എം എ യൂസഫലി സഞ്ചരിച്ച ഹെലികോപ്റ്റര് കൊച്ചിയില് ക്യാംപസിനോടു ചേര്ന്നുള്ള ചതുപ്പു നിലത്ത് ഇടിച്ചിറക്കി; പൈലറ്റ് ഉള്പെടെ 7 പേര്ക്ക് പരിക്ക്
കൊച്ചി: (https://ift.tt/3d4L9Bd) ലുലു ഗ്രൂപ് ചെയര്മാന് എം എ യൂസഫലി സഞ്ചരിച്ചിരുന്ന ഹെലികോപ്റ്റര് എറണാകുളം പനങ്ങാട് കുഫോസ് ക്യാംപസിനോടു ചേര്ന്നുള്ള ചതുപ്പു നിലത്ത് ഇടിച്ചിറക്കി. പൈലറ്റ് ഉള്പെടെ 7 പേര്ക്ക് പരിക്ക്. ആരുടെയും പരിക്ക് ഗുരുതരമല്ലെന്നാണ് പ്രാഥമിക വിവരം.
രാവിലെ എട്ടരയോടെയാണ് സംഭവം. സ്ഥിരം ഇറക്കാറുള്ള കുഫോസ് ക്യാംപസ് വരെ എത്താതെ റോഡിനോടു ചേര്ന്നുള്ള ചതുപ്പില് ഇടിച്ചിറക്കുകയായിരുന്നു. യൂസഫലിയും ഭാര്യയും പൈലറ്റും ഉള്പെടെ ഏഴു പേരെയും പരുക്കുകളോടെ കുമ്പളത്തെ സ്വകാര്യ ആശുപത്രിയില് പ്രവേശിപ്പിച്ചു.
ജനവാസ മേഖലയ്ക്കു മുകളില്വച്ചാണ് ഹെലികോപ്റ്ററിന് തകരാര് സംഭവിച്ചത്. സമീപത്തുകൂടെ ഹൈവേ കടന്നുപോകുന്നുണ്ട്. ചുതുപ്പുനിലത്ത് ഇടിച്ചിറക്കിയതിനാല് വന് ദുരന്തമാണ് ഒഴിവായത്.
യന്ത്രത്തിനുണ്ടായ സാങ്കേതിക തകരാറാണ് കോപ്റ്റര് ഇറക്കാന് കാരണമെന്നാണ് പ്രാഥമിക നിഗമനം. കോപ്റ്റര് ഇടിച്ച് ഇറങ്ങുകയായിരുന്നെന്നും ഈ സമയം സ്ഥലത്ത് കനത്ത മഴയും കാറ്റുമുണ്ടായിരുന്നതായി പ്രദേശവാസികള് പറയുന്നു.
Powered by Info News For You
Comments
Post a Comment