യുവതിയെ ആന ചവിട്ടിക്കൊന്ന സംഭവം നടന്ന സ്വകാര്യ റിസോര്ട് കളക്ടറുടെ നിര്ദേശത്തെ തുടര്ന്ന് പൂട്ടി
വയനാട്: (https://ift.tt/367pMeN) വയനാട്ടിലെ മേപ്പാടിയില് യുവതിയെ ആന ചവിട്ടിക്കൊന്ന സംഭവം നടന്ന എളമ്പിശേരിയിലെ സ്വകാര്യ റിസോര്ട് കളക്ടറുടെ നിര്ദേശത്തെ തുടര്ന്ന് പൂട്ടി. കളക്ടര് അദീല അബ്ദുള്ള റിസോര്ടില് നേരിട്ടെത്തി പരിശോധന നടത്തി. ജില്ലയില് അനധികൃതമായി പ്രവര്ത്തിക്കുന്ന റിസോര്ടുകളെല്ലാം പൂട്ടുമെന്നും കളക്ടര് അറിയിച്ചു.
റിസോര്ട് അനധികൃതമായാണ് പ്രവര്ത്തിച്ചിരുന്നതെന്ന് പഞ്ചായത്ത് അറിയിച്ചു. സര്കാര് സൗകര്യങ്ങള് ദുരുപയോഗം ചെയ്യുകയാണെന്നും റിസോര്ടിനെതിരെ നടപടിയെടുക്കുമെന്നും പഞ്ചായത്ത് അറിയിച്ചു. ഉരുള്പൊട്ടല് സാധ്യതയുള്ള സ്ഥലത്താണ് മേപ്പാടിയിലെ റിസോര്ട് പ്രവര്ത്തിച്ചിരുന്നതെന്നാണ് പുറത്തുവരുന്ന റിപോര്ടുകള്.
സുരക്ഷാക്രമീകരണങ്ങള് പാലിക്കാതെയാണ് റിസോര്ട് പ്രവര്ത്തിച്ചിരുന്നതെന്ന് നേരത്തെ വനംവകുപ്പ് പ്രതികരിച്ചിരുന്നു. വനത്തില് നിന്ന് 10 മീറ്റര് പോലും അകലം പാലിക്കാതെയാണ് ടെന്റുകള് സ്ഥാപിച്ചിരുന്നത്. ടെന്റിന് ചുറ്റുമുള്ള കാടുകള് വെട്ടിത്തെളിച്ചിട്ടില്ലെന്നും വകുപ്പ് വ്യക്തമാക്കുന്നു.
ഈ റിസോര്ടിന് ലൈസന്സില്ലെന്ന് സംശയിക്കുന്നതായും വനംവകുപ്പ് പറയുന്നു. എന്നാല് ഹോംസ്റ്റേ ലൈസന്സ് ഉണ്ടെന്നാണ് റിസോര്ട് ഉടമ അജിനാസ് മാധ്യമങ്ങളോട് പറഞ്ഞത്. ടെന്റിന് പ്രത്യേക ലൈസന്സ് നല്കുന്ന രീതിയില്ലെന്നും അജിനാസ് പറഞ്ഞു.
യുവതി മരിച്ച സ്ഥലത്തെ കുറിച്ച് അജിനാസ് പറയുന്ന വസ്തുതകളില് വനംവകുപ്പ് സംശയം പ്രകടിപ്പിക്കുന്നുണ്ട്. യുവതി ശുചിമുറിയില് പോയി വരുന്ന വഴിയില് കാട്ടാനയെ കണ്ട് ഭയന്ന് വീഴുകയായിരുന്നു. അപ്പോഴാണ് ആക്രമണം നടന്നതെന്നാണ് അജിനാസ് പറയുന്നത്. എന്നാല് സാഹചര്യത്തെളിവുകള് പരിശോധിക്കുമ്പോള് ഇക്കാര്യത്തില് വ്യക്തത കുറവുണ്ടെന്നാണ് ഉദ്യോഗസ്ഥര് അറിയിക്കുന്നത്. വിനോദസഞ്ചാരി സംഘത്തിലുണ്ടായിരുന്ന മറ്റുള്ളവര് സുരക്ഷിതരാണെന്ന് അധികൃതര് അറിയിച്ചു.
കഴിഞ്ഞ ദിവസം രാത്രിയാണ് കാട്ടാനയുടെ ആക്രമണത്തില് ഇരുപത്താറുകാരിയായ കണ്ണൂര് ചേലേരി സ്വദേശി ഷഹാന സത്താര് കൊല്ലപ്പെട്ടത്. കോഴിക്കോട് പേരാമ്പ്രയിലെ ദാറുനുജൂം കോളെജ് ഓഫ് ആര്ട്സ് ആന്റ് സയന്സിലെ സൈകോളജി വിഭാഗം മേധാവിയാണ് കൊല്ലപ്പെട്ട ഷഹാന.
Powered by Info News For You
Comments
Post a Comment