കര്ഷകര് നടത്തിയ ട്രാക്ടര് റാലിയുമായി ബന്ധപ്പെട്ട് സോഷ്യല് മീഡിയയില് പോസ്റ്റ്; ശശി തരൂര്, രാജ്ദീപ് സര്ദേശായി, വിനോദ് കെ ജോസ് അടക്കം 8 പേര്ക്കെതിരെ രാജ്യദ്രോഹകുറ്റം
ന്യുഡെല്ഹി: (https://ift.tt/3ckOCeV) കാര്ഷിക നിയമങ്ങള്ക്കെതിരെ പ്രതിഷേധിച്ച് കര്ഷകര് നടത്തിയ ട്രാക്ടര് റാലിയെ കുറിച്ച് സോഷ്യല് മീഡിയയില് പോസ്റ്റുകള് പങ്കുവെച്ചതിന് ശശി തരൂര് എംപി, മാധ്യമ പ്രവര്ത്തകരായ രാജ്ദീപ് സര്ദേശായി, കാരവാന് മാഗസിന് എഡിറ്റര് വിനോദ് കെ ജോസ് തുടങ്ങി എട്ട് പേര്ക്കെതിരെ രാജ്യദ്രോഹകുറ്റം ചുമത്തി ഉത്തര് പ്രദേശ് പൊലീസ് കേസ് എടുത്തു.
153 (എ), 153 ( ബി ) വകുപ്പുകളും, 124(എ), 120 വകുപ്പുകളാണ് ഇവര്ക്കെതിരെ ചുമത്തിയിട്ടുള്ളത്. രാജ്യദ്രോഹം, ക്രിമിനല് ഗൂഡാലോചന, മതസ്പര്ദ്ധ വളര്ത്തല് എന്നീ വകുപ്പുകളാണിത്. നോയിഡ പൊലീസാണ് എട്ട് പേര്ക്കെതിരെ കേസെടുത്തിട്ടുള്ളത്. കാരവാന് മാഗസിന്റെ റിപോര്ടര്മാര്ക്കെതിരെയും കേസ് എടുത്തിട്ടുണ്ട്.
റിപബ്ലിക് ദിനത്തില് നടന്ന സംഘര്ഷത്തിന്റെ പേരില് പൊലീസ് ഇതുവരെ 25 എഫ് ഐ ആറുകള് എടുക്കുകയും 37 കര്ഷക നേതാക്കളെ പ്രതി ചേര്ക്കുകയും ചെയ്തിട്ടുണ്ട്. ചെങ്കോട്ടയിലെ അക്രമവുമായി ബന്ധപ്പെട്ട് രജിസ്റ്റര് ചെയ്ത എഫ് ഐ ആറില് പഞ്ചാബി നടന് ദീപ് സിദ്ദുവിന്റെയും ഗുണ്ടാസംഘം നേതാവ് ലക്കാ സാധന്റെയും പേരുകള് ഉള്പ്പെടുത്തിയിട്ടുണ്ട്.
ട്രാക്ടര് റാലിക്കിടെ ഒരു കൂട്ടം ആളുകള് ചെങ്കോട്ടയിലെത്തി സിഖ് മത പതാക ഉയര്ത്തുകയായിരുന്നു. കര്ഷകരാണ് പതാക ഉയര്ത്തിയതെന്ന് വരുത്തി തീര്ക്കാന് പൊലീസും കേന്ദ്രവും ശ്രമം നടത്തുകയും ചെയ്തു. ചെങ്കോട്ടയ്ക്കുള്ളില് കയറിയ പ്രതിഷേധക്കാര് സിഖ് മത പതാക കൊടിമരത്തില് ഉയര്ത്തിയെന്നാണ് കേന്ദ്രം പറയുന്നത്. എന്നാല് കര്ഷകര് ആരും അത്തരത്തിലുള്ള പ്രവൃത്തി നടത്തിയിട്ടില്ലെന്ന് കര്ഷക സംഘടനകള് വ്യക്തമാക്കിയതാണ്.
Powered by Info News For You
Comments
Post a Comment