'പേര് ചോദിച്ച് ഉറപ്പാക്കിയ ശേഷമാണ് സംഘം ആക്രമിച്ചത്'; കണ്ണൂരില് കൊല്ലപ്പെട്ട മന്സൂറിന്റെ സഹോദരന് മുഹ്സിന്
കണ്ണൂര്: (https://ift.tt/3a6Xmnd) പേര് ചോദിച്ച് ഉറപ്പാക്കിയ ശേഷമാണ് ഇരുപതംഗ ഡി വൈ എഫ് ഐ സംഘം ആക്രമിച്ചതെന്ന് കണ്ണൂരില് കൊല്ലപ്പെട്ട മന്സൂറിന്റെ സഹോദരന് മുഹ്സിന്. തന്നെ ആക്രമിക്കുന്നത് കണ്ടതിന് ശേഷമാണ് സഹോദരന് മന്സൂര് ഓടിയെത്തിയത്. തുടര്ന്ന് മന്സൂറിനെയും ആക്രമിക്കുകയായിരുന്നെന്നും മുഹ്സിന്
പറഞ്ഞു. നിലവിളി ശബ്ദം കേട്ടപ്പോള് നാട്ടുകാര് ഓടിയെത്തിയപ്പോള് ആക്രമികള് ഓടി രക്ഷപ്പെടാന് ശ്രമിച്ചു. അതില് ഒരാളെ താന് പിടിച്ച് വെച്ചു. പിടികൂടിയാളെ വിട്ടുകിട്ടാന് പ്രതികള് ബോംബെറിയുകയായിരുന്നുവെന്നും മുഹ്സിന് പറഞ്ഞു.
ആക്രമണത്തില് ഗുരുതരമായി പരിക്കേറ്റ മുഹ്സിന് കോഴിക്കോട് ചികിത്സയിലാണ്. കണ്മുന്നില് വച്ചാണ് മകനെ വെട്ടി കൊലപ്പെടുത്തിയതെന്ന് കൊല്ലപ്പെട്ട മന്സൂറിന്റെ പിതാവ് അബ്ദുള്ള പറഞ്ഞു. ഒരു വലിയ സംഘമെത്തി മൂത്ത മകനെ വലിച്ചിറക്കി. തടയാന് ചെന്ന ഇളയ മകനെ വെട്ടുകയായിരുന്നുവെന്നും അബ്ദുള്ള പറഞ്ഞു.
ഡി വൈ എഫ് ഐ പ്രവര്ത്തകര് തന്നെ ടാര്ഗെറ്റ് ചെയ്തിരുന്നെന്ന് പരിക്കേറ്റ് ചികിത്സയില് കഴിയുന്ന മുഹ്സിന് പറയുന്നു. പേര് ചോദിച്ച് ഉറപ്പാക്കിയ ശേഷമാണ് ആക്രമിച്ചത്. നിലവിളി ശബ്ദം കേട്ടപ്പോള് നാട്ടുകാര് ഓടിയെത്തിയപ്പോള് ആക്രമികള് ഓടി രക്ഷപ്പെടാന് ശ്രമിച്ചു. അതില് ഒരാളെ താന് പിടിച്ച് വെച്ചു. പിടികൂടിയാളെ വിട്ടുകിട്ടാന് പ്രതികള് ബോംബെറിയുകയായിരുന്നു. സംഘത്തില് ഉണ്ടായിരുന്നത് ഡി വൈ എഫ് ഐ നേതാക്കളും പ്രവര്ത്തകരാണെന്നും അക്രമികളെ എല്ലാവരെയും പരിചയമുണ്ടെന്നും മുഹസിന് പറഞ്ഞു.
ചൊവ്വാഴ്ച രാത്രി എട്ട് മണിയോടെയാണ് മന്സൂറിന് നേരേ ആക്രമണമുണ്ടായത്. വീടിന് മുന്നില്വെച്ച് ബോംബെറിഞ്ഞ ശേഷമാണ് മന്സൂറിനെ അക്രമികള് വെട്ടിവീഴ്ത്തിയത്. സഹോദരന് മുഹ്സിനും വെട്ടേറ്റു. പരിക്കേറ്റ ഇരുവരെയും ആദ്യം തലശ്ശേരി ഇന്ദിരാഗാന്ധി ആശുപത്രിയില് പ്രവേശിപ്പിച്ചെങ്കിലും മന്സൂറിന്റെ നില ഗുരുതരമായതിനാല് പിന്നീട് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റി. ചികിത്സയിലിരിക്കെ ബുധനാഴ്ച ഒരു മണിയോടെയാണ് മന്സൂര് മരിച്ചത്.
കൊലപ്പെട്ട മന്സൂറിന്റെ സഹോദരന് മുഹ്സിന് 150-ാം നമ്പര് ബൂതിലെ യു ഡി എഫ് ഏജന്റായിരുന്നു. ഉച്ചയോടെ പോളിംഗിനിടെ മുക്കില്പീടിക ഭാഗത്ത് ലീഗ്-സി പി എം പ്രവര്ത്തകര് തമ്മില് സംഘര്ഷമുണ്ടായിരുന്നു. സി പി എം കേന്ദ്രങ്ങളില് മുസ്ലീം ലീഗ് പ്രവര്ത്തകര് ആളുകളെ ഓപെണ് വോട് ചെയ്യിക്കാന് എത്തിച്ചതിനെ സി പി എം പ്രവര്ത്തകര് ചോദ്യം ചെയ്തതോടെയാണ് സംഘര്ഷം തുടങ്ങിയത്. പിന്നാലെ കടവത്തൂര് ഭാഗത്തെ 150,149 ബൂതുകളില് വലിയ തോതിലുള്ള വാക്കേറ്റവും കയ്യാങ്കളിയും ഉണ്ടായി. പോളിംഗിനിടെ തന്നെ മുഹ്സിന് നേരെ ഭീഷണിയുണ്ടായിരുന്നു. വൈകിട്ട് പോളിംഗ് കഴിഞ്ഞ് മുഹ്സിന് വീട്ടിലേക്ക് പോകുന്നതിനിടെ ഒളിച്ചിരുന്ന അക്രമിസംഘം ബോംബ് എറിഞ്ഞ ശേഷം വെട്ടുകയായിരുന്നുവെന്നാണ് പ്രാഥമിക വിവരം.
Powered by Info News For You
Comments
Post a Comment