കോവിഡ്-19: ഇത്തവണ യുഎഇയില് റമദാന് ടെന്റുകള്ക്ക് അനുമതിയില്ല
ദുബൈ: (https://ift.tt/2Oc2RIZ) കോവിഡ് പ്രതിരോധ പ്രവര്ത്തനങ്ങളുടെ ഭാഗമായി ഇപ്രാവശ്യം യുഎഇയില് റമദാന് ടെന്റുകള് അനുവദിക്കില്ലെന്ന് അധികൃതര് അറിയിച്ചു. ആളുകള് കൂട്ടംകൂടുന്നത് ഒഴിവാക്കാനും സാമൂഹിക അകലം പാലിക്കണമെന്ന മാനദണ്ഡം കര്ശനമായി നടപ്പിലാക്കാനുമാണ് ടെന്റുകള്ക്ക് അനുമതി നിഷേധിച്ചതെന്ന് ഇസ്ലാമിക് അഫയേഴ്സ് ആന്ഡ് ചാരിറ്റബിള് ആക്ടിവിറ്റീസ് വിഭാഗം അറിയിച്ചു.
അതിനാല് ഇത്തരം ടെന്റുകളിലൂടെയുള്ള സൗജന്യ നോമ്പുതുറ വിഭവങ്ങള് വിതരണം ഇത്തവണയുണ്ടാകില്ല. വ്രതമെടുക്കുന്ന ബാചിലേര്സിനും തുച്ഛമായ വേതനത്തിന് ജോലിചെയ്യുന്നവര്ക്കും ഏറെ ആശ്വാസമായിരുന്നു പള്ളികള്ക്കു സമീപം ഒരുക്കുന്ന കൂടാരങ്ങള്.
അതേസമയം കര്ശന കോവിഡ് മാനദണ്ഡങ്ങള് തുടര്ന്നുകൊണ്ട് രോഗപ്രതിരോധ നടപടികളും ഊര്ജിതമായി. നിയമ ലംഘകര്ക്ക് പിഴ ചുമത്തുകയും നിരവധി സ്ഥാപനങ്ങള് അടപ്പുകയും ചെയ്തതായി അധികൃതര് അറിയിച്ചു. നിയമലംഘകരെ കണ്ടെത്താനുള്ള പരിശോധനകള് വിവിധ എമിറേറ്റുകളില് തുടരുന്നു. ചൊവ്വാഴ്ച 15 പേരാണ് രാജ്യത്ത് കോവിഡ് ബാധിച്ച് മരിച്ചത്.
Powered by Info News For You

Comments
Post a Comment