Anthrax Detected in Thrissur | തൃശൂരില് കാട്ടുപന്നികളില് ആന്ത്രാക്സ് സ്ഥിരീകരിച്ചു; പ്രതിരോധത്തിന് അടിയന്തര നടപടികള് സ്വീകരിച്ചു വരുന്നതായി മന്ത്രി; രോഗലക്ഷണങ്ങള് അറിയാം
കഴിഞ്ഞ ദിവസം വനമേഖലയില് കാട്ടുപന്നികള് കൂട്ടത്തോടെ ചത്തതിനെ തുടര്ന്ന് ആരോഗ്യ വകുപ്പും മൃഗസംരക്ഷണ വകുപ്പും വനം വകുപ്പും അന്വേഷണം നടത്തിയിരുന്നു. ഇവയുടെ സാംപിളുകള് പരിശോധിച്ചതില് നിന്നും ബാസിലസ് ആന്ത്രാസിസ് മൂലമുള്ള രോഗബാധയാണെന്ന് സ്ഥിരീകരിച്ചു. ചത്ത പന്നികളുടെ മൃതശരീരം നീക്കം ചെയ്യാനും മറവ് ചെയ്യാനുമായി പോയ ആളുകള് നിരീക്ഷണത്തിലാണ്.
കാട്ടുപന്നികള് ഉള്പെടെയുള്ള മൃഗങ്ങള് കൂട്ടത്തോടെ ചാകുന്നത് ശ്രദ്ധയില്പെട്ടാല് ആ സ്ഥലങ്ങളില് ആളുകള് പോകാതിരിക്കാനും അവയുടെ മൃതശരീരങ്ങള് കൈകാര്യം ചെയ്യാതിരിക്കാനും പ്രത്യേകം ശ്രദ്ധിക്കണമെന്നും അവര് മൃഗസംരക്ഷണ വകുപ്പിലേയോ ആരോഗ്യ വകുപ്പിലേയോ വനം വകുപ്പിലേയോ ഉദ്യോഗസ്ഥരെ വിവരം അറിയിക്കേണ്ടതാണെന്നും മന്ത്രി അഭ്യര്ഥിച്ചു.
പനി, വിറയല്, തലവേദന, നെഞ്ചുവേദന, ശ്വാസംമുട്ടല്, ചുമ, ഓക്കാനം, ഛര്ദില്, വയറുവേദന, ക്ഷീണം, ശരീരവേദന എന്നീ ലക്ഷണങ്ങള് ശ്വാസകോശത്തെ ബാധിക്കുന്ന ആന്ത്രാക്സിന്റെ ലക്ഷണങ്ങളാണ്. തൊലിപ്പുറത്തുണ്ടാകുന്ന ചൊറിച്ചിലോട് കൂടിയ കുരുക്കള്, വ്രണങ്ങള് എന്നിവ ക്യൂടേനിയസ് ആന്ത്രാക്സിന്റെ ലക്ഷണങ്ങളാണ്. ഇവ സാധാരണയായി മുഖത്തും കഴുത്തിലും കൈകളിലുമാണ് കാണപ്പെടുന്നത്.
കൂടാതെ കുടലിനെ ബാധിക്കുന്ന ആന്ത്രാക്സുമുണ്ട്. പനി, കുളിര്, തൊണ്ടവേദന, കഴുത്തിലെ വീക്കം, ഓക്കാനം, ഛര്ദി, രക്തം ഛര്ദിക്കുക, മലത്തിലൂടെ രക്തം പോകുക, വയറുവേദന, ബോധക്ഷയം എന്നിവയാണ് ഇതിന്റെ ലക്ഷണങ്ങള്.
ഇതുകൂടാതെ ഇന്ജക്ഷന് അന്ത്രാക്സും റിപോര്ട് ചെയ്യപ്പെട്ടിട്ടുണ്ട്. ഇതിന്റെ ലക്ഷണങ്ങള് ക്യൂടേനിയസ് ആന്ത്രാക്സിന്റെ സമാന ലക്ഷണങ്ങളാണ്.
ജില്ലയില് ഇതുസംബന്ധിച്ച് അവലോകന യോഗം ചേര്ന്ന് പ്രതിരോധ പ്രവര്ത്തനങ്ങള് ഊര്ജിതമാക്കിയിട്ടുണ്ട്. മൃഗങ്ങളില് വാക്സിനേഷന് ആരംഭിക്കാനുള്ള നടപടികള് മൃഗസംരക്ഷണ വകുപ്പ് സ്വീകരിച്ചിട്ടുണ്ട്.
Powered by Info News For You
Comments
Post a Comment