'നിങ്ങള് ഇല്ലാതെ ഞങ്ങളിവിടെ തുടരുന്നില്ല, ഞങ്ങളില് വിശ്വാസമര്പ്പിച്ചതിന് നന്ദി'; ഹൈക് മെസേജ് ആപ് പൂട്ടുന്നു
മുംബൈ: (https://ift.tt/39JrMKT) ഹൈക് മെസേജ് ആപ് പൂട്ടുന്നു എന്ന വാര്ത്തയാണ് പുറത്തു വരുന്നത്. വാട്സ്ആപിന്റെ സ്വകാര്യത നയം മൂലം സിഗ്നല് വാരിക്കൂട്ടിയ പിന്തുണയില് ഹൈകും ലാഭമുണ്ടാക്കേണ്ടതായിരുന്നു. എന്നാല്, ഇനിയൊരു സാധ്യത ഇല്ലെന്നു കണ്ടാണ് ഇപ്പോള് ഹൈക് ഷട്ഡൗണ് ചെയ്യുന്നത്.
2016 ഓഗസ്റ്റില്, 100 ദശലക്ഷത്തിലധികം രജിസ്റ്റര് ചെയ്ത ഉപയോക്താക്കളുണ്ടായിരുന്നു ഹൈകിന്, കൂടാതെ 10 പ്രാദേശിക ഇന്ത്യന് ഭാഷകളെയും പിന്തുണച്ചു. ഹൈക് മെസഞ്ചര് ആപ്ലികേഷന്റെ സിഇഒ കെവിന് ഭാരതി മിത്തല് ജനുവരി 6 ന് ട്വിറ്ററില് ഹൈക് അതിന്റെ പ്രവര്ത്തനങ്ങളെ ചുറ്റിപ്പറ്റിയുള്ള പ്രഖ്യാപനം നടത്തി. അദ്ദേഹം എഴുതി, 'ഇന്ന് ഞങ്ങള് ജനുവരി 21 ന് സ്റ്റികര് ചാറ്റ് അവസാനിപ്പിക്കുകയാണ്. നിങ്ങളുടെ വിശ്വാസം ഞങ്ങള്ക്ക് നല്കിയതിന് എല്ലാവര്ക്കും നന്ദി. നിങ്ങള് ഇല്ലാതെ ഞങ്ങള് ഇവിടെ ഉണ്ടാകില്ല.'
അതേസമയം വാട്സ്ആപിന് ഫലപ്രദമായ ബദലുകള്ക്കായി ഒരു ശ്രമം നടക്കുമ്പോള്, കമ്പനി എന്തിനാണ് സേവനം നിര്ത്തലാക്കുന്നത് എന്നതിനെക്കുറിച്ച് വ്യക്തതയില്ല. അടച്ചുപൂട്ടാനുള്ള കാരണം ഹൈക് വെളിപ്പെടുത്തിയിട്ടില്ല. പ്രവര്ത്തനം അവസാനിപ്പിക്കുകയാണെങ്കിലും ഹൈക് മെസഞ്ചറിന്റെ ഉപയോക്താക്കള്ക്ക് അവരുടെ സംഭാഷണങ്ങളും ഡാറ്റയും അആപ്ലികേഷനില് നിന്ന് തന്നെ ഡൗണ്ലോഡ് ചെയ്യാന് കഴിയും. ഹൈക് മെസഞ്ചറിന് പകരമായി വൈബ്, റഷ് എന്നിവ ഉപയോഗിച്ച് ബ്രാന്ഡ് തയ്യാറായിക്കഴിഞ്ഞു. ഈ രണ്ട് ആപ്ലികേഷനുകളും ആന്ഡ്രോയിഡ്, ഐഒഎസ് പ്ലാറ്റ്ഫോമുകളില് ഡൗണ്ലോഡ് ചെയ്യാന് ലഭ്യമാണ്.
2012 ല് ഹൈക് ആരംഭിച്ചപ്പോള്, അതിന്റെ ജനപ്രീതി ഉയര്ന്ന് പുതിയ ഉയരങ്ങളിലെത്തിയിരുന്നു. എന്നാല് വളരെപ്പെട്ടെന്ന് വാട്സ്ആപ് പോലുള്ള മെസേജിങ് ആപ്ലികേഷനുകള് ആഗോളതലത്തില് വലിയ സ്വാധീനം ചെലുത്തിയതോടെ, ഹൈകിന് ഇടിവുണ്ടായി. ഏറ്റവും വലിയ ഇന്ത്യന് ഫ്രീവെയര്, ക്രോസ്പ്ലാറ്റ്ഫോം ഇന്സ്റ്റന്റ് മെസേജിങ് ആപ്ലികേഷന് എന്നും വിളിക്കപ്പെട്ട ഇതില് ഹൈക് സ്റ്റികര് ചാറ്റുകളായിരുന്നു ഏറെ പ്രചാരം നേടിയിരുന്നത്.
Powered by Info News For You
Comments
Post a Comment