കോവിഡ് വാക്സിന് സര്ട്ടിഫിക്കറ്റില് നിന്ന് മോദി ചിത്രം ഒഴിവാക്കണം: തെരഞ്ഞടുപ്പ് കമ്മീഷന്
ദേശീയം (www.evisionnews.co): കോവിഡ് വാക്സിന് സര്ട്ടിഫിക്കറ്റില് നിന്ന് പ്രധാനമന്ത്രി നരേന്ദ്രമോദിയുടെ ഫോട്ടോ നീക്കണമെന്ന് കേന്ദ്ര തിരഞ്ഞെടുപ്പ് കമ്മീഷന്. നിയമസഭാ തിരഞ്ഞെടുപ്പ് നടക്കുന്ന സംസ്ഥാനങ്ങളിലാണ് ഒഴിവാക്കാന് ആരോഗ്യ മന്ത്രാലയത്തിന് തിരഞ്ഞെടുപ്പ് കമ്മീഷന് നിര്ദേശം നല്കിയത്. തൃണമൂല് കോണ്ഗ്രസിന്റെ പരാതിയിലാണ് നടപടി. പ്രധാനമന്ത്രിയുടെ ചിത്രം വാക്സിന് സര്ട്ടിഫിക്കറ്റില് ഉള്പ്പെടുത്തുന്നത് മാതൃക പെരുമാറ്റ ചട്ടത്തിന്റെ ലംഘനമാണെന്ന് കമ്മീഷന് വിലയിരുത്തിയാണ് നടപടി
പശ്ചിമ ബംഗാള്, കേരളം, അസം, തമിഴ്നാട്, പുതുച്ചേരി എന്നിവിടങ്ങളിലാണ് നിയമസഭാ തിരഞ്ഞെടുപ്പ് നടക്കാനിരിക്കുന്നത്. ബിജെപിയുടെ മുഖ്യപ്രചാരകന് പ്രധാനമന്ത്രി നരേന്ദ്രമോദിയാണ്. ഈ സാഹചര്യത്തില് പ്രധാനമന്ത്രിയുടെ ഫോട്ടോ കോവിഡ് വാക്സിന് സര്ട്ടിഫിക്കറ്റില് അച്ചടിക്കുന്നത് വോട്ടര്മാരെ സ്വാധീനിക്കുമെന്നും പെരുമാറ്റ ചട്ടലംഘനമാണെന്നുമാണ് തൃണമൂല് കോണ്ഗ്രസ് പരാതി നല്കിയത്. തുടര്ന്ന് ബംഗാളിലെ ചീഫ് ഇലക്ടറല് ഓഫീസറോട് റിപ്പോര്ട്ട് നല്കണമെന്ന് ചീഫ് ഇലക്ഷന് കമ്മീഷന് ആവശ്യപ്പെടുകയായിരുന്നു.
Powered by Info News For You
Comments
Post a Comment