ന്യൂനപക്ഷ വിദ്യാഭ്യാസ സ്ഥാപനങ്ങളിലും ഹിജാബ് വിലക്കി കർണാടക സർകാർ; നടപടി ഹൈകോടതി നിർദേശത്തിൽ
സൂപ്പി വാണിമേൽ
മംഗ്ളുറു: (www.kasargodvartha.com 18.02.2022) ന്യൂനപക്ഷ വിഭാഗങ്ങൾ നടത്തുന്ന എയ്ഡഡ് വിദ്യാഭ്യാസ സ്ഥാപനങ്ങളിലും ശിരോവസ്ത്രം വിലക്കി കർണാടക സർകാർ. ന്യൂനപക്ഷ ക്ഷേമ, ഹജ്ജ് - വഖഫ് കാര്യ സെക്രടറി മേജർ പി മണിവർണൻ ഇറക്കിയ സർകുലർ പ്രകാരം ഹിജാബ്, സ്കാഫ്, കാവി ഷോൾ തുടങ്ങി മത ചിഹ്നങ്ങൾ ക്ലാസിൽ ധരിക്കാൻ പാടില്ല. കർണാടക ഹൈകോടതി ഫുൾ ബെഞ്ചിന്റെ ഇടക്കാല വാക്കാൽ ഉത്തരവ് മൗലാന ആസാദ് ഇൻഗ്ലീഷ് മീഡിയം റസിഡൻഷ്യൽ സ്കൂൾ, ന്യൂനപക്ഷ ക്ഷേമ വകുപ്പ് എന്നിവയുടെ കീഴിലുള്ള സ്ഥാപനങ്ങൾക്കും ബാധകമാണെന്ന് പറയുന്നുണ്ടെന്ന് സർകുലറിൽ ചൂണ്ടിക്കാട്ടി. ആസാദ് സ്കൂൾ വിദ്യാർഥിനികൾ ക്ലാസിൽ ഹിജാബ് ധരിക്കുന്നത് ശ്രദ്ധയിൽ പെട്ടതിനെത്തുടർന്നാണ് പുതിയ സർകുലർ.
അതേസമയം ക്ലാസുകളിൽ ഹിജാബ് ധരിക്കാനുള്ള മൗലികാവകാശം അനുവദിച്ചു കിട്ടണം എന്നാവശ്യപ്പെട്ട് വിദ്യാർഥിനികൾ സമർപിച്ച റിട് ഹരജികളിലെ വാദം ഹൈകോടതി ഫുൾ ബെഞ്ച് മുമ്പാകെ തുടരുകയാണ്. വെള്ളിയാഴ്ച ഉച്ച 2.30നാണ് അടുത്ത ഹിയറിംഗ്. സർകാറിന്റെ അഭിപ്രായം ബോധിപ്പിക്കാൻ അഡ്വ. ജനറൽ പ്രഭുലിങ് നവഡ്ഗി സമയം ചോദിച്ചതിനാൽ വിധി പറയൽ നീണ്ടേക്കും.Keywords: Hijab Banned In State-Run Minority Institutions, Says Karnataka Govt, Karnataka, Mangalore, News, Top-Headlines, School, College, Police, High-Court, Government, Hijab.
< !- START disable copy paste -->
Powered by Info News For You
Comments
Post a Comment