ഗാര്ഹിക പീഡനത്തെ തുടര്ന്ന് ആത്മഹത്യ ചെയ്ത നിയമ വിദ്യാര്ഥിനി മോഫിയ പര്വീനിന്റെ വീട് സന്ദര്ശിച്ച് ഗവര്ണര് ആരിഫ് മുഹമ്മദ് ഖാന്
കൊച്ചി: (www.kvartha.com 28.11.2021) ഗാര്ഹിക പീഡനത്തെ തുടര്ന്ന് ആത്മഹത്യ ചെയ്ത നിയമ വിദ്യാര്ഥിനി മോഫിയ പര്വീനിന്റെ വീട് സന്ദര്ശിച്ച് ഗവര്ണര് ആരിഫ് മുഹമ്മദ് ഖാന്. മോഫിയയുടെ ആലുവയിലെ വീട്ടിലെത്തിയ ഗവര്ണര് ബന്ധുക്കളോട് സംസാരിച്ചു. കൊല്ലത്ത് സ്ത്രീധന പീഡനത്തെ തുടര്ന്ന് ആത്മഹത്യ ചെയ്ത വിസ്മയയുടെ വീടും നേരത്തേ ഗവര്ണര് സന്ദര്ശിച്ചിരുന്നു.
സ്ത്രീധന പീഡനത്തിനെതിരെ കുറച്ചു മാസങ്ങള്ക്കു മുന്പ് പരസ്യമായി ഗവര്ണര് രംഗത്തെത്തിയതും വലിയ ചര്ചയായിരുന്നു. സ്ത്രീധനം വാങ്ങില്ലെന്ന് ഉറപ്പു നല്കുന്നവര്കേ സര്വകലാശാലകളില് പ്രവേശനം നല്കാവൂ എന്നും, പ്രവേശന സമയത്തും ബിരുദം നല്കുന്നതിന് മുന്പും വിദ്യാര്ഥികളില്നിന്നു ബോന്ഡ് ഒപ്പിട്ടു വാങ്ങണമെന്നും അടക്കമുള്ള നിര്ദേശങ്ങള് ഗവര്ണര് മുന്നോട്ട് വയ്ക്കുകയും ചെയ്തിരുന്നു.
സ്ത്രീധനത്തിനെതിരെയും സ്ത്രീ സുരക്ഷയ്ക്കു വേണ്ടിയും അദ്ദേഹം ഉപവാസവും അനുഷ്ഠിച്ചിരുന്നു. സര്കാരിന്റെ പ്രതിനിധിയായി മന്ത്രി പി രാജീവും കഴിഞ്ഞദിവസം മോഫിയയുടെ വീട്ടില് എത്തിയിരുന്നു. അതിനിടെ, മോഫിയ പര്വീനിന്റെ മരണത്തില് അറസ്റ്റിലായ ഭര്ത്താവിന്റെയും മാതാപിതാക്കളെയും ജാമ്യാപേക്ഷയില് കോടതി ചൊവ്വാഴ്ച തീരുമാനമെടുക്കും.
Keywords: Governor Arif Mohammed Khan to visit Mofiya Parveen's house in Aluva, Kochi, News, Governor, Visit, Suicide, Family, Dowry, Trending, Kerala.
Powered by Info News For You
Comments
Post a Comment