ബാങ്ക് ജീവനക്കാരിയെ ഭര്ത്താവ് കുത്തിപ്പരിക്കേല്പ്പിച്ചു; പിന്നില് കുടുംബ വഴക്കാണെന്ന് ബന്ധുക്കള്, യുവതിയുടെ നില ഗുരുതരം
തിരുവനന്തപുരം: (https://ift.tt/39XOWii) ബാങ്ക് ജീവനക്കാരിയെ ഭര്ത്താവ് കുത്തിപ്പരിക്കേല്പ്പിച്ചു. തിരുവനന്തപുരം വിഴിഞ്ഞത്ത് ജോലി ചെയ്യുന്ന ബാങ്കിന് മുന്നില് വെച്ച് ഭാര്യ സിനിയെ ഭര്ത്താവ് കുത്തിപ്പരിക്കേല്പ്പിക്കുകയായിരുന്നു. സംഭവത്തിന് പിന്നില് കുടുംബ വഴക്കാണെന്ന് ബന്ധുക്കള് ആരോപിച്ചു. സംഭവുമായി ബന്ധപ്പെട്ട് ഭര്ത്താവ് സുഗദീശനെ പൊലീസ് കസ്റ്റഡിയിലെടുത്തു.
ശനിയാഴ്ച വൈകിട്ടാണ് വിഴിഞ്ഞത്തെ എസ്ബിഐ ബാങ്ക് ജീവനക്കാരിയായ സിനിക്ക് കുത്തേറ്റത്. ബാങ്കിന് പുറത്ത് കൈയില് കത്തിയുമായെത്തി കാത്തിരുന്ന സുഗദീശന് ഭാര്യ സിനിയെ ഇവര് ഇറങ്ങിവന്നപ്പോള് കുത്തിയായിരുന്നു. പരിക്കേറ്റ സിനിയെ പ്രാഥമിക ശുശ്രൂഷ നല്കിയ ശേഷം തിരുവനന്തപുരം മെഡികല് കോളജിലേക്കും തുടര്ന്ന് കിംസ് ആശുപത്രിയിലേക്കും മാറ്റി.
നെഞ്ചിനും വയറിനുമടക്കം കുത്തേറ്റതിനാല് സിനിയുടെ അവസ്ഥ ഗുരുതരമെന്ന് ഡോക്ടര്മാര് പറയുന്നു. സംഭവ സ്ഥലത്തു വെച്ചുതന്നെ സുഗദീശനെ പൊലിസ് കസ്റ്റഡിയിലെടുത്തു. കുടുംബപ്രശ്നങ്ങളാണ് കാരണമെന്നാണ് ബന്ധുക്കള് പറയുന്നത്. ഇവര് തമ്മില് നേരത്തെയും പലതവണ തര്ക്കങ്ങളുണ്ടായിട്ടുണ്ടെന്ന് പറഞ്ഞു.
Powered by Info News For You
Comments
Post a Comment