ഐ പി എല്‍ 14-ാം സീസണില്‍ കൊല്‍കത്തയെ തകര്‍ത്ത് 4-ാം കിരീട നേട്ടവുമായി ധോണിയുടെ മഞ്ഞപ്പട

ദുബൈ: (www.kvartha.com 16.10.2021) ഐ പി എല്‍ 14-ാം സീസണില്‍ കൊല്‍കത്തയെ തകര്‍ത്ത് നാലാം കിരീട നേട്ടവുമായി ധോണിയുടെ മഞ്ഞപ്പട. ഏറെക്കുറെ ഏകപക്ഷീയമായ ഫൈനലില്‍ കൊല്‍കത്ത നൈറ്റ് റൈഡേഴ്സിനെ 27 റണ്‍സിന് തോല്‍പിച്ചാണ് ചെന്നൈ സൂപെര്‍ കിംഗ്സ് നാലാം ഐപിഎല്‍ കിരീടം സ്വന്തമാക്കിയത്.

Chennai Super Kings beat Kolkata Knight Riders by 27 runs, Dubai, News, IPL, Winner, Chennai Super Kings, Mahendra Singh Dhoni, Gulf, World

2010, 2011, 2018 വര്‍ഷങ്ങളിലാണ് ചെന്നൈ സൂപെര്‍ കിംഗ്സ് ജേതാക്കളായത്. ഇതോടെ ഐപിഎല്‍ കിരീടങ്ങളുടെ കാര്യത്തില്‍ മുംബൈ ഇന്‍ഡ്യന്‍സിനോട് (5) അടുക്കാനും സൂപെര്‍ കിംഗ്സിനായി. 2012 ഫൈനലില്‍ തങ്ങളെ തോല്‍പിച്ച കൊല്‍കത്തയോട് പ്രതികാരം ചെയ്യാനും സൂപെര്‍ കിംഗ്സിന് കഴിഞ്ഞു.

ഇതിഹാസ താരവും നായകനുമായ എം എസ് ധോണിയുടെ തൊപ്പിയിലെ മറ്റൊരു പൊന്‍തൂവല്‍ കൂടിയാണ് സൂപെര്‍ കിംഗ്സിന്റെ കിരീട നേട്ടം. ക്യാപ്റ്റനെന്ന നിലയിലെ 300-ാം ടി20 മത്സരത്തിലാണ് ധോണി മറ്റൊരു നേട്ടംകൂടി കുറിച്ചത്. സ്‌കോര്‍: ചെന്നൈ-192/3(20 ഓവര്‍). കൊല്‍കത്ത-165/9 (20).

കളിയുടെ എല്ലാ തലങ്ങളിലും നൈറ്റ് റൈഡേഴ്സിനെ പിന്തള്ളിയാണ് സൂപെര്‍ കിംഗ്സ് ചാംപ്യന്‍ പട്ടം ചൂടിയത്. ബാറ്റിംഗില്‍ ഓപെണര്‍ ഫാഫ് ഡു പ്ലെസി (59 പന്തില്‍ 86, ഏഴ് ഫോര്‍, മൂന്ന് സിക്സ്) മൊയീന്‍ അലി (20 പന്തില്‍ 37 നോടൗട്, രണ്ട് ബൗന്‍ഡറി, മൂന്ന് സിക്‌സ്), ഋതുരാജ് ഗെയ്ക് വാദ് (32, മൂന്ന് ഫോര്‍, ഒരു സിക്‌സ്) റോബിന്‍ ഉത്തപ്പ (15 പന്തില്‍ 31, മൂന്ന് സിക്‌സ്) എന്നിവര്‍ സൂപെര്‍ കിംഗ്സിന് ഉശിരന്‍ സ്‌കോര്‍ സമ്മാനിച്ചു.

ധോണി ഒരുക്കിയ ഫീല്‍ഡിന് അനുസൃതമായി പന്തെറിഞ്ഞ ബോളര്‍മാരും മികച്ച ഫീല്‍ഡിംഗും കാര്യമായ പിഴവുകള്‍ വരുത്താത്ത കാചിംഗും സൂപെര്‍ കിംഗ്സിന്റെ വിജയത്തിന് വഴിവച്ചു. സൂപെര്‍ കിംഗ്സ് ബോളര്‍മാരില്‍ ഷാര്‍ദുല്‍ താകൂര്‍ മൂന്നും രവീന്ദ്ര ജഡേജയും ജോഷ് ഹെസല്‍വുഡും രണ്ട് വികെറ്റ് വീതവും എടുത്തു. ദീപക് ചഹാറിനും ഡ്വെയ്ന്‍ ബ്രാവോയ്ക്കും ഓരോ ഇരകളെ വീതം ലഭിച്ചു.

തുടക്കത്തില്‍ നല്ല പ്രകടനം കാഴ്ചവച്ച കൊല്‍ക്കത്തയെ മധ്യനിരയുടെ തകര്‍ചയാണ് പിന്നോട്ടടിച്ചത്. ഓപെണര്‍മാരായ വെങ്കടേഷ് അയ്യരും (50), ശുഭ്മാന്‍ ഗിലും (51) അര്‍ധ ശതകങ്ങളുമായി തിളങ്ങിയെങ്കിലും മധ്യനിര കൂപ്പുകുത്തിയതോടെ കൊല്‍കത്ത തോല്‍വി ഉറപ്പിച്ചു.

നിതീഷ് റാണ (0), സുനില്‍ നരെയ്ന്‍ (2), ക്യാപ്റ്റന്‍ ഇയോണ്‍ മോര്‍ഗന്‍ (4), ദിനേശ് കാര്‍ത്തിക് (9), ഷാകിബ് അല്‍ ഹസന്‍ (0), രാഹുല്‍ ത്രിപാഠി (2) എന്നിവരെല്ലാം വന്ന പാടേ ഡഗ് ഔടിലേക്ക് മടങ്ങി. വാലറ്റത്തില്‍ ശിവം മാവിയും (20) ലോകി ഫെര്‍ഗൂസനും (18 നോടൗട്) നടത്തിയ ചെറുത്തുനില്‍പ്പാണ് വലിയ നാണക്കേടില്‍ നിന്ന് കൊല്‍കത്തയെ രക്ഷിച്ചത്.

Keywords: Chennai Super Kings beat Kolkata Knight Riders by 27 runs, Dubai, News, IPL, Winner, Chennai Super Kings, Mahendra Singh Dhoni, Gulf, World.


Powered by Info News For You

Comments

Post a Comment

Popular posts from this blog

ദേവസ്വം മന്ത്രിയുടെ 'ഭക്തി' വീണ്ടും വൈറല്‍, ഇത്തവണ ആരാധന സായിബാബയോട്, ബാബയുടെ ചിത്രത്തിനു മുന്നില്‍ തൊഴുകൈകളോടെ കടകംപള്ളി, ഫോട്ടോ വൈറലാകുന്നു

Image
തിരുവനന്തപുരം:(www.kvartha.com 30/04/2018) ദേവസ്വം മന്ത്രിയുടെ 'ഭക്ത' വീണ്ടും വൈറല്‍, ഇത്തവണ ആരാധന സായിബാബയോട്, ബാബയുടെ ചിത്രത്തിനു മുന്നില്‍ തൊഴുകൈകളോടെ നില്‍ക്കുന്ന മന്ത്രി കടകംപള്ളി സുരേന്ദ്രന്റെ ഫോട്ടോ വൈറലാകുന്നു. പൂമാലയിട്ട സായിബാബ ചിത്രത്തിനും ഷിര്‍ദിബാബ ചിത്രത്തിനും നേര്‍ക്ക് മന്ത്രി കൈക്കൂപ്പി കണ്ണടച്ചു നില്‍ക്കുന്ന ചിത്രമാണ് സോഷ്യല്‍ മീഡിയയില്‍ പ്രചരിക്കുന്നത്. ഏതു പരിപാടിയിലേതാണ് ചിത്രമെന്നു വ്യക്തമല്ല. ചിത്രത്തിനു താഴെ കടകംപള്ളിയെ ട്രോളി നിരവധി കമന്റുകളാണ് പ്രത്യക്ഷപ്പെടുന്നത്. ദേവസ്വം മന്ത്രിയായ കടകംപള്ളിയുടെ 'ഭക്തി' നേരത്തെയും സമൂഹ മാധ്യമങ്ങളില്‍ ചര്‍ച്ചയായിട്ടുണ്ട്. കഴിഞ്ഞ ശ്രീകൃഷ്ണ ജയന്തി ദിനത്തില്‍ ഗുരുവായൂര്‍ ക്ഷേത്രത്തില്‍ നടത്തിയ ദര്‍ശനവും വഴിപാട് സമര്‍പ്പണവും പാര്‍ട്ടി നേതൃത്വത്തെ ചൊടിപ്പിച്ചിരുന്നു. ദേവസ്വം മന്ത്രിയെന്ന നിലയില്‍ മാത്രമായിരുന്നു ക്ഷേത്ര ദര്‍ശനമെന്നായിരുന്നു കടകംപള്ളി അന്ന് നല്‍കിയ വിശദീകരണം. അതിന് മുമ്പ് ആറ്റുകാല്‍ ക്ഷേത്രത്തില്‍ ഭക്തിനിര്‍ഭരനായി തൊഴുതുനില്‍ക്കുന്നതിന്റെ ചിത്രം പുറത്തുവന്നപ്പോഴും വിവാദം ഉണ്ടായിരുന്നു. ശൃംഗ...
Read more

സിനിമ ചിത്രീകരണത്തിനിടെ നടി മഞ്ജു വാര്യര്‍ക്ക് പരിക്ക്

Image
കൊച്ചി: (www.kvartha.com 09.01.2020) സിനിമ ചിത്രീകരണത്തിനിടെ നടി മഞ്ജു വാര്യര്‍ക്ക് പരിക്ക്. തന്റെ പുതിയ ചിത്രമായ ചതുര്‍മുഖത്തിന്റെ ചിത്രീകരണത്തിനിടെയാണ് മഞ്ജുവിന് പരിക്കേറ്റത്. സംഘട്ടന രംഗം ചിത്രീകരിക്കുന്നതിനിടെ മഞ്ജു നിലത്ത് വീഴുകയായിരുന്നു. ചാട്ടത്തിനിടെ കാല്‍ വഴുതി പോയതാണ് വീഴാന്‍ കാരണമെന്നാണ് വിവരം. കാല്‍ ഉളുക്കിയതിനെ തുടര്‍ന്ന് മഞ്ജുവിനു വിശ്രമം നല്‍കിയിരിക്കുകയാണ്. മറ്റു കുഴപ്പങ്ങള്‍ ഒന്നും ഇല്ലെന്നും അണിയറ വൃത്തങ്ങള്‍ അറിയിച്ചു. നവാഗതരായ രഞ്ജിത്, കമല ശങ്കര്‍, സലില്‍ വി എന്നിവര്‍ ചേര്‍ന്ന് ഒരുക്കുന്ന ഈ ചിത്രം രചിച്ചിരിക്കുന്നത് അനില്‍ കുമാര്‍, അഭയ കുമാര്‍ എന്നിവര്‍ ചേര്‍ന്നാണ്. സണ്ണി വെയ്നും ചിത്രത്തില്‍ ഒരു സുപ്രധാന വേഷത്തില്‍ എത്തുന്നുണ്ട്. (ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം ) Keywords:  Manju Warrier injured on sets of Chaturmukham...
Read more

പുത്തുമലയില്‍ വീണ്ടും മണ്ണിടിച്ചില്‍; കള്ളാടിയില്‍ മണ്ണിടിഞ്ഞ് ഗതാഗതം തടസപ്പെട്ടതിനാല്‍ വഴിയില്‍ കുടുങ്ങി രക്ഷാപ്രവര്‍ത്തകര്‍; ദുരന്തത്തില്‍ മരിച്ചവരുടെ എണ്ണം 9, ചെളിക്കൂമ്പാരത്തില്‍ കുടുങ്ങി ഇനിയും എത്രപേര്‍?

Image
മേപ്പാടി: (www.kvartha.com 10.08.2019) പുത്തുമലയില്‍ വീണ്ടും മണ്ണിടിച്ചില്‍. കള്ളാടിയില്‍ മണ്ണിടിഞ്ഞ് ഗതാഗതം തടസപ്പെട്ടതിനെ തുടര്‍ന്ന് രക്ഷാപ്രവര്‍ത്തകര്‍ പുത്തുമലയിലേക്ക് എത്താനാവാതെ കുടുങ്ങിക്കിടക്കുന്നു. അതിനിടെ പുത്തുമല ദുരന്തത്തില്‍ മരിച്ചവരുടെ എണ്ണം ഒമ്പതായി. കാണാതായവര്‍ക്കുവേണ്ടി തിരച്ചില്‍ തുടരുകയാണ്. ചെളിക്കൂമ്പാരത്തിനുള്ളില്‍ ഇനിയും കൂടുതല്‍ പേര്‍ അവശേഷിക്കുന്നുണ്ടാകാം എന്നാണ് വിവരം. കാണാതായവരുടെ എണ്ണം 15നോടടുക്കുമെന്നാണു നാട്ടുകാര്‍ പറയുന്നത്. എന്നാല്‍ ഇക്കാര്യം ജില്ലാഭരണകൂടം ഇതുവരെ സ്ഥിരീകരിച്ചിട്ടില്ല. നൂറോളം കുടുംബങ്ങളാണ് പുത്തുമലയില്‍ ദുരിതത്തിനിരയായത്. മണ്ണുമാന്തി യന്ത്രങ്ങള്‍ ഉപയോഗിച്ച് ഗതാഗത സംവിധാനങ്ങള്‍ ഒരുക്കുന്നതിനുള്ള ശ്രമങ്ങള്‍ പുരോഗമിക്കുകയാണ്. അതിനിടെ, നാട്ടുകാരും രക്ഷാപ്രവര്‍ത്തകരും നടത്തിയ തെരച്ചിലില്‍ ഒമ്പതു പേരുടെ ചേതനയറ്റ ശരീരങ്ങള്‍ കണ്ടെത്തിയിരുന്നു. അവശേഷിക്കുന്നവര്‍ക്കായി ഊണും ഉറക്കവും ഉപേക്ഷിച്ച്, പ്രതികൂല കാലാവസ്ഥയെ അവഗണിച്ച് തെരച്ചില്‍ തുടരുമെന്നാണ് രക്ഷാപ്രവര്‍ത്തകരുടെ നിലപാട്. രക്ഷാപ്രവര്‍ത്തനത്തില്‍ മുന്നൂറോളം സൈനികര്‍ പങ്കെടുക്കുന്നുണ്ട്....
Read more