സംസ്ഥാനത്ത് തല്ക്കാലം മദ്യത്തിന്റെ ഹോം ഡെലിവറിയില്ല: എക്സൈസ് മന്ത്രി
തിരുവനന്തപുരം: (https://ift.tt/3uceIpG) സംസ്ഥാനത്ത് തല്ക്കാലത്തേക്ക് മദ്യത്തിന്റെ ഹോം ഡെലിവറി തുടങ്ങില്ലെന്ന് എക്സൈസ് മന്ത്രി എം വി ഗോവിന്ദന് പറഞ്ഞു. ഹോം ഡെലിവറി തുടങ്ങണമെങ്കില് നയപരമായ തീരുമാനം വേണമെന്നും അദ്ദേഹം പറഞ്ഞു. ബുകിങ് സംവിധാനം വീണ്ടും കൊണ്ടുവരാനാണ് ആലോചന. ഇക്കാര്യത്തില് ബെവ്കോ എം ഡിയുമായി എക്സൈസ് മന്ത്രി ചര്ച്ച നടത്തി.
ഓണ്ലൈന് മദ്യവിതരണത്തിന് ഒന്നര വര്ഷം മുന്പ് സര്ക്കാരിനു മുന്നില് അപേക്ഷ എത്തിയിരുന്നെങ്കിലും തീരുമാനമെടുത്തിരുന്നില്ല. പിന്നീട് കോവിഡ് വ്യാപിച്ചതോടെ തിരക്കു കുറയ്ക്കാന് ബെവ്ക്യു ആപ് ഏര്പ്പെടുത്തി. ഇതിനായി ചട്ടങ്ങളില് ഭേദഗതി കൊണ്ടുവന്നു. നിയമപ്രകാരം കുപ്പികളില് മദ്യം വില്ക്കാന് ബവ്റിജസ് ഷോപുകള്ക്ക് മാത്രമേ അനുമതിയുള്ളൂ. തിരക്കു നിയന്ത്രിക്കാന് ബാറുകളില് കൗന്ഡറുകള് സ്ഥാപിച്ചതോടെ അതിനും ഭേദഗതി വേണ്ടിവന്നു. ഓണ്ലൈന് വഴി മദ്യം വിതരണം ചെയ്യണമെങ്കില് കേരള വിദേശമദ്യ ചട്ടങ്ങളില് ഭേദഗതി വരുത്തണം. ഇതോടൊപ്പം അബ്കാരി ഷോപ് ഡിസ്പോസല് റൂളിലും ഭേദഗതി വേണം.
ഒരാളുടെ കൈവശം വയ്ക്കാവുന്ന മദ്യത്തിന്റെ അളവ് 3 ലീറ്ററാണ്. ഓണ്ലൈന് വഴി വിതരണം ചെയ്യാന് തീരുമാനിച്ചാല് വിതരണം നടത്തുന്ന കമ്പനിയുടെ ജീവനക്കാരന് ഇതില് കൂടുതല് അളവ് മദ്യം കൈവശം വയ്ക്കേണ്ടിവരും. ഇതിനായി ഭേദഗതി കൊണ്ടുവരണം. ബെവ്കോ എംഡിയുടെ മുന്നില് ഒരു കമ്പനിയുടെ അപേക്ഷ എത്തിയാല് അത് എക്സൈസ് കമിഷണര്ക്കു കൈമാറും. കമിഷണര് കാര്യങ്ങള് വിശദമാക്കി എക്സൈസ് മന്ത്രിക്കു ശുപാര്ശ സമര്പിക്കും. ചട്ടത്തിലാണ് ഭേദഗതി വരുത്തേണ്ടതെങ്കില് മന്ത്രിതലത്തില് തീരുമാനമെടുക്കാനാകും. മദ്യത്തിന്റെ കാര്യമായതിനാല് മന്ത്രിസഭായോഗമായിരിക്കും അന്തിമ തീരുമാനം എടുക്കുക.
അതേസമയം, മദ്യവിതരണത്തിനായി ആപ് പുനഃസ്ഥാപിക്കുന്നത് സര്കാര് സജീവമായി പരിഗണിക്കുന്നുണ്ട്. നേരത്തെ കേരളത്തില് മദ്യത്തിന്റെ ഹോം ഡെലിവറി തുടങ്ങുമെന്ന് റിപോര്ടുകളുണ്ടായിരുന്നു. ബിവറേജസ് കോര്പറേഷന് ഇതുസംബന്ധിച്ച് സര്കാരിന് റിപോര്ട് സമര്പിച്ചതായും സൂചനയുണ്ടായിരുന്നു. ആദ്യഘട്ടത്തില് തിരുവനന്തപുരം, കൊച്ചി എന്നിവിടങ്ങളില് ഹോം ഡെലിവറി തുടങ്ങാന് ബെവ്കോ ഒരുങ്ങുന്നുവെന്നായിരുന്നു റിപോര്ടുകള്.
Powered by Info News For You
Comments
Post a Comment