ഇനി തെരുവുകൾക്ക് തിളക്കമേറും; നിലാവിലൂടെ മാറിയത് 5729 പരമ്പരാഗത വിളക്കുകൾ
കാസർകോട്: (www.kasargodvartha.com 08.08.2021) പരമ്പരാഗത തെരുവുവിളക്കുകൾ മാറ്റി പുതിയ എൽഇഡി വിളക്ക് സ്ഥാപിക്കുന്ന 'നിലാവ്' പദ്ധതിയിലൂടെ ജില്ലയ്ക്ക് ലഭിച്ചത് 5729 തെരുവുവിളക്കുകൾ.
6500 തെരുവുവിളക്കുകളാണ് നിലാവ് പദ്ധതി പ്രകാരം മാറ്റാൻ തീരുമാനിച്ചിരുന്നത്. ബാക്കിയുള്ള 771 തെരുവ് വിളക്കുകൾ കൂടി എൽഇഡി ആക്കി മാറ്റുന്ന പ്രവർത്തികൾ പുരോഗമിക്കുകയാണ്.
ജില്ലയിലെ ചെമ്മനാട്, മധൂർ, മഞ്ചേശ്വരം, ഉദുമ, കയ്യൂർ-ചീമേനി, അജാനൂർ, തൃക്കരിപ്പൂർ എന്നീ പഞ്ചായത്തുകളും കാഞ്ഞങ്ങാട്, നീലേശ്വരം എന്നീ നഗരസഭകളുമാണ് ഈ പദ്ധതിപ്രകാരം എൽഇഡി ആക്കിമാറ്റിയത്.
ചുരുങ്ങിയത് 500 തെരുവുവിളക്കുകളെങ്കിലുമുള്ള പഞ്ചായത്തുകൾക്കും നഗരസഭകൾക്കുമാണ് പദ്ധതിയുടെ ആദ്യഘട്ടത്തിൽ എൽഇഡി നല്കിയത്. പഞ്ചായത്തുകളിലെ വൈദ്യുതത്തൂണുകളിൽ തെരുവുവിളക്ക് കത്തിക്കുന്നതിനാവശ്യമായ സ്ട്രീറ്റ് ലൈനുകൾ സ്ഥാപിച്ചയിടങ്ങളിൽ മാത്രമാണ് ഇത് അനുവദിച്ചിരിക്കുന്നതും.
കേരളത്തിൽ മൊത്തമുള്ള 16.24 ലക്ഷം തെരുവുവിളക്കുകളിൽ 10.5 ലക്ഷം വിളക്കുകളും പരമ്പരാഗത തെരുവുവിളക്കുകളാണ്. 'നിലാവ്' പദ്ധതിയിൽ തെരുവുവിളക്കുകൾ ഉപയോഗിച്ച വൈദ്യുതിക്ക് കൃത്യമായ ബിൽ നൽകുകയും ഇതോടുകൂടി കൃത്യമായ പണം മാത്രമാണ് അതത് പഞ്ചായത്തുകളിൽനിന്നും നഗരസഭകളിൽനിന്നും കെഎസ്ഇബി ഈടാക്കുകയെന്നും അധികൃതർ അറിയിച്ചു.
6500 തെരുവുവിളക്കുകളാണ് നിലാവ് പദ്ധതി പ്രകാരം മാറ്റാൻ തീരുമാനിച്ചിരുന്നത്. ബാക്കിയുള്ള 771 തെരുവ് വിളക്കുകൾ കൂടി എൽഇഡി ആക്കി മാറ്റുന്ന പ്രവർത്തികൾ പുരോഗമിക്കുകയാണ്.
ജില്ലയിലെ ചെമ്മനാട്, മധൂർ, മഞ്ചേശ്വരം, ഉദുമ, കയ്യൂർ-ചീമേനി, അജാനൂർ, തൃക്കരിപ്പൂർ എന്നീ പഞ്ചായത്തുകളും കാഞ്ഞങ്ങാട്, നീലേശ്വരം എന്നീ നഗരസഭകളുമാണ് ഈ പദ്ധതിപ്രകാരം എൽഇഡി ആക്കിമാറ്റിയത്.
ചുരുങ്ങിയത് 500 തെരുവുവിളക്കുകളെങ്കിലുമുള്ള പഞ്ചായത്തുകൾക്കും നഗരസഭകൾക്കുമാണ് പദ്ധതിയുടെ ആദ്യഘട്ടത്തിൽ എൽഇഡി നല്കിയത്. പഞ്ചായത്തുകളിലെ വൈദ്യുതത്തൂണുകളിൽ തെരുവുവിളക്ക് കത്തിക്കുന്നതിനാവശ്യമായ സ്ട്രീറ്റ് ലൈനുകൾ സ്ഥാപിച്ചയിടങ്ങളിൽ മാത്രമാണ് ഇത് അനുവദിച്ചിരിക്കുന്നതും.
കേരളത്തിൽ മൊത്തമുള്ള 16.24 ലക്ഷം തെരുവുവിളക്കുകളിൽ 10.5 ലക്ഷം വിളക്കുകളും പരമ്പരാഗത തെരുവുവിളക്കുകളാണ്. 'നിലാവ്' പദ്ധതിയിൽ തെരുവുവിളക്കുകൾ ഉപയോഗിച്ച വൈദ്യുതിക്ക് കൃത്യമായ ബിൽ നൽകുകയും ഇതോടുകൂടി കൃത്യമായ പണം മാത്രമാണ് അതത് പഞ്ചായത്തുകളിൽനിന്നും നഗരസഭകളിൽനിന്നും കെഎസ്ഇബി ഈടാക്കുകയെന്നും അധികൃതർ അറിയിച്ചു.
Keywords: Kasaragod, Kerala, News, Electricity, Street, Lights, Development project, Madhur, Chemnad, Uduma, Ajanur, Trikaripur, Kanhangad, Top-Headlines, Panchayath, Municipality, Street Line, Through the Nilav project, 5729 street lights became LED.
Powered by Info News For You
Comments
Post a Comment