അഭിപ്രായസ്വാതന്ത്ര്യം തടസപ്പെടുത്തുന്ന ഐ ടി ചട്ടങ്ങളിൽ ഇൻഡ്യ മാറ്റം വരുത്തണം; ഐക്യരാഷ്ട്രസഭ

ന്യൂഡെൽഹി: (www.kvartha.com 19.06.2021) കേന്ദ്ര സര്‍കാര‍ിന്റെ അഭിപ്രായസ്വാതന്ത്ര്യം തടസപ്പെടുത്തുന്ന ഐ ടി ചട്ടങ്ങളിൽ ഇൻഡ്യ മാറ്റം വരുത്തണമെന്ന് ഐക്യരാഷ്ട്രസഭ. ട്വിറ്റര്‍ ഉൾപെടെയുള്ള സാമൂഹ്യ മാധ്യമങ്ങളിൽ കേന്ദ്രം പിടിമുറുക്കുമ്പോഴാണ് ഐക്യരാഷ്ട്രസഭയുടെ ഈ ഇടപെടൽ. അതിനിടെ ട്വിറ്ററിനൊപ്പം ഫേസ്ബുക്, യൂട്യൂബ് പ്രതിനിധികളെ വിളിച്ചുവരുത്താനുള്ള നീക്കങ്ങൾ പാര്‍ലമെന്‍ററി സ്റ്റാന്‍റിംഗ് കമിറ്റി ആരംഭിച്ചു.

ഇൻഡ്യ നടപ്പാക്കുന്ന ഐ ടി ചട്ടങ്ങളിലെ പല നിര്‍ദേശങ്ങളും മനുഷ്യാവകാശവും അഭിപ്രായ സ്വാതന്ത്ര്യവും സ്വകാര്യതയും ഉറപ്പാക്കാനുള്ള അന്താരാഷ്ട്ര മാനദണ്ഡങ്ങളുടെ ലംഘനമെന്നാണ് ഐക്യരാഷ്ട്രസഭയുടെ വിമര്‍ശനം.

ഇതിൽ ആശങ്കയുണ്ടെന്ന് കേന്ദ്ര സര്‍കാരിന് കൈമാറിയ ഏഴുപേജുള്ള കത്തിൽ ഐക്യരാഷ്ട്ര പ്രതിനിധികൾ വ്യക്തമാക്കുന്നു. ചില അനാവശ്യ കടപ്പാടുകളുടെ പേരിലാണ് വലിയ മനുഷ്യാവകാശ ലംഘനങ്ങളെന്ന നിരീക്ഷണവും ഐക്യരാഷ്ട്രസഭ നടത്തുന്നു.

വംശീയവും ജാതിയവുമായ അധിക്ഷേപം, ഇൻഡ്യയുടെ അഖണ്ഡതക്ക് ഭീഷണി, ആൾമാറാട്ടം, കുട്ടികൾക്ക് ദോഷകരം തുടങ്ങിയ ചട്ടങ്ങളിലെ പ്രയോഗങ്ങളുടെ അര്‍ത്ഥവ്യാപ്തി എത്രമാത്രമെന്ന് വ്യക്തമല്ല. എത്ര വിശാലമായും ഇതിനെ വ്യാഖ്യാനിക്കാം. ഇത് ദുരുപയോഗം ചെയ്യപ്പെടാനുള്ള സാധ്യതകളിലും കടുത്ത ആശങ്കയാണെന്ന് ഐക്യരാഷ്ട്രസഭ പറഞ്ഞു.

അതേസമയം പൊതുജനങ്ങളുടെ അഭിപ്രായം ആരാഞ്ഞ ശേഷമാണ് പുതിയ ചട്ടങ്ങൾ ഉണ്ടാക്കിയതെന്ന മറുപടിയാണ് കേന്ദ്ര സര്‍കാര്‍ ഐക്യരാഷ്ട്രസഭക്ക് നൽകിയത്.

Keywords: News, New Delhi, UN, Central Government, Central, India, National, UN, UN special rapporteurs, IT Rules, UN special rapporteurs express concern over India's new IT Rules.

< !- START disable copy paste -->

Powered by Info News For You