1933 ചൈനയിലെ ഒരു നിർമാണ തൊഴിലാളി കണ്ടെത്തിയ തലയോട്ടി; മനുഷ്യന്റെ ഇതുവരെ അറിയാത്ത പൂർവികരെന്ന് ശാസ്ത്രജ്ഞർ
ഹർബിൻ: (www.kvartha.com 26.06.2021) 1933 -ല് ചൈനയിലെ ഹാര്ബിനില് നിന്നും ഒരു നിർമാണ തൊഴിലാളി കണ്ടെത്തിയ തലയോട്ടിയുമായി ബന്ധപ്പെട്ട് വളരെ പ്രധാനപ്പെട്ട ചില വിവരങ്ങളാണ് ഇപ്പോള് പുറത്തുവരുന്നത്. 'ഡ്രാഗണ് മാന്' എന്ന് പേരിട്ടിരിക്കുന്ന ഈ ഫോസില് മനുഷ്യവംശവുമായി ഏറ്റവുമധികം സാമ്യം പുലര്ത്തുന്ന കണ്ണിയെന്ന് ശാസ്ത്രജ്ഞര്. എന്നാല്, ആധുനികമനുഷ്യരിലേക്കുള്ള കണ്ണിയല്ല ഇവയെന്നും വംശനാശം സംഭവിച്ച വിഭാഗമാണ് ഇതെന്നുമാണ് ഗവേഷകര് അഭിപ്രായപ്പെടുന്നത്.
നിയാണ്ടര്ത്താല്, ഹോമോ ഇറക്ടസ് ഇവയെക്കാളെല്ലാമുപരി ഇവ ആധുനികമനുഷ്യരോട് ചേര്ന്നു നില്ക്കുന്നു എന്നാണ് കണ്ടെത്തല്. കിഴക്കൻ ഏഷ്യയിൽ 146,000 വർഷങ്ങൾക്ക് മുമ്പാണ് ഡ്രാഗണ് മാന് ജീവിച്ചിരുന്നത് എന്നാണ് കരുതപ്പെടുന്നത്. 1933 -ല് തലയോട്ടിയെ കണ്ടെത്തിയെങ്കിലും അടുത്തിടെയാണ് ഡ്രാഗണ് മാന് ശാസ്ത്രജ്ഞരുടെ ശ്രദ്ധ ആകര്ഷിക്കുന്നത്. തലയോട്ടിയുടെ വിശകലനം ദി ഇനോവേഷൻ ജേണലിൽ പ്രസിദ്ധീകരിച്ചു.
നിയാണ്ടര്ത്താല്, ഹോമോ ഇറക്ടസ് ഇവയെക്കാളെല്ലാമുപരി ഇവ ആധുനികമനുഷ്യരോട് ചേര്ന്നു നില്ക്കുന്നു എന്നാണ് കണ്ടെത്തല്. കിഴക്കൻ ഏഷ്യയിൽ 146,000 വർഷങ്ങൾക്ക് മുമ്പാണ് ഡ്രാഗണ് മാന് ജീവിച്ചിരുന്നത് എന്നാണ് കരുതപ്പെടുന്നത്. 1933 -ല് തലയോട്ടിയെ കണ്ടെത്തിയെങ്കിലും അടുത്തിടെയാണ് ഡ്രാഗണ് മാന് ശാസ്ത്രജ്ഞരുടെ ശ്രദ്ധ ആകര്ഷിക്കുന്നത്. തലയോട്ടിയുടെ വിശകലനം ദി ഇനോവേഷൻ ജേണലിൽ പ്രസിദ്ധീകരിച്ചു.
'കഴിഞ്ഞ ദശലക്ഷം വർഷങ്ങളിലെ ഫോസിലുകളുടെ കാര്യത്തിൽ, ഇതുവരെ കണ്ടെത്തിയതിൽ വച്ച് ഏറ്റവും പ്രധാനപ്പെട്ട ഒന്നാണിത്' ലൻഡന് നാചുറൽ ഹിസ്റ്ററി മ്യൂസിയത്തിലെ പ്രൊഫ. ക്രിസ് സ്ട്രിംഗർ ബിബിസി ന്യൂസിനോട് പറഞ്ഞു. ചൈനാ അകാദമി ഓഫ് സയൻസസിലെ ഗവേഷകരാണ് ഇതില് പഠനങ്ങള് നടത്തിയത്.
മനുഷ്യവർഗങ്ങളിൽ നിന്നുള്ള ശരാശരി തലയോട്ടികളുമായി താരതമ്യപ്പെടുത്തുമ്പോൾ ഡ്രാഗണ് മാന്റെ തലയോട്ടി വളരെ വലുതാണ്. എന്നാല്, തലച്ചോറിന് നമ്മുടേതിന് തുല്യമായ വലിപ്പമാണ് എന്നും ശാസ്ത്രജ്ഞര് കണ്ടെത്തി. ശക്തരായിരുന്നു എങ്കിലും അവ എങ്ങനെയാണ് ജീവിച്ചിരുന്നത് എന്നതിനെ കുറിച്ച് വ്യക്തമായ ധാരണകളൊന്നും കിട്ടിയിട്ടില്ല.
1933 -ൽ ഒരു നിർമാണത്തൊഴിലാളിയാണ് തലയോട്ടി കണ്ടെത്തിയതെന്ന് റിപോർടിൽ പറയുന്നു. ബ്ലാക് ഡ്രാഗണ് നദീ തീരത്തുനിന്നും കണ്ടെത്തിയത് കൊണ്ടാണ് ഈ ഫോസിലിന് ഡ്രാഗണ് മാന് എന്ന പേര് വന്നത്. എന്നാല്, ഇവയ്ക്ക് നല്കിയിരിക്കുന്ന ശാസ്ത്രനാമം ഹോമോ ലോംഗി എന്നാണ്. നഗരം അക്കാലത്ത് ജാപ്പനീസ് അധിനിവേശത്തിലായിരുന്നു. അതിന്റെ സാംസ്കാരിക മൂല്യത്തെ സംശയിച്ച്, ചൈനീസ് തൊഴിലാളി അത് വീട്ടിലേക്ക് കടത്തി. അത് അധിനിവേശക്കാരുടെ കൈയിൽ നിന്ന് ഒളിപ്പിച്ച് വച്ചു. അദ്ദേഹം അത് തന്റെ കുടുംബത്തിന്റെ കിണറിന്റെ അടിയിൽ ഒളിപ്പിച്ചു. അവിടെ അത് 80 വർഷത്തോളം കിടന്നു. മരിക്കുന്നതിനുമുമ്പ് തലയോട്ടിയെക്കുറിച്ച് ആ മനുഷ്യൻ കുടുംബത്തോട് പറഞ്ഞു, അങ്ങനെയാണ് ഒടുവിൽ ശാസ്ത്രജ്ഞരുടെ കൈകളിലെത്തിയത്.
Keywords: News, World, Skeleton, World, China, Massive human head, Scientists, Massive human head in Chinese well forces scientists to rethink evolution.
< !- START disable copy paste -->
Powered by Info News For You
Comments
Post a Comment