അനിലിന്റെ ഗാനങ്ങള് മലയാളി മനസ്സില് എന്നും തങ്ങി നില്ക്കും, അകാല വിയോഗം സാംസ്കാരിക സിനിമാ മേഖലയ്ക്കു വലിയ നഷ്ടം; അനില് പനച്ചൂരാന് ആദരാഞ്ജലികളര്പ്പിച്ച് മുഖ്യമന്ത്രി
തിരുവനന്തപുരം: (https://ift.tt/38adhQK) അന്തരിച്ച പ്രശസ്ത കവി അനില് പനച്ചൂരാന്റെ നിര്യാണത്തില് അനുശോചനമര്പ്പിച്ച് മുഖ്യമന്ത്രി പിണറായി വിജയന്. അദ്ദേഹത്തിന്റെ അകാല വിയോഗം സാംസ്കാരിക മേഖലയ്ക്കേറ്റ ഏറ്റവും വലിയ നഷ്ടമാണെന്ന് അദ്ദേഹം പറഞ്ഞു. ഫേസ്ബുക് പോസ്റ്റിലൂടെയായിരുന്നു മുഖ്യമന്ത്രിയുടെ പ്രതികരണം.
പിണറായി വിജയന്റെ ഫേസ്ബുക് പോസ്റ്റിന്റെ പൂര്ണ്ണരൂപം;
കവിയും ഗാനരചയിതാവുമായ അനില് പനച്ചൂരാന്റെ നിര്യാണത്തില് അനുശോചിക്കുന്നു. അറബിക്കഥ എന്ന ചിത്രത്തിലെ ചോര വീണ മണ്ണില് നിന്ന്, കഥപറയുമ്പോള് എന്ന ചിത്രത്തിലെ വ്യത്യസ്തനാമൊരു ബാര്ബറാം ബാലനെ എന്നീ അനിലിന്റെ ഗാനങ്ങള് മലയാളി മനസ്സില് എന്നും തങ്ങി നില്ക്കും. അദ്ദേഹത്തിന്റെ അകാല വിയോഗം സാംസ്കാരിക സിനിമാ മേഖലയ്ക്കു വലിയ നഷ്ടമാണ്. കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തില് പങ്കുചേരുന്നു.
കോവിഡ് ബാധിതനായിരുന്ന അനില് ഞായറാഴ്ച രാവിലെ തലകറങ്ങി വീണതിനെ തുടര്ന്ന് ബന്ധുക്കള് ചേര്ന്ന് അദ്ദേഹത്തെ മാവേലിക്കരയിലെയും കരുനാഗപ്പള്ളിയിലെയും സ്വകാര്യ ആശുപത്രിയില് പ്രവേശിപ്പിച്ചിരുന്നു.
തുടര്ന്ന് ഗുരുതരാവസ്ഥയിലായ അദ്ദേഹത്തെ തിരുവനന്തപുരത്തെ കിംസ് ആശുപത്രിയില് പ്രവേശിപ്പിക്കുകയായിരുന്നു. ഹൃദയാഘാതമാണ് മരണകാരണം. ഞായറാഴ്ച രാത്രി 8.10 ഓടെ മരണം സംഭവിക്കുകയായിരുന്നു. ആശുപത്രിയില് എത്തുമ്പോള് അദ്ദേഹം ബോധരഹിതനായിരുന്നു
അറബിക്കഥ, കഥ പറയുമ്പോള്, മാടമ്പി, ഭ്രമരം, പാസഞ്ചര്, ബോഡിഗാര്ഡ്, മാണിക്യക്കല്ല്, സീനിയേഴ്സ് തുടങ്ങിയവയാണ് പ്രധാന ചിത്രങ്ങള്. ലാല് ജോസിന്റെ അറബിക്കഥ എന്ന ചിത്രത്തിലെ ചോര വീണ മണ്ണില് നിന്നും, എം മോഹനന്റെ കഥ പറയുമ്പോള് എന്ന ചിത്രത്തിലെ വ്യത്യസ്തനാമൊരു ബാര്ബറാം ബാലനെ എന്നീ ഗാനങ്ങള് ഇദ്ദേഹത്തെ പ്രശസ്തിയിലേക്കുയര്ത്തി.
വലയില് വീണ കിളികള്, അനാഥന്, പ്രണയകാലം, ഒരു മഴ പെയ്തെങ്കില്, കണ്ണീര്ക്കനലുകള് തുടങ്ങിയവയാണ് പ്രധാന കവിതകള്.
ആലപ്പുഴ ജില്ലയില് കായംകുളം ഗോവിന്ദമുട്ടത്ത് വാരണപ്പള്ളി പനച്ചൂര് വീട്ടിലാണ് അദ്ദേഹത്തിന്റെ ജനനം. ഉദയഭാനു, ദ്രൗപതി ദമ്പതികളുടെ മകനാണ്. അനില്കുമാര് പി യു എന്നാണ് യഥാര്ത്ഥ പേര്. നങ്ങ്യാര്കുളങ്ങര ടി കെ എം കോളേജ്, തിരുവനന്തപുരം ലോ അകാദമി, വാറങ്കല് കാകതീയ സര്വകലാശാല എന്നിവിടങ്ങളില് നിന്നായി വിദ്യാഭ്യാസം പൂര്ത്തിയാക്കി. ഭാര്യ: മായ. മൈത്രേയി, അരുള് എന്നിവരാണ് മക്കള്.
അതേസമയം അന്തരിച്ച കവി അനില് പനച്ചൂരാന്റെ മൃതദേഹം പോസ്റ്റ് മോര്ടെം നടത്തണമെന്ന് ബന്ധുക്കള്. തിങ്കളാഴ്ച രാവിലെ കായംകുളം പൊലീസ് സ്റ്റേഷനിലെത്തി ബന്ധുകള് മൊഴി നല്കി. ബന്ധുക്കളുടെ ആവശ്യത്തെ തുടര്ന്ന് കായംകുളം പൊലീസ് തിരുവനന്തപുരത്തേക്ക് പുറപ്പെടും എന്നാണ് റിപ്പോര്ട്.
കവിയും ഗാനരചയിതാവുമായ അനിൽ പനച്ചൂരാന്റെ നിര്യാണത്തിൽ അനുശോചിക്കുന്നു. അറബിക്കഥ എന്ന ചിത്രത്തിലെ ചോര വീണ മണ്ണിൽ നിന്ന്, ...
Posted by Pinarayi Vijayan on Sunday, 3 January 2021
Powered by Info News For You
Comments
Post a Comment