Wedding | ജോര്ദാന് രാജകുമാരനും രജ് വ അല് സെയ്ഫും വിവാഹിതരാകുന്നു; ചിത്രങ്ങള് വൈറല്
റിയാദ്: (www.kvartha.com) ജോര്ദാന് രാജകുമാരന് ഹുസൈന് ബിന് അബ്ദുല്ല വിവാഹിതനാകുന്നു. സഊദി പൗരയായ രജ് വ അല് സെയ്ഫ് ആണ് വധു. ബുധനാഴ്ച, സഊദി അറേബ്യയിലെ റിയാദിലെ വധുവിന്റെ പിതാവിന്റെ വസതിയിലായിരുന്നു ചടങ്ങുകള് നടന്നത്. ജോര്ദാന് രാജ്ഞി റാനിയ അല് അബ്ദുല്ലയാണ് ഇക്കാര്യം ട്വിറ്ററിലൂടെ അറിയിച്ചത്.
'ഇത്രയധികം സന്തോഷം ഉള്ളിലൊതുക്കാന് സാധിക്കുമെന്ന് വിചാരിച്ചില്ല. എന്റെ മൂത്ത പുത്രന് ഹുസൈന് രാജകുമാരനും അദ്ദേഹത്തിന്റെ സുന്ദരിയായ വധു രജ് വക്കും ആശംസകള്'- രാജ്ഞി ട്വീറ്റ് ചെയ്തു.
അബ്ദുല്ല രണ്ടാമന് രാജാവും റാനിയ രാജ്ഞിയും ഉള്പെടെ ഹുസൈന് രാജകുമാരന്റെ കുടുംബത്തിലെയും രജ് വയുടെ കുടുംബത്തിലെയും അംഗങ്ങള് വിവാഹനിശ്ചയ ചടങ്ങില് പങ്കെടുത്തു. വിവാഹ നിശ്ചയത്തിന്റെ ചിത്രങ്ങള് ജോര്ദാനിലെ റോയല് ഹാഷിമൈറ്റ് കോര്ടിന്റെ ഔദ്യോഗിക ട്വിറ്റര് അകൗണ്ടില് പോസ്റ്റ് ചെയ്തു.
28 കാരനായ ഹുസൈന് രാജകുമാരന് ബ്രിടീഷ് മിലിടറി അകാഡമിയില് നിന്ന് ബിരുദം നേടിയ വ്യക്തിയാണ്. നിലവില് ജോര്ദാനിയന് സൈന്യത്തില് ക്യാപ്റ്റന് പദവി വഹിക്കുന്നു.
കഴിഞ്ഞ മാസമാണ് ജോര്ദാന് രാജകുമാരി ഇമാന്റെ വിവാഹ നിശ്ചയവും നടന്നത്. ജമീന് അലക്സാന്ഡര് തെര്മിയോറ്റിസാണ് വരന്.
Powered by Info News For You
Comments
Post a Comment