കരുവന്നൂര് ബാങ്ക് തട്ടിപ്പ് കേസ്: പ്രതികളില് മൂന്നു പേരും സിപിഎം അംഗങ്ങള്; രണ്ട് പേര് പാര്ടി ലോകല് കമിറ്റിയംഗം
തൃശ്ശൂര്: (www.kvartha.com 23.07.2021) കരുവന്നൂര് സഹകരണ ബാങ്കില് വന് വായ്പാ തട്ടിപ്പാണ് നടന്നത്. നൂറു കോടിയുടെ തട്ടിപ്പ് നടന്നുവെന്നാണ് സഹകരണ ജോയിന്റ് രജിസ്ട്രാറുടെ കണ്ടെത്തല്. 46 പേരുടെ ആധാരത്തില് എടുത്ത വായ്പയുടെ തുക ഒരു വ്യക്തിയുടെ അകൗണ്ടിലേക്ക് ട്രാന്സ്ഫര് ചെയ്തതടക്കം വന് തട്ടിപ്പുകളാണ് ബാങ്കില് നടന്നത്.സി പി എം നേതൃത്വത്തിലുള്ള ഭരണസമിതിയാണ് ബാങ്കിന്റെ തലപ്പത്തുണ്ടായിരുന്നത്. തട്ടിപ്പ് വിവരം കണ്ടെത്തിയതിനെ തുടര്ന്ന് 13 അംഗഭരണസമിതി പിരിച്ചു വിട്ടിരുന്നു. ബാങ്ക് സെക്രടറിയടക്കം ആറ് ജീവനക്കാരെ പ്രതികളാക്കിയാണ് ഇരിങ്ങാലക്കുട പൊലീസ് കേസെടുത്തത്.
ഇതോടെ കരുവന്നൂര് ബാങ്ക് തട്ടിപ്പ് കേസില് പ്രതിക്കൂട്ടിലായത് സി പി എം ആണ്. പ്രതികളില് മൂന്നു പേരും സി പി എം അംഗങ്ങള്. ഇവരില് രണ്ട് പേര് പാര്ടി ലോകല് കമിറ്റി അംഗങ്ങളാണ്. മാനേജര് ബിജു കരീം, സെക്രടറി ടി ആര് സുനില് കുമാര്, ചീഫ് അകൗണ്ടന്റ് സി കെ ജില്സ് എന്നീ പ്രതികള് പാര്ടി അംഗങ്ങളാണെന്ന വിവരമാണ് പുറത്തുവന്നിരിക്കുന്നത്. ബിജു കരീം സി പി എം പൊറത്തിശ്ശേരി ലോകല് കമിറ്റി അംഗമാണ്. ടി ആര് സുനില് കുമാര് കരുവന്നൂര് ലോകല് കമിറ്റി അംഗവും.
2019-ല് ബാങ്കിനെതിരെ തട്ടിപ്പ് ആരോപണവുമായി നാട്ടുകാര് രംഗത്ത് വന്നിരുന്നു. ഇതേ തുടര്ന്നാണ് രജിസ്ട്രാര് അന്വേഷണം നടത്തിയതും വന് തട്ടിപ്പ് വിവരങ്ങള് പുറത്തു വന്നതും.വായ്പ നല്കിയ വസ്തുക്കളില് തന്നെ വീണ്ടും വായ്പ നല്കിയും ക്രമം തെറ്റിച്ചു പല അകൗണ്ടുകളിലേക്കു പണം മാറ്റിയുമാണ് കരുവന്നൂര് ബാങ്കില് കോടികളുടെ തട്ടിപ്പ് നടന്നത്.
Powered by Info News For You
Comments
Post a Comment