നെന്മാറയില് യുവതിയെ 10 വര്ഷം ഒരു മുറിയില് അടച്ചിട്ട സംഭവം; ആര്ത്തവകാലമുള്പെടെ സ്ത്രീകളുടെ പ്രാഥമികാവശ്യങ്ങള് നിറവേറ്റാനാകാതെ പുരുഷന്റെ ശാരീരികാവശ്യങ്ങള് നിറവേറ്റാന് അടിമയാക്കപ്പെട്ട സ്ത്രീയുടെ ഗതികേട്, നടന്നത് മനുഷ്യാവകാശ ലംഘനമെന്ന് വനിതാ കമീഷന്
പാലക്കാട്: (https://ift.tt/3geLNxn) നെന്മാറയില് യുവതിയെ പുരുഷന് 10 വര്ഷം ഒരു മുറിയില് അടച്ചിട്ട സംഭവം സമൂഹ മനസ്സാക്ഷിയെ ഞെട്ടിക്കുന്ന, കടുത്ത മനുഷ്യാവകാശ ലംഘനമാണെന്ന് കേരള വനിതാ കമീഷന്. സംഭവത്തെക്കുറിച്ച് അന്വേഷിക്കുന്നതിന് ഉടന്തന്നെ കമീഷന് അംഗം അഡ്വ. ഷിജി ശിവജി സ്ഥലം സന്ദര്ശിച്ച് തെളിവെടുപ്പ് നടത്തും. സംഭവത്തില് വനിതാ കമീഷന് കേസെടുത്തു. സംഭവത്തില് റിപോര്ട് നല്കാന് കമീഷന് നെന്മാറ സിഐയോട് ആവശ്യപ്പെട്ടു. യുവതിക്ക് കൗണ്സിലിംഗ് നല്കാനും നിര്ദ്ദേശമുണ്ട്.
സാജിത എന്ന യുവതി അയല്വാസിയായ റഹ്മാന് എന്ന യുവാവിനൊപ്പം ഇത്രയും കാലം അയാളുടെ വീട്ടിലെ ഒരു മുറിക്കുള്ളില് പുറംലോകവുമായി ബന്ധമില്ലാതെയും ആരും അറിയാതെയും ഇതിനുള്ളില് കഴിഞ്ഞുവെന്ന വാര്ത്ത അവിശ്വസനീയവും യുക്തിക്ക് നിരക്കാത്തതുമാണ്. വാതിലില് വൈദ്യുതി കടത്തിവിട്ട് പുറത്തിറങ്ങാന് അനുവദിക്കാത്തതിലൂടെ പുരുഷന്റെ ശാരീരികാവശ്യങ്ങള് നിറവേറ്റാന് അടിമയാക്കപ്പെട്ട സ്ത്രീയുടെ ഗതികേടാണ് ഈ സംഭവമെന്ന് കമീഷന് വിലയിരുത്തി.
ആര്ത്തവകാലമുള്പെടെ സ്ത്രീകളുടെ പ്രാഥമികാവശ്യങ്ങള് നിറവേറ്റാനാകാതെ കഴിയാന് നിര്ബന്ധിതയായിയെന്നത് അവരെ താമസിപ്പിച്ച റഹ്മാനെതിരെ നിയമനടപടി വേണ്ടതരത്തില് മനുഷ്യാവകാശ ലംഘനമാണെന്ന് മനുഷ്യാവകാശ കമീഷന് വിലയിരുത്തി.
നെന്മാറ അയിലൂരിലാണ് കാമുകിയായ സാജിതയെ റഹ്മാന് സ്വന്തം വീട്ടില് സ്വന്തം മുറിയോട് ചേര്ന്ന് പ്രത്യേക സജ്ജീകരണങ്ങളൊരുക്കി വീട്ടുകാരെ വരെ അടുപ്പിക്കാതെ പത്തുവര്ഷത്തോളം ആരുമറിയാതെ ഒളിപ്പിച്ച് താമസിപ്പിച്ചത്.
എന്നാല് സംഭവത്തിന്റെ ചുരുളഴിയുന്നത് മൂന്ന് മാസം മുമ്പ് കാണാതായ റഹ്മാനെ കഴിഞ്ഞദിവസം സഹോദരന് വഴിവക്കില് വച്ച് തിരിച്ചറിഞ്ഞ് പൊലീസിലറിയിച്ചപ്പോഴാണ്. കാണാതാകുമ്പോള് പെണ്കുട്ടിക്ക് 19 വയസായിരുന്നു പ്രായം. പൊലീസ് ഏറെ അന്വേഷിച്ചെങ്കിലും പെണ്കുട്ടിയെ കണ്ടെത്താനായില്ല. അന്ന് റഹ്മാനെയും പൊലീസ് ചോദ്യം ചെയ്തിരുന്നു. അവസാനം, പൊലീസും വീട്ടുകാരും അന്വേഷണം അവസാനിപ്പിച്ചു. വര്ഷങ്ങള് പിന്നിട്ട് പെണ്കുട്ടിയെക്കുറിച്ചുള്ള ഓര്മകള് വീട്ടുകാരടക്കം മറക്കുന്നതിനിടെയാണ് സംഭവത്തില് സിനിമാ ക്ലൈമാക്സിനെ വെല്ലുന്ന ട്വിസ്റ്റ് ഉണ്ടാകുന്നത്.
Keywords: News, Kerala, State, Palakkad, Women, Police, Case, Case, Human- rights, Incident in which a man locked woman in a room; Women's commission says human rights violations
Powered by Info News For You
Comments
Post a Comment