സുസ്ഥിര വികസനത്തില് മാത്രമല്ല, ദാരിദ്ര്യ നിര്മാര്ജനത്തിലും കേരളം നമ്പര് വണ്; നേട്ടത്തിന് പിന്നില് വിട്ടുവീഴ്ചയില്ലാത്ത പ്രവര്ത്തനമെന്ന് മുഖ്യമന്ത്രി
തിരുവനന്തപുരം: (www.kvartha.com 27.11.2021) സുസ്ഥിര വികസനത്തില് മാത്രമല്ല, ദാരിദ്ര്യ നിര്മാര്ജനത്തിലും കേരളം നമ്പര് വണ്. നീതി ആയോഗ് പ്രസിദ്ധീകരിച്ച ദേശീയ മള്ടി ഡയമന്ഷനല് ദാരിദ്ര്യ സൂചികയില് ഏറ്റവും കുറച്ച് ദാരിദ്ര്യമുള്ള സംസ്ഥാനമായി കേരളം തെരഞ്ഞെടുക്കപ്പെട്ടിരിക്കയാണ്. പട്ടിക പ്രകാരം കേരളത്തില് ദാരിദ്ര്യം നേരിടുന്നവര് 0.71 ശതമാനം മാത്രമാണ്.
ദരിദ്രരുടെ എണ്ണം ഏറ്റവും കുറവുള്ള സംസ്ഥാനം കേരളമാണെന്ന നീതി ആയോഗിന്റെ റിപോര്ട് പുറത്തുവന്നതോടെ പ്രതികരണവുമായി മുഖ്യമന്ത്രി പിണറായി വിജയന് രംഗത്തെത്തിയിരിക്കയാണ്. തന്റെ ഫേസ്ബുക് പോസ്റ്റിലൂടെയാണ് മുഖ്യമന്ത്രി പ്രതികരണം അറിയിച്ചത്.
ആരോഗ്യം, വിദ്യാഭ്യാസം, ജീവിതനിലവാരം എന്നിവയുടെ അടിസ്ഥാനത്തില് സംസ്ഥാനങ്ങളിലെ ദാരിദ്ര്യം വിലയിരുത്തി നീതി ആയോഗ് തയാറാക്കിയ ബഹുതല ദാരിദ്ര്യ സൂചികയിലാണ് (മള്ടി ഡയമെന്ഷനല് പോവര്ടി ഇന്ഡെക്സില്-എം പി ഐ) കേരളത്തിന്റെ നേട്ടം. ദരിദ്രര് കൂടുതല് ബിഹാറിലാണ്. വലിയ അന്തരമാണ് കേരളവും മറ്റ് സംസ്ഥാനങ്ങളും തമ്മില്.
മഹാമാരിയും പ്രകൃതി ദുരന്തങ്ങളുമുള്പെടെ അനവധി വെല്ലുവിളികള് നേരിടേണ്ടി വന്നിട്ടും ജനക്ഷേമം ഉറപ്പുവരുത്തുന്നതിനായി സര്കാര് നടത്തിയ വിട്ടുവീഴ്ചയില്ലാത്ത പ്രവര്ത്തനങ്ങള് ഈ നേട്ടത്തിന്റെ അടിത്തറ പാകി എന്നത് അഭിമാനകരമാണെന്ന് മുഖ്യമന്ത്രി ഫേസ്ബുകിലൂടെ വ്യക്തമാക്കി.
അതീവ ദാരിദ്ര്യ നിര്മാര്ജനം ലക്ഷ്യമാക്കി സര്കാര് ആവിഷ്കരിച്ച പുതിയ പദ്ധതികള് കൂടി പ്രാവര്ത്തികമാകുന്നതോടെ നമ്മുടെ നാട്ടില് നിന്നും ദാരിദ്ര്യം തുടച്ചു നീക്കാന് സാധിക്കും. ആ മഹത്തായ ലക്ഷ്യ സാക്ഷാല്കാരത്തിനായി ഏവരും ഒരുമിച്ചു നില്ക്കണമെന്നും അഭിമാനപൂര്വം ആത്മവിശ്വാസത്തോടെ നമുക്ക് മുന്നോട്ടു പോകാമെന്നും മുഖ്യമന്ത്രി പോസ്റ്റില് പറയുന്നു.
മുഖ്യമന്ത്രിയുടെ ഫേസ്ബുക് കുറിപ്പിന്റെ പൂര്ണരൂപം...
സുസ്ഥിര വികസനത്തില് മാത്രമല്ല, ദാരിദ്ര്യ നിര്മാര്ജനത്തിലും കേരളം നമ്പര് വണ്. നീതി ആയോഗ് പ്രസിദ്ധീകരിച്ച ദേശീയ മള്ടി ഡയമന്ഷനല് ദാരിദ്ര്യ സൂചികയില് ഏറ്റവും കുറച്ച് ദാരിദ്ര്യമുള്ള സംസ്ഥാനമായി കേരളം തെരഞ്ഞെടുക്കപ്പെട്ടു. പട്ടിക പ്രകാരം കേരളത്തില് ദാരിദ്ര്യം നേരിടുന്നവര് 0.71 ശതമാനം മാത്രമാണ്.
ആരോഗ്യം, വിദ്യാഭ്യാസം, ജീവിത നിലവാരം എന്നിവയാണ് പഠനത്തിന്റെ പ്രധാന മാനദണ്ഡങ്ങള്. പോഷകാഹാര ലഭ്യത, ശുചിത്വ സൗകര്യങ്ങള്, കുട്ടികളുടേയും കൗമാരക്കാരുടേയും മരണ നിരക്ക്, വൈദ്യുതി, പാര്പിടം, തുടങ്ങി നിരവധി സൂചികകള് അടിസ്ഥാനമാക്കിയാണ് നീതി ആയോഗ് പട്ടിക തയാറാക്കിയത്.
മഹാമാരിയും പ്രകൃതി ദുരന്തങ്ങളുമുള്പെടെ അനവധി വെല്ലുവിളികള് നേരിടേണ്ടി വന്നിട്ടും ജനക്ഷേമം ഉറപ്പുവരുത്തുന്നതിനായി സര്കാര് നടത്തിയ വിട്ടുവീഴ്ചയില്ലാത്ത പ്രവര്ത്തനങ്ങള് ഈ നേട്ടത്തിന്റെ അടിത്തറ പാകി എന്നത് അഭിമാനകരമാണ്.
അതീവ ദാരിദ്ര്യ നിര്മാര്ദനം ലക്ഷ്യമാക്കി സര്കാര് ആവിഷ്കരിച്ച പുതിയ പദ്ധതികള് കൂടി പ്രാവര്ത്തികമാകുന്നതോടെ നമ്മുടെ നാടില് നിന്നും ദാരിദ്ര്യം തുടച്ചു നീക്കാന് സാധിക്കും. ആ മഹത്തായ ലക്ഷ്യ സാക്ഷാല്കാരത്തിനായി ഏവരും ഒരുമിച്ചു നില്ക്കണം. അഭിമാനപൂര്വം ആത്മവിശ്വാസത്തോടെ നമുക്ക് മുന്നോട്ടു പോകാം.
Keywords: Chief Minister Pinarayi said that uncompromising activities are behind the achievements of Kerala, Thiruvananthapuram, News, Chief Minister, Pinarayi Vijayan, Facebook Post, Kerala.
Powered by Info News For You
Comments
Post a Comment