സ്ലാബ് തകര്ന്ന് അപകടം; വിവാഹാഘോഷത്തിനെത്തിയ സ്ത്രീകളും കുട്ടികളുമടക്കം 13 പേര് കിണറ്റില് വീണ് മരിച്ചു; അനുശോചനം രേഖപ്പെടുത്തി നരേന്ദ്ര മോദിയും യോഗി ആദിത്യനാഥും, മരിച്ചവരുടെ കുടുംബങ്ങള്ക്ക് 4 ലക്ഷം രൂപ ധനസഹായം പ്രഖ്യാപിച്ചു
ലക്നൗ: (www.kvartha.com 17.02.2022) ഉത്തര്പ്രദേശില് വിവാഹാഘോഷത്തിനിടെ സ്ത്രീകളും കുട്ടികളുമടക്കം 13 പേര് കിണറ്റില് വീണ് മരിച്ചു. അപകടത്തില് രണ്ട് പേര്ക്ക് ഗുരുതരമായി പരിക്കേറ്റു. കിഴക്കന് ജില്ലയായ കുശിനഗറിലെ നെബുവ നൗറംഗിയ മേഖലയില് ബുധനാഴ്ച രാത്രിയാണ് ദാരുണസംഭവം. കിണറ്റിന് മുകളിലെ സ്ലാബ് തകര്ന്നാണ് അപകടമുണ്ടായതെന്ന് കുശിനഗര് ജില്ലാ മജിസ്ട്രേറ്റ് എസ് രാജലിംഗം പറഞ്ഞു.
വിവാഹാഘോഷത്തിനെത്തിയ ആളുകള് കൂട്ടത്തോടെ സ്ലാബില് ഇരുന്നു. നിരവധി ആളുകള് ഇരുന്നതോടെ ഭാരം താങ്ങാനാവാതെ കിണറിന് മുകളില് ഇട്ടിരുന്ന സ്ലാബ് പൊട്ടുകയായിരുന്നുവെന്ന് രാജലിംഗം പറഞ്ഞു. ഉടന് തന്നെ അപകടത്തില്പ്പെട്ടവരെ ആശുപ്രതിയിലെത്തിച്ചെങ്കിലും 13 പേര് മരിച്ചു. പരിക്കേറ്റ രണ്ട് പേരുടെ നില ഗുരുതരമാണെന്നാണ് വിവരം.
സംഭവത്തില് പ്രധാനമന്ത്രി നരേന്ദ്ര മോദിയും മുഖ്യമന്ത്രി യോഗി ആദിത്യനാഥും അനുശോചനം രേഖപ്പെടുത്തി. ദുരിതാശ്വാസ പ്രവര്ത്തനങ്ങള് വേഗത്തില് പൂര്ത്തിയാക്കി മരിച്ചവരുടെ കുടുംബത്തിന് നഷ്ടപരിഹാരം നല്കാന് നിര്ദേശിച്ചിട്ടുണ്ടെന്നും മുഖ്യമന്ത്രിയുടെ ഓഫിസ് ട്വീറ്റ് ചെയ്തു. വിഷയത്തില് കൂടുതല് അന്വേഷണം നടത്തുമെന്ന് പൊലീസ് അറിയിച്ചു. മരിച്ചവരുടെ കുടുംബത്തിന് നാല് ലക്ഷം രൂപ വീതം സര്കാര് ധനസഹായമായി നല്കും.
उत्तर प्रदेश के कुशीनगर में हुआ हादसा हृदयविदारक है। इसमें जिन लोगों को अपनी जान गंवानी पड़ी है, उनके परिजनों के प्रति मैं अपनी गहरी संवेदनाएं व्यक्त करता हूं। इसके साथ ही घायलों के जल्द से जल्द स्वस्थ होने की कामना करता हूं। स्थानीय प्रशासन हर संभव मदद में जुटा है।
— Narendra Modi (@narendramodi) February 17, 2022
Keywords: News, National, India, Uttar Pradesh, Lucknow, Accident, Accidental Death, Marriage, Prime Minister, Narendra Modi, Yogi Adityanath, 13 died after falling into well in UP's Kushinagar at wedding; PM Modi, Yogi Adityanath condole deathsजनपद कुशीनगर के ग्राम नौरंगिया स्कूल टोला की एक दुर्भाग्यपूर्ण घटना में हुई ग्रामवासियों की मृत्यु अत्यंत दुःखद है।
— Yogi Adityanath (@myogiadityanath) February 17, 2022
मेरी संवेदनाएं मृतकों के शोक संतप्त परिजनों के साथ हैं।
प्रभु श्री राम से घायलों के शीघ्र स्वास्थ्य लाभ की कामना है।
Powered by Info News For You
Comments
Post a Comment