പട്ടാപകൽ യുവാവ് കൊല്ലപ്പെട്ട സംഭവം; ക്രിമിനൽ സംഘത്തലവനും കൂട്ടരും വീട്ടിൽകയറി വെട്ടിക്കൊന്നുവെന്ന് പൊലീസ്; 'വെട്ടിയെടുത്ത കാൽ തിരിച്ചു പോകുമ്പോൾ റോഡിലെറിഞ്ഞു'; സിസിടിവി ദൃശ്യം പുറത്ത്; ഒരാൾ അറസ്റ്റിൽ

തിരുവനന്തപുരം: (www.kvartha.com 12.12.2021) പട്ടാപകൽ യുവാവ് കൊല്ലപ്പെട്ട സംഭവുമായി ബന്ധപ്പെട്ട് കൂടുതൽ വിവരങ്ങൾ പുറത്ത്. യുവാവിനെ ഗുൻഡാ നേതാവും സംഘവും വീട്ടിൽകയറി വെട്ടിക്കൊന്നുവെന്നും കാൽ വെട്ടിമാറ്റി റോഡിലെറിഞ്ഞതായും പൊലീസ്. ഇതിൻ്റെ സിസിടിവി ദൃശ്യവും പുറത്ത് വന്നിട്ടുണ്ട്. ഇടതുകാൽ വെ​ട്ടി​യെ​ടു​ത്ത് ആഹ്ളാദം പ്രകടിപ്പിച്ച് വാഹനത്തിൽ നീങ്ങിയ സംഘം അ​ര​കി​ലോ​മീ​റ്റ​ർ ദൂരെ ജ​ങ്​​ഷ​നി​ലെ​ത്തി റോ​ഡി​ൽ വ​ലി​ച്ചെ​റി​ഞ്ഞതയാണ് പൊലീസ് അറിയിക്കുന്നത്. സംഭവുമായി ബന്ധപ്പെട്ട് ഒരാൾ അറസ്റ്റിലായി. ഓടോറിക്ഷ ഡ്രൈവർ രഞ്ജിത് (28) ആണ് പിടിയിലായത്

മം​ഗ​ല​പു​രം ചെ​മ്പ​ക​മം​ഗ​ലം ല​ക്ഷം​വീ​ട് കോ​ള​നി സ്വ​ദേ​ശി സു​ധീ​ഷ് (35) ആ​ണ് ക്രൂരമായി കൊല്ലപ്പെട്ടത്. പോ​ത്ത​ൻ​കോ​ട്​ ക​ല്ലൂ​രി​ലായിരുന്നു സംഭവം. ശ​നി​യാ​ഴ്​​ച ഉച്ചകഴിഞ്ഞ് 2.45 ഓ​ടെ​യാ​ണ്​ കൊലപാതകം അറിഞ്ഞത്. ബൈ​കു​ക​ളി​ലും ഓ​ടോറിക്ഷയിലുമെത്തിയ ​12 ഓളം വരുന്ന സം​ഘ​മാ​ണ് ആ​ക്ര​മ​ണം ന​ട​ത്തി​യതെന്നാണ് പറയുന്നത്.

ആസൂത്രിതമായി എത്തിയ ​സം​ഘം ആ​ദ്യം നാ​ട​ൻ ബോം​ബെ​റി​ഞ്ഞ് ഭീ​ക​രാ​ന്ത​രീ​ക്ഷം സൃ​ഷ്​​ടി​ച്ചതായി ദൃക്സാക്ഷികൾ പൊലീസിനെ അറിയിച്ചു. അ​ക്ര​മി​ക​ളെ ക​ണ്ട് സു​ധീ​ഷ്​ സ​മീ​പ​ത്തെ ബ​ന്ധു​വീ​ട്ടി​ൽ ഓടിക്കയറിയെങ്കിലും സംഘം പിന്തുടർന്ന് എത്തി വാ​തി​ലും ജ​ന​ലും ത​ക​ർ​ത്ത്​ അ​ക​ത്തു​ക​യ​റി​ അവിടെയുണ്ടാ​യി​രു​ന്ന കു​ട്ടി​ക​ൾ​ക്ക്​ മു​ന്നി​ലി​ട്ടാണ് സു​ധീ​ഷി​നെ ദേ​ഹ​മാ​സ​ക​ലം വാ​ളും മ​ഴു​വും കൊ​ണ്ട് വെട്ടി കൊന്നതെന്നും പൊലീസ് വ്യക്തമാക്കി.

ഇ​ട​തു​കാ​ൽ വെ​ട്ടി​യെ​ടു​ത്ത് ബൈ​കി​ൽ അ​ര​കി​ലോ​മീ​റ്റ​ർ അ​ക​ലെ ക​ല്ലൂ​ർ മൃ​ഗാ​ശു​പ​ത്രി ജ​ങ്​​ഷ​നി​ലെ​ത്തി റോഡി​ലേക്ക് വ​ലി​ച്ചെ​റി​ഞ്ഞ​ശേ​ഷം തിരിച്ചുപോയി. ആ​യു​ധ​ങ്ങ​ൾ കാ​ട്ടി ഭീ​ഷ​ണി​പ്പെടുത്തി ഭീകരാന്തരീഷം സൃഷ്ടിച്ചതിനാൽ ആ​രും പു​റ​ത്തി​റ​ങ്ങി​യി​ല്ലെന്ന് ദൃക്‌സാക്ഷികൾ പറയുന്നു.

കൊടും പക​യാ​ണ് കൊ​ല​പാ​ത​ക കാ​ര​ണ​മെ​ന്നാ​ണ്​ പൊലീസ് നിഗമനം. മം​ഗ​ല​പു​രം, ആ​റ്റി​ങ്ങ​ൽ സ്റ്റേഷനുകളി​ലായി വ​ധ​ശ്ര​മം, അ​ടി​പി​ടി കേ​സു​ക​ളി​ൽ പ്ര​തി​യാ​ണ് കൊല്ലപ്പെട്ട സു​ധീ​ഷെന്നും ആ​റ്റി​ങ്ങ​ൽ മങ്ങാ​ട്ടു​മൂ​ല​യി​ൽ ഈ​മാ​സം ആ​റി​ന് സു​ധീ​ഷി​ൻ്റെ നേതൃത്യത്തിലുള്ള ഒരു സം​ഘം വീ​ട് ആ​ക്ര​മി​ച്ച് ര​ണ്ടു​പേരെ വെ​ട്ടി​ പരിക്കേൽപ്പിച്ചിരു​ന്നുവെന്നും പൊലീസ് പറയുന്നു.

അ​ഞ്ചം​ഗ​സം​ഘം ന​ട​ത്തി​യ ആ​ക്ര​മ​ണ​ത്തി​ൽ നാ​ലു​പേ​ർ ജ​യി​ലി​ലാ​ണ്. ക​ല്ലൂ​ർ പാ​ണ​ൻ​വി​ള​യി​ലെ അ​മ്മ​യു​ടെ കു​ടും​ബ​വീ​ട്ടി​ൽ ഒ​ളി​വി​ൽ ക​ഴി​യു​ക​യാ​യി​രു​ന്നു സു​ധീ​ഷ്. കു​പ്ര​സി​ദ്ധ ഗു​ൻഡ ഒ​ട്ട​കം രാ​ജേ​ഷും സംഘവുമാണ് വെ​ട്ടി​യ​തെ​ന്ന് ആ​ശു​പ​ത്രി​യി​ലേ​ക്ക്​ കൊ​ണ്ടു​പോ​കും​വ​ഴി സു​ധീ​ഷ് പൊ​ലീ​സി​ന് മരണമൊ​ഴി ന​ൽ​കിയിട്ടുണ്ടെന്നാണ് വിവരം.

ഉന്നത പൊലീസ് ഉദ്യോഗസ്ഥർ സ്ഥലത്തെത്തി അക്രമികൾക്കായി തിരച്ചിൽ തുടങ്ങി. സംഘത്തിൻ്റെ ക്രൂരത വ്യക്കതമാക്കുന്ന സിസിടിവി ദൃ​ശ്യ​ങ്ങ​ൾ പൊ​ലീ​സി​ന് ല​ഭി​ച്ചി​ട്ടു​ണ്ട്. ഇത് കേന്ദ്രീകരിച്ചാണ് അന്വേഷണം മുന്നോട്ട് പോകുന്നത്. പ്രതികളെയെല്ലാം പൊലീസ് തിരിച്ചറിഞ്ഞതായാണ് വിവരം.

Keywords : Kerala, Thiruvananthapuram, News, Top-Headlines, Man, Mangalore, Murder, Killed, Crime, Death, Death of young man; more information out.

< !- START disable copy paste -->

Powered by Info News For You