Accidental Death | ഓടിക്കൊണ്ടിരുന്ന ലോറിയില്‍നിന്ന് ഇരുമ്പുഷീറ്റ് റോഡിലേക്ക് തെറിച്ചുവീണ് വഴിയാത്രക്കാരായ 2 പേര്‍ക്ക് ദാരുണാന്ത്യം


തൃശൂര്‍: (www.kvartha.com) ഓടിക്കൊണ്ടിരുന്ന ലോറിയില്‍നിന്ന് ഇരുമ്പുഷീറ്റ് റോഡിലേക്ക് തെറിച്ചുവീണ് അപകടം. വഴിയാത്രക്കാരായ രണ്ടുപേര്‍ക്ക് ദാരുണാന്ത്യം. പുന്നയൂര്‍ക്കുളം അകലാട് മഠത്തിപ്പറമ്പില്‍ മുഹമ്മദാലി ഹാജി (70), കിഴക്കേ തലക്കല്‍ ഷാജി (40) എന്നിവരാണ് മരിച്ചത്.  

രാവിലെ 7ന് അകലാട് സ്‌കൂളിന് സമീപമെത്തിയപ്പോഴാണ് ദാരുണസംഭവം നടന്നത്. ലോറിയിലെ കെട്ടുപൊട്ടി ഇരുമ്പ് ഷീറ്റുകള്‍ റോഡിലേക്ക് വീഴുകയായിരുന്നു. കോഴിക്കോട് നിന്ന് എറണാകുളത്തേക്ക്  കൊണ്ടുപോയ ഗാല്‍വനൈസഡ് അലുമിനിയം ഷീറ്റുകളുടെ കെട്ട് പൊട്ടിയാണ് അപകടം. 

ഈ സമയം, പ്രഭാത നമസ്‌കാരം കഴിഞ്ഞ്  ബന്ധുവീട്ടിലേക്ക് പോകാന്‍ റോഡിന് കിഴക്കുഭാഗത്ത് ബസ് കാത്തുനില്‍ക്കുകയായിരുന്ന മുഹമ്മദാലി  ഇതേ ദിശയിലേക്ക് പോവുകയായിരുന്ന ഷാജിയുടെ സ്‌കൂടറില്‍ കയറുന്നതിനിടെയാണ് അപകടം ഉണ്ടായത്. അപകടത്തില്‍ ഗുരുതരമായി പരിക്കേറ്റ ഇരുവരും സംഭവസ്ഥലത്ത് വച്ചുതന്നെ തല്‍ക്ഷണം മരിച്ചു. 


News,Kerala,State,Thrissur,Accident,Accidental Death,Passengers,Local-News, Thrissur: Two died after Iron sheet falls off lorry on road

കാര്‍ഗോ ബോക്‌സ് നിര്‍മാണത്തിന് ഉപയോഗിക്കുന്ന ഭാരം കൂടിയ ഷീറ്റാണ് ഇത്. മതിയായ സുരക്ഷയില്ലാതെയാണ് ഷീറ്റുകള്‍ കൊണ്ടുവന്നതെന്നാണ് നിഗമനം. അപകടമുണ്ടായ ഉടന്‍ ലോറി ഡ്രൈവര്‍ സ്ഥലത്തുനിന്നും കടന്നുകളഞ്ഞതായി ദൃക്‌സാക്ഷികള്‍ പറഞ്ഞു. നാട്ടുകാരാണ് ഷീറ്റുകള്‍ക്കിടയില്‍ നിന്ന് ഇരുവരെയും പുറത്തെടുത്തത്.

Keywords: News,Kerala,State,Thrissur,Accident,Accidental Death,Passengers,Local-News, Thrissur: Two died after Iron sheet falls off lorry on road

Powered by Info News For You

Comments

Popular posts from this blog

ദേവസ്വം മന്ത്രിയുടെ 'ഭക്തി' വീണ്ടും വൈറല്‍, ഇത്തവണ ആരാധന സായിബാബയോട്, ബാബയുടെ ചിത്രത്തിനു മുന്നില്‍ തൊഴുകൈകളോടെ കടകംപള്ളി, ഫോട്ടോ വൈറലാകുന്നു

സിനിമ ചിത്രീകരണത്തിനിടെ നടി മഞ്ജു വാര്യര്‍ക്ക് പരിക്ക്

പുത്തുമലയില്‍ വീണ്ടും മണ്ണിടിച്ചില്‍; കള്ളാടിയില്‍ മണ്ണിടിഞ്ഞ് ഗതാഗതം തടസപ്പെട്ടതിനാല്‍ വഴിയില്‍ കുടുങ്ങി രക്ഷാപ്രവര്‍ത്തകര്‍; ദുരന്തത്തില്‍ മരിച്ചവരുടെ എണ്ണം 9, ചെളിക്കൂമ്പാരത്തില്‍ കുടുങ്ങി ഇനിയും എത്രപേര്‍?