മാസ്ക് ധരിച്ചില്ലെന്ന കാരണം പറഞ്ഞു സൈനികോദ്യോഗസ്ഥനെ ക്രൂരമായി മര്ദിച്ച സംഭവം; പൊലീസ് ഉദ്യോഗസ്ഥരെ സസ്പെൻഡ് ചെയ്തു
റാഞ്ചി:(www.kvartha.com 02.09.2021) മാസ്ക് ധരിച്ചില്ലെന്ന കാരണം പറഞ്ഞു സൈനികോദ്യോഗസ്ഥനെ പൊലീസ് ക്രൂരമായി മർദിച്ചതായി പരാതി. ജാര്ഖണ്ഡിലെ ചിത്ര ജില്ലയിലാണ് സംഭവം. പവന് കുമാര് യാദവ് എന്നയാള്ക്കാണ് ക്രൂര മര്ദനമേറ്റതെന്നാണ് പരാതി. പൊലീസ് വാഹന പരിശോധന നടത്തുന്ന സ്ഥലത്ത് പവൻ കുമാർ എത്തുകയായിരുന്നു. പിന്നീട് മാസ്ക് ധരിക്കാത്തത് കണ്ട പൊലീസ് പവന്റെ ബൈക് തടഞ്ഞു വെച്ച് താക്കോൽ പിടിച്ചു വാങ്ങി ക്രൂരമായി മർദിക്കുകയായിരുന്നുവെന്നാണ് റിപോർട്.
മുഖത്തും നെഞ്ചത്തും ഗുരുതരമായി പരിക്കേറ്റ നിലയിൽ പവൻ കുമാറിനെ തൊട്ടടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു. അത്യാഹിത വിഭാഗത്തിൽ പ്രവേശിപ്പിച്ച പവൻകുമാർ യാദവ് അപകട നില തരണം ചെയ്തിട്ടില്ലെന്ന് ആശുപത്രി അധികൃതർ അറിയിച്ചു.
പവൻ കുമാറിനെ മർദിക്കുന്ന വീഡിയോ സോഷ്യൽ മീഡയയിൽ വ്യാപകമായി പ്രചരിച്ചിരുന്നു. ഇതേത്തുടർന്ന് പൊലീസ് ഉദ്യോഗസ്ഥരെ സസ്പെൻഡ് ചെയ്യുകയും സ്ഥലംമാറ്റുകയും ചെയ്തിട്ടുണ്ട്. ഇവർക്കെതിരെ വകുപ്പ് തല അന്വേഷണവും ആരംഭിച്ചിട്ടുണ്ട്. അന്വേഷണ റിപോർട് ലഭിച്ച ശേഷം കൂടുതൽ നടപടിയുണ്ടാകുമെന്ന് എസ് പി രാകേഷ് രഞ്ജൻ പറഞ്ഞു.
മൂന്നാം തരംഗത്തിന് സാധ്യതയുള്ളതിനാൽ ജില്ലയിൽ വൻതോതിൽ പരിശോധന നടത്താൻ ഡെപ്യൂടി കമീഷണർ അഞ്ജലി യാദവ് ഉദ്യോഗസ്ഥർക്ക് നിർദ്ദേശം നൽകിയിരുന്നു.
Keywords: News, Mask, Police, Soldiers, Jharkhand, Army, Hospital, Video, Social Media, Suspension, Top-Headlines, ലോകം, Reports That Jawan As saulted By Police For Not Wearing a Mask
< !- START disable copy paste -->
Powered by Info News For You

Comments
Post a Comment