One Died | മീന് പിടിക്കുന്നതിനിടെ അപകടം: കോഴിക്കോട് തോണി മറിഞ്ഞ് ഒരാള് മരിച്ചു
കോഴിക്കോട്: (www.kvartha.com) മീന് പിടിക്കുന്നതിനിടെ അപകടം. മാവൂര് ചാലിപ്പാടത്ത് തോണി മറിഞ്ഞ് ഒരാള് മരിച്ചു. മലപ്രം സ്വദേശി ഷാജുവാണ് മരിച്ചത്. ഞായറാഴ്ച രാത്രി 11 മണിക്ക് മീന്പിടിക്കുന്നതിനിടെയായിരുന്നു അപകടം.
കഴിഞ്ഞ കുറച്ചു ദിവസമായി പെയ്യുന്ന കനത്ത മഴയില് മാവൂരിന്റെ താഴ്ന്ന പ്രദേശങ്ങളെല്ലാം വെള്ളത്തിലാണ്. ഈ വെള്ളക്കെട്ടിലൂടെ പോകുന്നതിനിടയിലാണ് തോണി മറിഞ്ഞ് അപകടം സംഭവിക്കുന്നത്. തോണി മറിഞ്ഞ് ഷാജുവും സുഹൃത്തും ചാലപ്പാടത്ത് വീണെങ്കിലും സുഹൃത്ത് നീന്തി രക്ഷപെട്ടു.
ഷാജു തോണിയുടെ അടിയില്പെട്ടു. തുടര്ന്ന് നാട്ടുകാരെത്തി രക്ഷപ്പെടുത്തി കോഴിക്കോട് ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു. നെല്കൃഷിയും വാഴകൃഷിയുമെല്ലാം ചെയ്യുന്ന പ്രദേശമാണ് ചാലിപ്പാടം.
Powered by Info News For You
Comments
Post a Comment