രാഷ്ട്ര പിതാവിനെ വെടിവെച്ചു കൊന്ന ഗോഡ്സെയെ രാജ്യസ്നേഹിയായി ചിത്രീകരിച്ച് 'ഗോഡ്സെ ജ്ഞാന് ശാല' എന്ന പേരില് ലൈബ്രറി തുടങ്ങി ഹിന്ദു മഹാസഭ
ന്യുഡെല്ഹി: (https://ift.tt/3i2TeXZ) ഇന്ത്യയുടെ രാഷ്ട്ര പിതാവ് ഗാന്ധിയെ വെടിവെച്ചു കൊന്ന നഥുറാം വിനായക് ഗോഡ്സെയെ രാജ്യസ്നേഹിയായി ചിത്രീകരിച്ച് 'ഗോഡ്സെ ജ്ഞാന് ശാല' എന്ന പേരില് ലൈബ്രറി തുടങ്ങി ഹിന്ദു മഹാസഭ. ഹിന്ദുമഹാസഭയുടെ ഓഫീസില് തന്നെയാണ് ലൈബ്രറി ആരംഭിച്ചിരിക്കുന്നത്.
'ഗോഡ്സെയായിരുന്നു യഥാര്ത്ഥ രാജ്യസ്നേഹിയെന്ന് ലോകത്തിന് മുന്നില് കാണിച്ചുകൊടുക്കാനാണ് ലൈബ്രറി നിര്മ്മിച്ചത്. ഗോഡ്സെ നിലകൊണ്ടതും മരിച്ചതും ഇന്ത്യാ വിഭജനത്തിനെതിരായി നിന്നത് കൊണ്ടാണ്', ഹിന്ദു മഹാസഭാ വൈസ് പ്രസിഡണ്ട് ജൈവീര് ഭരദ്വാജ് പറഞ്ഞു.
രാജ്യം ഭരിക്കാനുള്ള ആഗ്രഹം നിറവേറ്റാന് വേണ്ടി ജവഹര്ലാല് നെഹ്റുവിന്റേയും മുഹമ്മദലി ജിന്നയുടേയും ആവശ്യപ്രകാരമാണ് ഇന്ത്യാ വിഭജനമുണ്ടായതെന്നും ഭരദ്വാജ് പറഞ്ഞു. ഗുരു ഗോവിന്ദ് സിങ്, മഹാറാണ പ്രതാപ്, ലാലാ ലജ്പത് റായ്, ഹെഡ്ഗേവാര്, മദന് മോഹന് മാളവ്യ ഉള്പ്പെടെയുള്ള നേതാക്കളുടെ ചിത്രങ്ങളും വായനശാലയിലുണ്ട്. ഗാന്ധി ഘാതകനായ നാരായണ് ആപ്തെയുടെ ചിത്രവും ഗോഡ്സെയ്ക്കൊപ്പം ഉള്പ്പെടുത്തിയിട്ടുണ്ട്.
ഗാന്ധി വധത്തിലേക്ക് ഗോഡ്സെയെ 'നയിച്ച' കാരണങ്ങളും പ്രസംഗങ്ങളും ലേഖനങ്ങളും ഉള്പ്പെട്ട കൃതികളാണ് ലൈബ്രറിയിലുള്ളത്. ഗോഡ്സെയെ രാജ്യസ്നേഹിയായാണ് ചിത്രീകരിച്ചിട്ടുള്ളത്.
Powered by Info News For You
Comments
Post a Comment