വീടിന്റെ മുന്നില് തള്ളി വീഴ്ത്തിയ ശേഷം നെഞ്ചില് ചവിട്ടുകയും വടി ഉപയോഗിച്ച് അടിക്കുകയും ചെയ്തതായി അര്ധ സഹോദരി; അമ്മയെ ചവിട്ടിക്കൊലപ്പെടുത്തിയെന്ന കേസില് മകനു ജീവപര്യന്തം കഠിനതടവ്
നെയ്യാറ്റിന്കര: (https://ift.tt/2QpwfN4) മദ്യം വാങ്ങാന് പണം നല്കാത്തതിനെ തുടര്ന്ന് അമ്മയെ ചവിട്ടിക്കൊലപ്പെടുത്തിയെന്ന കേസില് മകനു ജീവപര്യന്തം കഠിനതടവും 2 ലക്ഷം രൂപ പിഴയും. പെരുമ്പഴുതൂര് തൊഴുക്കല് പുതുവല് പുത്തന്വീട്ടില് ശ്രീലതയെ (44) കൊലപ്പെടുത്തിയ കേസില് മോനു എന്നു വിളിക്കുന്ന മണികണ്ഠനെ (24) ആണ് നെയ്യാറ്റിന്കര അഡിഷനല് ജില്ലാ കോടതി ജഡ്ജി എസ് സുഭാഷ് ശിക്ഷിച്ചത്.
2018 ഒക്ടോബര് 4ന് ഉച്ചയ്ക്ക് ഒന്നരയോടെയായിരുന്നു കൊലപാതകം. മണികണ്ഠന്, ശ്രീലതയെ വീടിന്റെ മുന്നില് തള്ളി വീഴ്ത്തിയ ശേഷം നെഞ്ചില് ചവിട്ടുകയും വടി ഉപയോഗിച്ച് അടിക്കുകയും ചെയ്തതായി പ്രതിയുടെ അര്ധ സഹോദരി അന്നു പൊലീസിനു മൊഴി നല്കിയിരുന്നു. ഇതാണു കേസില് നിര്ണായകമായത്.
മദ്യം വാങ്ങാന് പണം നല്കാത്തതിലുള്ള വിരോധമാണ് കൊലപാതകത്തില് കലാശിച്ചതെന്നു കോടതി കണ്ടെത്തി. ശ്രീലതയെ മര്ദിക്കുന്നതു കണ്ട രണ്ടാം ഭര്ത്താവ് രക്ഷിക്കാന് ശ്രമിച്ചുവെങ്കിലും പ്രതി കിണറ്റില് നിന്നു വെള്ളം കോരുന്ന ഇരുമ്പ് ബകറ്റും വടിയും ഉപയോഗിച്ച് ആക്രമിച്ചതിനെ തുടര്ന്ന് ഓടി രക്ഷപ്പെടുകയായിരുന്നുവെന്നും കോടതി കണ്ടെത്തി. രണ്ടു തവണ വിവാഹിതയായ ശ്രീലതയുടെ ആദ്യ ഭര്ത്താവ് വിക്ടറിലുള്ള മകനാണ് മണികണ്ഠന്.
Powered by Info News For You
Comments
Post a Comment