ഉത്തരാഖണ്ഡിലെ മിന്നല് പ്രളയത്തില് കാണാതായവര്ക്കായുള്ള തിരച്ചില് മൂന്നാംദിനത്തില്; കണ്ടെത്താനുള്ളത് 197 പേരെയെന്ന് ദുരന്ത നിവാരണ സേന
ന്യൂഡെല്ഹി: (https://ift.tt/2OjFBca) ഉത്തരാഖണ്ഡിലെ മിന്നല് പ്രളയത്തില് കാണാതായവര്ക്കായുള്ള തിരച്ചില് മൂന്നാം ദിനവും തുടരുന്നു. 197 പേരെ കൂടി കണ്ടെത്താന് ഉണ്ടെന്നാണ് ഉത്തരാഖണ്ഡ് ദുരന്ത നിവാരണ കേന്ദ്രത്തിന്റെ അറിയിപ്പ്. തപോവനിലെ തുരങ്കത്തില് കുടുങ്ങിയ 35 പേരെ കണ്ടെത്താന് ആയി രാത്രി വൈകിയും തിരച്ചിലും തുടരുകയാണ്. ദുരന്തത്തില് മരിച്ച 26 പേരുടെ മൃതദേഹമാണ് ഇതുവരെ കണ്ടെടുത്തത്.
ചെളിയും മണ്ണും അടിഞ്ഞു കിടക്കുന്നതിനാല് രക്ഷാപ്രവര്ത്തനം പ്രയാസകരമാണ്. തപോവനിലെ രണ്ടര കിലോമീറ്റര് നീളനുള്ള തുരങ്കത്തിലെ മണ്ണും ചെളിയും കാരണം രക്ഷാപ്രവര്ത്തകര്ക്ക് മുന്നോട്ട് പോകാന് കഴിയുന്നില്ല. ഇത് രക്ഷാപ്രവര്ത്തനത്തെ വലിയ രീതിയില് ബാധിച്ചിട്ടുണ്ട്. രവലിയ മണ്ണുമാന്തി യന്ത്രങ്ങള് എത്തിച്ച് പ്രളയം കുത്തിയൊലിച്ചെത്തിയ ഭാഗങ്ങളിലെ മണ്ണും ചെളിയും നീക്കം ചെയ്യുന്നത് തുടരുകയാണ്.
ശക്തമായ പ്രളയത്തില് നൂറിലധികം പേര് ദൂരത്തില് ഒലിച്ച് പോയിരിക്കാനുള്ള സാധ്യതയാണ് ഉള്ളതെന്ന് എന്ഡിആര്ഫ് ഡയറക്ടറര് വ്യക്തമാക്കി. കിട്ടിയ മൃതദേഹങ്ങളില് പലതും അപകട സ്ഥലത്തിനും ഏറെ ദൂരെ നിന്നാണ് കണ്ടെത്തിയത്. അതിനാല് വലിയ തെരച്ചില് തന്നെ നടത്തേണ്ടി വരുമെന്നും രക്ഷാപ്രവര്ത്തകര് പറയുന്നു.
പ്രളയത്തില് അറ് ഗ്രാമങ്ങള് ഒറ്റപ്പെട്ടപ്പോള് അഞ്ച് പാലങ്ങള് ഒലിച്ചു പോയിരുന്നു. ചമേലിയില് ഡിആര്ഡിഒ നടത്തിയ പ്രാഥമിക വിലയിരുത്തലില് ഗ്ലോഫാകാം ദുരന്തത്തിന് കാരണമെന്നാണ് വ്യക്തമാക്കുന്നത്. അപകടത്തില് കശ്മീരിലെ എന്ജിനീയറെ കാണാതായതായി ബിഹാര് പൊലീസ് അറിയിച്ചു.
Powered by Info News For You
Comments
Post a Comment