് ബസിന്റെ എയര്‍സിസ്റ്റം തകരാറിലായതിനെ തുടര്‍ന്ന് ബ്രേക് നഷ്ടപ്പെട്ടതായി ഫിറോസ് തിരിച്ചറിഞ്ഞത്. മനസാന്നിധ്യം നഷ്ടപ്പെടാതെ ഡ്രൈവര്‍ ഫിറോസ് ബസ് നിയന്ത്രണത്തില്‍ കൊണ്ടുവന്ന് ഒതുക്കി നിര്‍ത്തുകയായിരുന്നു. 

News,Kerala,State,Kozhikode,Travel,KSRTC,Travel,Passengers, Wayanad: KSRTC driver saved 36 lives


ഫേസ്ബുക് കുറിപ്പ് ഇങ്ങനെ: 

കണ്ടക്ടറായ ഞാനും 36  യാത്രക്കാരും പരിക്കുകളൊന്നുമില്ലാതെ ജീവനോടിരിക്കുന്നത് ഡ്രൈവര്‍ ഫിറോസ്.സി (PTM) യുടെ മനസ്സാനിദ്യം ഒന്നുകൊണ്ട് മാത്രം. 
26-01-23  ന് രാത്രി 21.30 ന് ബാങ്കലൂരു നിന്ന് അഠഇ 255 ഡീലക്‌സ് ബസ്സില്‍ 38 യാത്രക്കാരുമായി കോഴിക്കോട്ടേക്ക് മടക്ക സര്‍വ്വീസ് വന്ന ഞങ്ങള്‍ 27 ന് രാവിലെ 5.40 ന് ലക്കിടി ഗേറ്റിനടുത്തുള്ള വ്യുപ്പോയന്റിലെത്തിയപ്പോള്‍ എയര്‍ സിസ്റ്റം തകരാറിലായതിനെ തുടര്‍ന്ന് ബ്രേക്ക്  പോവുകയും എന്നാല്‍ ഡ്രൈവറായ ഫിറോസ്ജി തന്റെ ഉയര്‍ന്ന മനസ്സാനിദ്യവും അനുഭവ പരിചയവും കൊണ്ട് ബസ്സ് നിയന്ത്രണത്തില്‍ കൊണ്ടുവരുകയും യാതൊരപകടവും കൂടാതെ ചുരത്തില്‍ ഒതുക്കി നിര്‍ത്തുകയും ചെയ്തു, ഇതൊന്നുമറിയാതെ യാത്രക്കാരെല്ലാം ഉറക്കത്തിലായിരുന്നു, ഉണര്‍ന്ന് എല്ലാമറിഞ്ഞപ്പോള്‍ തങ്ങളുടെ ജീവന്‍ രക്ഷിച്ച ഡ്രൈവറോടുള്ള കടപ്പാട് എല്ലാവരിലുമുണ്ടായിരുന്നു തൊട്ടുപിറകില്‍ വന്ന സൂപ്പര്‍ഫാസ്റ്റില്‍ യാത്രക്കാര്‍കയറിപോകുമ്പോഴും അപകടവിവരം അതോറിറ്റിയെ അറിയിക്കുന്നതില്‍ വ്യാപ്രതനായ ഡ്രൈവറോട് നേരിട്ട് നന്ദിപറയാന്‍ കഴിയാത്തവര്‍ എന്നെ അതറിയിച്ചു. അവരുടെയും എന്റെയും നന്ദി ഞാന്‍ ഫിറോസ്ജിയോട് പറയുന്നു.

കുറിപ്പ്: കണ്ടക്ടര്‍ വിവേക്

Keywords: News,Kerala,State,Kozhikode,Travel,KSRTC,Travel,Passengers, Wayanad: KSRTC driver saved 36 lives


Powered by Info News For You

Comments

Post a Comment

Popular posts from this blog

ദേവസ്വം മന്ത്രിയുടെ 'ഭക്തി' വീണ്ടും വൈറല്‍, ഇത്തവണ ആരാധന സായിബാബയോട്, ബാബയുടെ ചിത്രത്തിനു മുന്നില്‍ തൊഴുകൈകളോടെ കടകംപള്ളി, ഫോട്ടോ വൈറലാകുന്നു

Image
തിരുവനന്തപുരം:(www.kvartha.com 30/04/2018) ദേവസ്വം മന്ത്രിയുടെ 'ഭക്ത' വീണ്ടും വൈറല്‍, ഇത്തവണ ആരാധന സായിബാബയോട്, ബാബയുടെ ചിത്രത്തിനു മുന്നില്‍ തൊഴുകൈകളോടെ നില്‍ക്കുന്ന മന്ത്രി കടകംപള്ളി സുരേന്ദ്രന്റെ ഫോട്ടോ വൈറലാകുന്നു. പൂമാലയിട്ട സായിബാബ ചിത്രത്തിനും ഷിര്‍ദിബാബ ചിത്രത്തിനും നേര്‍ക്ക് മന്ത്രി കൈക്കൂപ്പി കണ്ണടച്ചു നില്‍ക്കുന്ന ചിത്രമാണ് സോഷ്യല്‍ മീഡിയയില്‍ പ്രചരിക്കുന്നത്. ഏതു പരിപാടിയിലേതാണ് ചിത്രമെന്നു വ്യക്തമല്ല. ചിത്രത്തിനു താഴെ കടകംപള്ളിയെ ട്രോളി നിരവധി കമന്റുകളാണ് പ്രത്യക്ഷപ്പെടുന്നത്. ദേവസ്വം മന്ത്രിയായ കടകംപള്ളിയുടെ 'ഭക്തി' നേരത്തെയും സമൂഹ മാധ്യമങ്ങളില്‍ ചര്‍ച്ചയായിട്ടുണ്ട്. കഴിഞ്ഞ ശ്രീകൃഷ്ണ ജയന്തി ദിനത്തില്‍ ഗുരുവായൂര്‍ ക്ഷേത്രത്തില്‍ നടത്തിയ ദര്‍ശനവും വഴിപാട് സമര്‍പ്പണവും പാര്‍ട്ടി നേതൃത്വത്തെ ചൊടിപ്പിച്ചിരുന്നു. ദേവസ്വം മന്ത്രിയെന്ന നിലയില്‍ മാത്രമായിരുന്നു ക്ഷേത്ര ദര്‍ശനമെന്നായിരുന്നു കടകംപള്ളി അന്ന് നല്‍കിയ വിശദീകരണം. അതിന് മുമ്പ് ആറ്റുകാല്‍ ക്ഷേത്രത്തില്‍ ഭക്തിനിര്‍ഭരനായി തൊഴുതുനില്‍ക്കുന്നതിന്റെ ചിത്രം പുറത്തുവന്നപ്പോഴും വിവാദം ഉണ്ടായിരുന്നു. ശൃംഗ...
Read more

സിനിമ ചിത്രീകരണത്തിനിടെ നടി മഞ്ജു വാര്യര്‍ക്ക് പരിക്ക്

Image
കൊച്ചി: (www.kvartha.com 09.01.2020) സിനിമ ചിത്രീകരണത്തിനിടെ നടി മഞ്ജു വാര്യര്‍ക്ക് പരിക്ക്. തന്റെ പുതിയ ചിത്രമായ ചതുര്‍മുഖത്തിന്റെ ചിത്രീകരണത്തിനിടെയാണ് മഞ്ജുവിന് പരിക്കേറ്റത്. സംഘട്ടന രംഗം ചിത്രീകരിക്കുന്നതിനിടെ മഞ്ജു നിലത്ത് വീഴുകയായിരുന്നു. ചാട്ടത്തിനിടെ കാല്‍ വഴുതി പോയതാണ് വീഴാന്‍ കാരണമെന്നാണ് വിവരം. കാല്‍ ഉളുക്കിയതിനെ തുടര്‍ന്ന് മഞ്ജുവിനു വിശ്രമം നല്‍കിയിരിക്കുകയാണ്. മറ്റു കുഴപ്പങ്ങള്‍ ഒന്നും ഇല്ലെന്നും അണിയറ വൃത്തങ്ങള്‍ അറിയിച്ചു. നവാഗതരായ രഞ്ജിത്, കമല ശങ്കര്‍, സലില്‍ വി എന്നിവര്‍ ചേര്‍ന്ന് ഒരുക്കുന്ന ഈ ചിത്രം രചിച്ചിരിക്കുന്നത് അനില്‍ കുമാര്‍, അഭയ കുമാര്‍ എന്നിവര്‍ ചേര്‍ന്നാണ്. സണ്ണി വെയ്നും ചിത്രത്തില്‍ ഒരു സുപ്രധാന വേഷത്തില്‍ എത്തുന്നുണ്ട്. (ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം ) Keywords:  Manju Warrier injured on sets of Chaturmukham...
Read more

പുത്തുമലയില്‍ വീണ്ടും മണ്ണിടിച്ചില്‍; കള്ളാടിയില്‍ മണ്ണിടിഞ്ഞ് ഗതാഗതം തടസപ്പെട്ടതിനാല്‍ വഴിയില്‍ കുടുങ്ങി രക്ഷാപ്രവര്‍ത്തകര്‍; ദുരന്തത്തില്‍ മരിച്ചവരുടെ എണ്ണം 9, ചെളിക്കൂമ്പാരത്തില്‍ കുടുങ്ങി ഇനിയും എത്രപേര്‍?

Image
മേപ്പാടി: (www.kvartha.com 10.08.2019) പുത്തുമലയില്‍ വീണ്ടും മണ്ണിടിച്ചില്‍. കള്ളാടിയില്‍ മണ്ണിടിഞ്ഞ് ഗതാഗതം തടസപ്പെട്ടതിനെ തുടര്‍ന്ന് രക്ഷാപ്രവര്‍ത്തകര്‍ പുത്തുമലയിലേക്ക് എത്താനാവാതെ കുടുങ്ങിക്കിടക്കുന്നു. അതിനിടെ പുത്തുമല ദുരന്തത്തില്‍ മരിച്ചവരുടെ എണ്ണം ഒമ്പതായി. കാണാതായവര്‍ക്കുവേണ്ടി തിരച്ചില്‍ തുടരുകയാണ്. ചെളിക്കൂമ്പാരത്തിനുള്ളില്‍ ഇനിയും കൂടുതല്‍ പേര്‍ അവശേഷിക്കുന്നുണ്ടാകാം എന്നാണ് വിവരം. കാണാതായവരുടെ എണ്ണം 15നോടടുക്കുമെന്നാണു നാട്ടുകാര്‍ പറയുന്നത്. എന്നാല്‍ ഇക്കാര്യം ജില്ലാഭരണകൂടം ഇതുവരെ സ്ഥിരീകരിച്ചിട്ടില്ല. നൂറോളം കുടുംബങ്ങളാണ് പുത്തുമലയില്‍ ദുരിതത്തിനിരയായത്. മണ്ണുമാന്തി യന്ത്രങ്ങള്‍ ഉപയോഗിച്ച് ഗതാഗത സംവിധാനങ്ങള്‍ ഒരുക്കുന്നതിനുള്ള ശ്രമങ്ങള്‍ പുരോഗമിക്കുകയാണ്. അതിനിടെ, നാട്ടുകാരും രക്ഷാപ്രവര്‍ത്തകരും നടത്തിയ തെരച്ചിലില്‍ ഒമ്പതു പേരുടെ ചേതനയറ്റ ശരീരങ്ങള്‍ കണ്ടെത്തിയിരുന്നു. അവശേഷിക്കുന്നവര്‍ക്കായി ഊണും ഉറക്കവും ഉപേക്ഷിച്ച്, പ്രതികൂല കാലാവസ്ഥയെ അവഗണിച്ച് തെരച്ചില്‍ തുടരുമെന്നാണ് രക്ഷാപ്രവര്‍ത്തകരുടെ നിലപാട്. രക്ഷാപ്രവര്‍ത്തനത്തില്‍ മുന്നൂറോളം സൈനികര്‍ പങ്കെടുക്കുന്നുണ്ട്....
Read more