ആഴ്ചകള് നീണ്ട അനിശ്ചിതത്വത്തിന് വിരാമം; രാജി പ്രഖ്യാപിച്ച് കര്ണാടക മുഖ്യമന്ത്രി യെദിയൂരപ്പ
ബെംഗളൂറു: (www.kasargodvartha.com 26.07.2021) ആഴ്ചകള് നീണ്ട അനിശ്ചിതത്വത്തിനൊടുവില് കര്ണാടക മുഖ്യമന്ത്രി സ്ഥാനത്ത് നിന്ന് ബി എസ് യെദിയൂരപ്പ രാജിവെച്ചു. തിങ്കളാഴ്ച വൈകീട്ട് നാല് മണിക്ക് യെദിയൂരപ്പ ഗവര്ണറെ കാണും.
ഇത് നാലാം തവണയാണ് കാലാവധി പൂര്ത്തിയാക്കാനാകാതെ യെദിയൂരപ്പ മുഖ്യമന്ത്രി സ്ഥാനത്ത് നിന്ന് രാജിവെക്കുന്നത്. 78 പിന്നിട്ട യെദിയൂരപ്പയെ മുന്നിര്ത്തി അടുത്ത തെരഞ്ഞെടുപ്പ് നേരിടാനാകില്ലെന്നാണ് ബി ജെ പി കേന്ദ്ര നേതൃത്വത്തിന്റെ വിലയിരുത്തല്.
2019 ജൂലൈയില് കോണ്ഗ്രസ് ജെ ഡി എസ് സഖ്യസര്കാര് താഴെ വീണതോടെ, അധികാരമേറ്റ യെദിയൂരപ്പ, രണ്ട് വര്ഷമായി അധികാരത്തില് തുടരുകയാണ്. എം എല് എയായ ബസനഗൗഡ പാട്ടീല് യത്നാല്, ടൂറിസം മന്ത്രി സി പി യോഗേശ്വര്, എം എല് സി എ എച് വിശ്വനാഥ് എന്നിവര് തന്നെ പരസ്യമായി നേരിട്ട് യെദിയൂരപ്പയ്ക്ക് എതിരെ പ്രസ്താവനകള് നടത്തിയിരുന്നു.
എന്നാല് സംസ്ഥാനത്തെ 16 ശതമാനത്തോളം വരുന്ന വീരശൈവ ലിംഗായത്ത് സമൂഹം യെദിയൂരപ്പയ്ക്ക് ഒപ്പമാണ്. യെദിയൂരപ്പയെ മാറ്റിയാല് തിരിച്ചടി നേരിടേണ്ടി വരുമെന്ന മുന്നറിയിപ്പുമായി ലിംഗായത്ത് നേതൃത്വം രംഗത്തെത്തിയിരുന്നു.
യെദിയൂരപ്പയ്ക്ക് പകരം തീവ്രനിലപാടുള്ള നേതാവിനെ മുഖ്യമന്ത്രിയാക്കണമെന്നാണ് നേതൃത്വത്തിന്റെ നിലപാട്. കേന്ദ്രമന്ത്രി പ്രഹ്ളാദ് ജോഷി, ദേശീയ ജനറല് സെക്രടറി സി ടി രവി, ആഭ്യന്തരമന്ത്രി ബസവരാജ് ബൊമ്മൈ, ഖനിമന്ത്രി മുരുകേഷ് നിരാനി എന്നിവരാണ് സജീവ പരിഗണനയിലുള്ളത്.
കര്ണാടക മന്ത്രിസഭയില് വലിയ അഴിച്ചുപണികള് നടന്നേക്കുമെന്ന റിപോര്ടുകള് ദേശീയ രാഷ്ട്രീയത്തില് വലിയ ചര്ച്ചകള്ക്ക് വഴിയൊരുക്കിയിരുന്നു.
Keywords: News, Top-Headlines, Karnataka, Political Party, Politics, National, India, Election, BJP, Karnataka CM Yediyurappa to submit resignation today afternoonPowered by Info News For You
Comments
Post a Comment