ബെന്ഗാളിന്റെ രഞ്ജി ട്രോഫിക്കുള്ള 21 അംഗ ടീമില് കായിക മന്ത്രി മനോജ് തിവാരിയും; കേരളത്തിനെതിരെ മത്സരിക്കും
ന്യൂഡെല്ഹി: (www.kvartha.com 05.01.2022) ബെന്ഗാളിന്റെ രഞ്ജി ട്രോഫിക്കുള്ള 21 അംഗ ടീമില് പശ്ചിമ ബെന്ഗാളിന്റെ കായിക മന്ത്രി മനോജ് തിവാരിയും. മുതിര്ന്ന ക്രികെറ്റ് താരം കൂടിയാണ് മനോജ് തിവാരി. ഫസ്റ്റ് ക്ലാസ് ക്രികെറ്റില് 17 വര്ഷം പൂര്ത്തിയാക്കിയ മനോജ് തിവാരി, 2020ല് സൗരാഷ്ട്രയ്ക്കെതിരായ രഞ്ജി ട്രോഫി ഫൈനലില് കളിച്ച ബെന്ഗാള് ടീമില് അംഗമായിരുന്നു.
പിന്നീട് ബെന്ഗാള് നിയമസഭാ തിരഞ്ഞെടുപ്പിന് മുന്പ് തൃണമൂല് കോണ്ഗ്രസില് ചേര്ന്ന തിവാരി, ശിഭ്പുര് നിയമസഭാ മണ്ഡലത്തില് ബിജെപിയുടെ രഥിന് ചക്രബര്തിയെ പരാജപ്പെടുത്തിയിരുന്നു. കഴിഞ്ഞ സീസണില് പരിക്കിനെത്തുടര്ന്ന് പുറത്തിരുന്ന തിവാരി, ഇത്തവണ വീണ്ടും അഭിമന്യു ഈശ്വരന് നയിക്കുന്ന ടീമിലേക്ക് മടങ്ങിയെത്തിയിരിക്കുകയാണ്.
തൃണമൂല് കോണ്ഗ്രസ് പാര്ടിയിലൂടെയുള്ള രാഷ്ട്രീയ അരങ്ങേറ്റം കുറിച്ച് ഒരു വര്ഷം പിന്നിടുമ്പോഴാണ് 36 കാരനായ മനോജ് തിവാരി വീണ്ടും രഞ്ജി ടീമില് ഇടംപിടിക്കുന്നത്. ഗ്രൂപ് ബിയില് വിദര്ഭ, രാജസ്ഥാന്, കേരള, ഹരിയാന, ത്രിപുര എന്നീ ടീമുകള്ക്കെതിരെ ബെന്ഗാളിന് മത്സരങ്ങളുണ്ട്.
ജനുവരി 13ന് ത്രിപുരയ്ക്കെതിരെയും ജനുവരി 20ന് കേരളത്തിനെതിരെയും ബെന്ഗാളിന്റെ മത്സരങ്ങള് നിശ്ചയിച്ചിരുന്നു. എന്നാല് കോവിഡ് വ്യാപനത്തെ തുടര്ന്ന് രഞ്ജി ടൂര്ണമെന്റ് നീട്ടിവയ്ക്കാന് ചൊവ്വാഴ്ച
രാത്രി ചേര്ന്ന ഓണ്ലൈന് യോഗത്തില് ബിസിസിഐ തീരുമാനിച്ചു. പുതുക്കിയ തീയതി നിശ്ചയിച്ചിട്ടില്ല.
രാത്രി ചേര്ന്ന ഓണ്ലൈന് യോഗത്തില് ബിസിസിഐ തീരുമാനിച്ചു. പുതുക്കിയ തീയതി നിശ്ചയിച്ചിട്ടില്ല.
Powered by Info News For You
Comments
Post a Comment