വിവാദ കാര്ഷിക നിയമങ്ങള് റദ്ദാക്കാനുള്ള നടപടിക്രമങ്ങള് വേഗത്തിലാക്കി കേന്ദ്ര സര്കാര്; റദ്ദാക്കല് ബിലിന് ഈയാഴ്ച തന്നെ അംഗീകാരം
ന്യൂഡെല്ഹി: (www.kvartha.com 21.11.2021) വിവാദ കാര്ഷിക നിയമങ്ങള് റദ്ദാക്കാനുള്ള നടപടിക്രമങ്ങള് വേഗത്തിലാക്കി കേന്ദ്ര സര്കാര്. റദ്ദാക്കല് ബിലി(Bill) ന് ഈയാഴ്ച തന്നെ കേന്ദ്ര മന്ത്രിസഭ അംഗീകാരം നല്കുമെന്നാണ് അറിയുന്നത്. മൂന്ന് നിയമങ്ങളും റദ്ദാക്കുന്നതിനുവേണ്ടി കൃഷി മന്ത്രാലയവും ഭക്ഷ്യ പൊതുവിതരണമന്ത്രാലയവും ബിലു(Bill) കള് തയാറാക്കി വരികയാണെന്നാണ് വിവരം.
ബുധനാഴ്ച ചേരുന്ന കേന്ദ്ര മന്ത്രിസഭാ യോഗത്തില് ഈ ബിലുകള്ക്ക് അംഗീകാരം നല്കുമെന്നും റിപോര്ടുണ്ട്. ഇതിന് ശേഷം ശൈത്യകാല സമ്മേളനത്തില് ബില് അവതരിപ്പിച്ച് വിവാദ കാര്ഷിക നിയമങ്ങള് റദ്ദാക്കാനാണ് കേന്ദ്രസര്കാരിന്റെ നീക്കം. എന്നാല് കാര്ഷിക നിയമങ്ങള് പിന്വലിക്കുന്നത് വരെ കാത്തിരിക്കാനാണ് സമരം ചെയ്യുന്ന കര്ഷകരുടെ തീരുമാനം.
കഴിഞ്ഞ വെള്ളിയാഴ്ചയാണ് പ്രധാനമന്ത്രി നരേന്ദ്ര മോദി വിവാദ കാര്ഷിക നിയമങ്ങള് പിന്വലിക്കുന്നതായി പ്രഖ്യാപിച്ചത്. കര്ഷകര് സമരം ആരംഭിച്ച് ഒരുവര്ഷത്തിന് ശേഷമാണ് പ്രധാനമന്ത്രിയുടെ ഈ അപ്രതീക്ഷിത പ്രഖ്യാപനം.
പ്രഖ്യാപനം ഇങ്ങനെ;
കര്ഷകര് രാജ്യത്തിന്റെ നട്ടെല്ലാണ്. കര്ഷകരെ സഹായിക്കാന് ആത്മാര്ഥതയോടെയാണ് നിയമങ്ങള് കൊണ്ടുവന്നത്. ചെയ്ത കാര്യങ്ങളെല്ലാം കര്ഷകരുടെ നന്മയ്ക്ക് വേണ്ടിയായിരുന്നു. എന്നാല് ചില കര്ഷകര്ക്ക് അത് മനസിലാക്കാന് സാധിച്ചില്ലെന്നും പ്രധാനമന്ത്രി പറഞ്ഞു. രാജ്യത്തോട് ക്ഷമ ചോദിച്ച പ്രധാനമന്ത്രി രാജ്യതലസ്ഥാനത്ത് സമരം ചെയ്യുന്ന കര്ഷകര് മടങ്ങിപ്പോകണമെന്നും അഭ്യര്ഥിച്ചു.
പഞ്ചാബ്, ഉത്തര്പ്രദേശ് തുടങ്ങിയ സംസ്ഥാനങ്ങളില് നിയമസഭാ തെരഞ്ഞെടുപ്പ് അടുത്തിരിക്കുന്ന സാഹചര്യത്തില് കൂടിയാണ് കേന്ദ്രസര്കാരിന്റെ നിര്ണായക നീക്കമെന്നതും ശ്രദ്ധേയമാണ്.
Keywords: Union Cabinet likely to approve repeal of Farm Bills on November 24, New Delhi, News, Farmers, Conference, National.
Powered by Info News For You
Comments
Post a Comment