നടന് ജോജു ജോര്ജിന്റെ വാഹനം തകര്ത്ത കേസ് ഒത്തുതീര്പിലേക്ക്; കോണ്ഗ്രസ് മുന്കൈ എടുത്ത് നടത്തുന്ന സമവായ ചര്ച്ചയില് കേസ് പിന്വലിക്കാന് നടന് സമ്മതിച്ചതായി സൂചന
കൊച്ചി: (www.kvartha.com 05.11.2021) വൈറ്റിലയിലെ കോണ്ഗ്രസിന്റെ റോഡ് ഉപരോധ സമരത്തിനിടെ നടന് ജോജു ജോര്ജിന്റെ വാഹനം തകര്ത്ത് ആക്രമിക്കാന് ശ്രമിച്ചെന്ന കേസ് ഒത്തുതീര്പ്പായേക്കും. കോണ്ഗ്രസ് മുന്കൈ എടുത്ത് നടത്തുന്ന സമവായ ചര്ച്ചയില് കേസ് പിന്വലിക്കാന് നടന് സമ്മതം അറിയിച്ചതായാണ് സൂചന. കേസില് അന്വേഷണം മുറുകി നേതാക്കള് അറസ്റ്റിലാകുമെന്ന ഘട്ടമെത്തിയപ്പോഴാണ് കോണ്ഗ്രസിന്റെ ഭാഗത്ത് നിന്ന് സമവായ നീക്കം ഉണ്ടായത്.
ഇരുവിഭാഗവും തെറ്റ് സമ്മതിച്ചെന്നും കേസ് തീര്ക്കാന് ചര്ച്ചകള് നടക്കുന്നതായും എറണാകുളം ഡി സി സി പ്രസിഡന്റ് മുഹമ്മദ് ശിയാസ് അറിയിച്ചു. പ്രശ്നം രമ്യമായി തീരുമെന്നാണ് കോണ്ഗ്രസ് പ്രതീക്ഷ. പെട്ടെന്നുള്ള പ്രകോപനത്തിന്റെ പേരിലുണ്ടായ തര്ക്കത്തിലെ കേസ് തുടരാന് ജോജുവും താല്പര്യം പ്രകടിപ്പിക്കുന്നില്ല. ജോജുവിന്റെ സുഹൃത്തുക്കളും കോണ്ഗ്രസ് നേതാക്കളും പ്രശ്ന പരിഹാരത്തിനായി ചര്ച്ചകള് നടത്തിക്കഴിഞ്ഞുവെന്നാണ് വിവരം.
വൈറ്റിലയിലെ ഹൈവേ ഉപരോധത്തിനിടെയുണ്ടായ സംഭവ വികാസങ്ങളില് രണ്ട് കേസുകളാണ് പൊലീസ് രെജിസ്റ്റര് ചെയ്തത്. വാഹനം തല്ലിതകര്ത്ത് ആക്രമിക്കാന് ശ്രമിച്ചെന്ന ജോജുവിന്റെ പരാതിയില് എട്ട് പേര്ക്കെതിരെയും വഴി തടയല് സമരവുമായി ബന്ധപ്പെട്ട് 30 പേര്ക്കെതിരെയുമാണ് ജാമ്യമില്ലാ വകുപ്പനുസരിച്ച് കേസെടുത്തത്.
ഇതിനിടെ കേസില് അറസ്റ്റിലായ ഐ എന് ടി യു സി പ്രവര്ത്തകന് ജോസഫിന്റെ ജാമ്യഹര്ജി എറണാകുളം സി ജെ എം കോടതി വെള്ളിയാഴ്ച പരിഗണിക്കും. എറണാകുളം ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതിയാണ് കേസ് പരിഗണിക്കുന്നത്. കേസില് പ്രതി ജോസഫ് കുറ്റം സമ്മതിച്ചതായി പൊലീസ് കഴിഞ്ഞ ദിവസം വ്യക്തമാക്കിയിരുന്നു. ജോജുവിന്റെ വാഹനത്തിന്റെ ചില്ല് കല്ലുകൊണ്ട് തകര്ത്തതിന് രണ്ട് ദിവസം മുന്പാണ് ജോസഫ് അറസ്റ്റിലായത്. കൊച്ചി മുന് മേയര് ടോണി ചമ്മണി അടക്കമുള്ളവര്ക്കെതിരെയാണ് കേസ്.
അതേസമയം, ദേശീയ പാത ഉപരോധിച്ച കേസില് കോണ്ഗ്രസ് നേതാക്കളുടെ അറസ്റ്റ് വെള്ളിയാഴ്ചയുണ്ടായേക്കും.
Powered by Info News For You
Comments
Post a Comment