ഗൂഗിള് പേയുടെ മേധാവിത്വത്തിന് തിരിച്ചടി; യുപിഐ വിപണിയില് ആധിപത്യം സ്ഥാപിച്ച് ഫോണ്പേ
ന്യൂഡെല്ഹി: (https://ift.tt/2XU4dcO) യുപിഐ വിപണിയില് ഗൂഗിള് പേയുടെ മേധാവിത്വത്തെ പിന്തള്ളിക്കൊണ്ട് ആധിപത്യം സ്ഥാപിച്ച് ഫോണ്പേ. ഡിസംബര് മാസത്തെ നാഷണല് പേയ്മെന്റ് കോര്പറേഷന് ഓഫ് ഇന്ത്യ (എന്പിസിഐ) യില് നിന്നുള്ള ഏറ്റവും പുതിയ ഡാറ്റയിലാണ് ഈ വിവരം, കൂടാതെ പട്ടികയില് രണ്ടാം സ്ഥാനത്തുള്ള ഗൂഗിള് പേയേക്കാള് ഫോണ്പെയ്ക്ക് മികച്ച ലീഡ് ഉണ്ട്. മൂന്നാം മാസവും നടത്തിയ കണക്കെടുപ്പിലാണ് ഫേണ്പേയുടെ ഈ കുതിച്ചുകയറ്റം.
വാട്സ്ആപ് പേയ്മെന്റ് വന്നെങ്കിലും ഫോണ്പെയ്ക്ക് കുറച്ച് കാലത്തേക്ക് മികച്ച രീതിയില് പ്രവര്ത്തിക്കാനാവും. വാള്മാര്ടിനും ഡിജിറ്റല് പേയ്മെന്റ് പ്ലാറ്റ്ഫോം ഉണ്ട്, ഡിസംബര് മാസത്തില് ഫോണ്പേ 902.3 ദശലക്ഷം ഇടപാടുകള് പ്രോസസ് ചെയ്തു, ഇത് ഏകദേശം 182,126.88 കോടി രൂപയുടേതാണ്. ഫോണ്പെയുടെ വിപണി വിഹിതം 40.4 ശതമാനവും ഗൂഗിള് പേയുടേത് 38.2 ശതമാനവുമാണ്. മൊത്തം 176,199.33 കോടി രൂപയുടെ 854.49 ദശലക്ഷം ഇടപാടുകളാണ് ഗൂഗിള് പേ നടത്തിയത്.
ഫോണ്പേയും ഗൂഗിള് പേ കോമ്പിനേഷനും യുപിഐ ആപ്ലികേഷന് വിപണിയില് ആധിപത്യം പുലര്ത്തി. ഇരുവര്ക്കും കൂടി ഏകദേശം 75 ശതമാനത്തിലധികം വിപണി വിഹിതമുണ്ടായി. പേടിഎം പേയ്മെന്റ് ബാങ്ക് ആപ് പട്ടികയില് മൂന്നാം സ്ഥാനത്താണ്. കഴിഞ്ഞ മാസം 261.09 ദശലക്ഷം ഇടപാടുകളിലൂടെ 31,299.78 കോടി രൂപയായിരുന്നു ഇവര് നടത്തിയത്. എന്നാല്, വോളിയത്തിന്റെ അടിസ്ഥാനത്തില് ഇതിന് 11.7 ശതമാനം വിപണി വിഹിതം മാത്രമേ സ്വന്തമാക്കാന് കഴിഞ്ഞുള്ളു.
എന്പിസിഐ ഡാറ്റ പ്രകാരം ഡിസംബറില് യുപിഐ ആപ്ലികേഷനുകളില് ആദ്യ അഞ്ച് സ്ഥാനങ്ങളില് ഇടം നേടിയ ആക്സിസ് ബാങ്ക് ആപ്ലികേഷനാണ് ഏക ബാങ്കിംഗ് ആപ്ലികേഷന്. ആക്സിസ് ബാങ്കിന്റെ യുപിഐ സേവനത്തില് 90 ദശലക്ഷത്തിലധികം ഇടപാടുകള് നടന്നു. ഇത് ഏകദേശം 644.50 കോടി രൂപയുടേതാണ്. എന്നാല്, ഈ ഇടപാടുകളില് ഭൂരിഭാഗവും ബി 2 സി ഇടപാടുകളുടെ ഭാഗമായിരുന്നു. ആമസോണ് പേയും ഭീം ആപും പട്ടികയില് അഞ്ചാമതും ആറാമതുമായിരുന്നു. ആമസോണ് പേയുടെ അളവ് 1.8 ശതമാനത്തിലധികമാണ്. 1.61 ദശലക്ഷം ഇടപാടുകളുമായി 328.52 കോടി രൂപയുടെ ഇടപാട് നടത്തി സാംസങ് പേ ആപ്ലികേഷന് പതിനാലാം സ്ഥാനത്തുണ്ട്.
Powered by Info News For You
Comments
Post a Comment