സംസ്ഥാനത്ത് അതിതീവ്രമഴക്ക് സാധ്യത; തിരുവനന്തപുരം, കൊല്ലം, പത്തനംതിട്ട ജില്ലകളില് റെഡ് അലേര്ട്, ഞായറാഴ്ചയോടെ ന്യൂനമര്ദം ടൗടേ ചുഴലിക്കാറ്റാകും
തിരുവനന്തപുരം: (https://ift.tt/3y4a6VX) സംസ്ഥാനത്ത് അതിതീവ്രമഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. വെള്ളിയാഴ്ച തിരുവനന്തപുരം, കൊല്ലം, പത്തനംതിട്ട ജില്ലകളില് റെഡ് അലേര്ടാണ്. കോട്ടയം, ആലപ്പുഴ, ഇടുക്കി, എറണാകുളം ജില്ലകളില് ഓറഞ്ച് അലേര്ട് പ്രഖ്യാപിച്ചിട്ടുണ്ട്. തെക്ക് കിഴക്കന് അറബിക്കടലില് രൂപം കൊണ്ട ന്യൂനമര്ദം 'ടൗടേ' ചുഴലിക്കാറ്റായി മാറാന് സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിരുന്നു.
ഞായറാഴ്ചയോടെ ന്യൂനമര്ദ്ദം ടൗടേ ചുഴലിക്കാറ്റാകും. ചുഴലിക്കാറ്റിന്റെ സഞ്ചാരപഥം കേരള തീരത്തോട് ചേര്ന്നായതിനാല്, കടല്പ്രക്ഷുബ്ധമായിരിക്കും. ശക്തമായ കാറ്റിനും സാധ്യതയുണ്ട്. മത്സ്യത്തൊഴിലാളികള് കടലില് പോകരുതെന്ന് മുന്നറിയിപ്പ് നല്കിയിട്ടുണ്ട്. ദേശീയ ദുരന്തനിവാരണ സേനയുടെ 9 സംഘത്തെ വിവിധ ജില്ലകളിലായി വിന്യസിച്ചിട്ടുണ്ട്. കടലേറ്റം രൂക്ഷമായ ജില്ലകളില് കണ്ട്രോള് റൂമുകള് തുറന്നു.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് ഇടിമിന്നലോട് കൂടിയ മഴക്കും കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണകേന്ദ്രം മുന്നറിയിപ്പ് നല്കിയിരുന്നു. സംസ്ഥാനത്ത് കനത്ത മഴ തുടരുകയാണ്. ആലപ്പുഴ കുട്ടനാട് ഉള്പെടെയുള്ള താഴ്ന്ന പ്രദേശങ്ങളില് വെള്ളം കയറി. ചുഴലിക്കാറ്റ് മുന്നറിയിപ്പിനെ തുടര്ന്ന് ആറു കപ്പലുകള് കൊല്ലം തുറമുഖത്ത് അടുപ്പിച്ചു. സംസ്ഥാനത്തിന്റെ വിവിധ ഭാഗങ്ങളില് കടല്ക്ഷോഭവും ശക്തമാണ്. കനത്ത കാശുവീശാനും തിരമാല തീരത്ത് ഒരു മീറ്റര് വരെ ഉയരാമെന്നും മുന്നറിയിപ്പ് നല്കിയിരുന്നു.
തിരുവനന്തപുരം പൊഴിയൂരിലും കടലേറ്റം തുടരുകയാണ്. പ്രദേശവാസികളെ ക്യാമ്പുകളിലേക്ക് മാറ്റി. കോഴിക്കോട് കൊയിലാണ്ടി, കാപ്പാട് , തോപ്പയില് ഭാഗങ്ങളിലും കടല്ക്ഷോഭം ശക്തം. മഴയും കടലേറ്റവും തുടര്ന്നാല് സംസ്ഥാനത്ത് കൂടുതല് ദുരിതാശ്വാസ ക്യാമ്പുകള് ഉള്പെടെ തുറക്കേണ്ടി വരും കടല്ക്ഷോഭത്തിന്റെ പശ്ചാത്തലത്തില് മത്സ്യബന്ധനത്തിന് പോകരുതെന്ന് സര്കാര് കര്ശന നിര്ദ്ദേശേം നല്കിയിട്ടുണ്ട്.
മഴ ശക്തിപ്രാപിച്ചതിനെത്തുടര്ന്ന് കുട്ടനാട്ടിലെ വെള്ളപ്പൊക്കം തടയുന്നതിന്റെ ഭാഗമായി തോട്ടപ്പള്ളി പൊഴി മുറിക്കുന്നതിനുള്ള ജോലികള് തുടങ്ങിയിട്ടുണ്ട്. നിലവില് പൊഴിയിലെ ചാല് കീറുന്ന നടപടികളാണ് പുരോഗമിക്കുന്നത്. കൂടാതെ ഇറിഗേഷന് വകുപ്പിന്റെ നേതൃത്വത്തില് തണ്ണീര്മുക്കം ബണ്ടിന്റെ ഷടറുകള് തുറന്നു. 90 ഷടറുകളില് 30 എണ്ണം ആണ് ഉയര്ത്തിയത്.
കോഴിക്കോട്, മലപ്പുറം, വയനാട്, കണ്ണൂര്, കാസര്കോട് ജില്ലകളില് ശനിയാഴ്ചയും റെഡ് അലേര്ട് പ്രഖ്യാപിച്ചിട്ടുണ്ട്. കനത്ത മഴയുടെ പശ്ചാത്തലത്തില് തിരുവനന്തപുരം, കൊല്ലം ജില്ലകളില് വെള്ളിയാഴ്ച കോവിഡ് പ്രതിരോധ വാക്സിന് വിതരണം മാറ്റിവെച്ചതായി ജില്ല കലക്ടര്മാര് അറിയിച്ചു.
Powered by Info News For You
Comments
Post a Comment