സംസ്ഥാനത്ത് സ്വര്ണവില ഈ മാസത്തെ ഏറ്റവും ഉയര്ന്ന നിലയില് തുടരുന്നു
കൊച്ചി: (www.kvartha.com 05.12.2021) സംസ്ഥാനത്ത് ഈ മാസത്തെ ഏറ്റവും ഉയര്ന്ന നിലയില് സ്വര്ണവില തുടരുന്നു. പവന് 35,800 രൂപയിലും ഗ്രാമിന് 4,475 രൂപയിലുമാണ് വ്യാപാരം നടക്കുന്നത്. ശനിയാഴ്ച ഗ്രാമിന് 30 രൂപയും പവന് 240 രൂപയും വര്ധിച്ചിരുന്നു.
വെള്ളിയാഴ്ച പവന് രേഖപ്പെടുത്തിയ 35,560 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്. കഴിഞ്ഞ കുറേ മാസങ്ങളിലെ തന്നെ ഏറ്റവും കുറഞ്ഞ നിരക്കായിരുന്നു ഇത്. ഡിസംബര് ഒന്നിന് പവന് 200 രൂപ കുറഞ്ഞിരുന്നു. രണ്ടാം തിയതി വിലയില് മാറ്റമുണ്ടായില്ല. ഒന്ന്, രണ്ട് തിയതികളില് ഒരു പവന് സ്വര്ണത്തിന് 35,680 രൂപയായിരുന്നു വില. മൂന്നിന് വീണ്ടും 120 രൂപ പവന് കുറഞ്ഞു.
നവംബര് ഒന്നിന് പവന് 35,760 രൂപയായിരുന്നു സ്വര്ണ വില. നവംബര് മൂന്ന്, നാല് തിയതികളില് നവംബറിലെ ഏറ്റവും കുറഞ്ഞ നിരക്കില് ആയിരുന്നു സ്വര്ണ വില. ഒരു പവന് സ്വര്ണത്തിന് 35,640 രൂപയായിരുന്നു വില. അതേസമയം നവംബര് 16ന് ആണ് നവംബറിലെ ഏറ്റവും ഉയര്ന്ന നിരക്കില് സ്വര്ണ വില എത്തിയത്. ഒരു പവന് സ്വര്ണത്തിന് 36,920 രൂപയായിരുന്നു വില. എന്നാല് പിന്നീട് വില ഇടിയുകയായിരുന്നു.
ഡോളര് കരുത്താര്ജിച്ചതിന് പിന്നാലെ യുഎസ് ബോന്ഡുകളില് നിന്നുള്ള വരുമാനം ഉയര്ന്നതും രാജ്യാന്തര വിപണിയില് സ്വര്ണ വില കുറയാന് കാരണമായി. ഇതാണ് രാജ്യത്തെ ആഭ്യന്തര വിപണികളിലും പെട്ടെന്ന് സ്വര്ണ വില കുറയാന് ഇടയാക്കിയത്. രാജ്യാന്തര വിപണികളിലെയും ഡെല്ഹി ബുളിയന് വിപണികളിലേയും വിലമാറ്റങ്ങളാണ് പ്രാദേശിക ആഭരണ വിപണികളില് പ്രതിഫലിക്കുന്നത്. ആഗോള വിപണിയില് സ്വര്ണം ഔണ്സിന് 1,783.44 ഡോളറാണ്.
അടിയന്തിര ഘട്ടങ്ങളില് എളുപ്പത്തില് പണമാക്കി മാറ്റാനും ക്രയവിക്രയം ചെയ്യാനാകുമെന്നതാണ് മലയാളികളുടെ പ്രിയപ്പെട്ട നിക്ഷേപമായി സ്വര്ണം മാറാനുള്ള പ്രധാന കാരണം. നാണ്യ പെരുപ്പ് ഭീഷണി കൂടുതല് നിക്ഷേപകരെ സ്വര്ണത്തിലേക്ക് ആകര്ഷിക്കുമെന്നാണ് വിലയിരുത്തല്.
Powered by Info News For You
Comments
Post a Comment