രെജിസ്ട്രേഡ് കത്ത് മേല്വിലാസക്കാരന് നല്കാതെ ഉള്ളടക്കം ചോര്ത്തി നല്കിയെന്ന് പരാതി; 13 വര്ഷത്തെ നിയമപോരാട്ടത്തിനൊടുവില് പോസ്റ്റ്മാനും പോസ്റ്റല് സൂപ്രണ്ടിനും ഒരുലക്ഷം രൂപ പിഴ
കണ്ണൂര്: (www.kvartha.com 18.11.2021) കത്ത് പൊട്ടിച്ച് വായിച്ചു ചോര്ത്തിയെന്ന കേസില് പോസ്റ്റ്മാനും പോസ്റ്റല് സൂപ്രണ്ടിനും ഒരുലക്ഷം രൂപ പിഴ. ചിറക്കല് പോസ്റ്റ് ഓഫിസിലെ പോസ്റ്റ്മാനായിരുന്ന എം വേണുഗോപാല്, പോസ്റ്റല് സൂപ്രണ്ട് കെ ജി ബാലകൃഷ്ണന് എന്നിവര്ക്കെതിരെയാണ് നടപടി.
രെജിസ്ട്രേഡ് കത്ത് മേല്വിലാസക്കാരന് നല്കാതെ പൊട്ടിച്ച് വായിച്ച് ഉള്ളടക്കം ചോര്ത്തി നല്കിയെന്നാണ് പരാതി. താവക്കരയിലെ ടിവി ശശിധരന് എന്ന ആര്ടിസ്റ്റ് ശശികലയാണ് പരാതിക്കാരന്.
രെജിസ്ട്രേഡ് കത്ത് മേല്വിലാസക്കാരന് നല്കാതെ പൊട്ടിച്ച് വായിച്ച് ഉള്ളടക്കം ചോര്ത്തി നല്കിയെന്നാണ് പരാതി. താവക്കരയിലെ ടിവി ശശിധരന് എന്ന ആര്ടിസ്റ്റ് ശശികലയാണ് പരാതിക്കാരന്.
13 വര്ഷത്തെ നിയമപോരാട്ടത്തിനൊടുവില് ഉപഭോക്തൃ കോടതിയാണ് പരാതിക്കാരന് അനുകൂലമായി വിധി പുറപ്പെടുവിച്ചത്. ഇരുവരും 50000 രൂപ രണ്ട് മാസത്തിനകം നല്കണം. വൈകിയാല് എട്ട് ശതമാനം പലിശ നല്കണമെന്നും ഉത്തരവില് പറയുന്നു. രവി സുഷ, മോളിക്കുട്ടി മാത്യു, കെപി സജീഷ് എന്നിവരടങ്ങുന്ന ബെഞ്ചാണ് വിധി പ്രസ്താവിച്ചത്. പുതിയപുരയില് ഹംസ എന്നയാള്ക്ക് ടിവി ശശിധരന് എഴുതിയ രെജിസ്റ്റേഡ് കത്ത് പൊട്ടിച്ച് വായിച്ച് ഉള്ളടക്കം കൈമാറി ആള് സ്ഥലത്തില്ലെന്ന് റിമാര്ക്സ് രേഖപ്പെടുത്തി തിരിച്ചയച്ച സംഭവത്തിലാണ് നടപടി.
2008 ജൂണ് 30നാണ് കേസിനാസ്പദമായ സംഭവം. കരാറുകാരനായ ഹംസക്കുട്ടി പണം വാങ്ങിയ ശേഷം കൃത്യസമയത്ത് വീട് നിര്മാണം പൂര്ത്തിയാക്കി നല്കിയിരുന്നില്ല. ഇത് ചോദ്യം ചെയ്താണ് ശശിധരന് കത്തെഴുതിയത്. വേണുഗോപാലന് ഈ കത്തിലെ വിവരങ്ങള് ഹംസക്കുട്ടിക്ക് ചോര്ത്തി നല്കിയെന്നാണ് പരാതിക്കാരന് ഉന്നയിച്ചിരുന്നത്. കത്തിലെ വിവരങ്ങള് മനസിലാക്കിയ ഹംസക്കുട്ടി വീടും പുരയിടവും മറിച്ചുവിറ്റതായി ശശിധരന് ആരോപിച്ചിരുന്നു.
തുടര്ന്ന് പോസ്റ്റ്മാന്, പോസ്റ്റല് ഓഫിസെര് എന്നിവരെ പ്രതി ചേര്ത്ത് പരാതി നല്കി. വകുപ്പുതല അന്വേഷണത്തില് വേണുഗോപാല് കുറ്റക്കാരനാണെന്ന് കണ്ടെത്തി നടപടി സ്വീകരിച്ചെങ്കിലും മൂന്ന് മാസത്തിന് ശേഷം അതേ പോസ്റ്റ്ഓഫിസില് വീണ്ടും നിയമിതനായി. ഇതിനെതിരെ ശശിധരന് ജില്ലാ ഉപഭോക്തൃ കോടതിയെ സമീപിച്ചെങ്കിലും സാങ്കേതിക തടസമുന്നയിച്ച് കേസ് തള്ളി. തുടര്ന്ന് സംസ്ഥാന കമീഷനെ സമീപിക്കുകയായിരുന്നു. ശശിധരന് സ്വന്തമായിട്ടാണ് കേസ് വാദിച്ചത്.
Powered by Info News For You
Comments
Post a Comment