'രാമന്റെ പാലം' എന്നറിയപ്പെടുന്ന ഇന്ത്യ ശ്രീലങ്ക കടലിടുക്കിലെ 48 കിലോമീറ്റര് 'രാമസേതു' എങ്ങനെ, എപ്പോള് രൂപപ്പെട്ടു? സമഗ്രമായ പഠനം നടത്താന് കേന്ദ്രസര്കാര് അനുമതി
ചെന്നൈ: (https://ift.tt/3sZrQ1W) 'രാമന്റെ പാലം' എന്നറിയപ്പെടുന്ന ഇന്ത്യ ശ്രീലങ്ക കടലിടുക്കിലെ 48 കിലോമീറ്റര് 'രാമസേതു' എങ്ങനെ രൂപപ്പെട്ടു എന്നതില് സമുദ്രാന്തര് പഠനം നടത്താന് കേന്ദ്ര സര്കാര് അനുമതി നല്കി. രാമസേതു എങ്ങനെ, എപ്പോള് നിര്മിച്ചു, അല്ലെങ്കില് രൂപപ്പെട്ടു എന്നത് നിര്ണയിക്കാനാണ് പുതിയ ഗവേഷണം പദ്ധതിക്ക് അനുമതി നല്കിയിരിക്കുന്നത്.
ആര്കിയോളജികല് സര്വേ ഓഫ് ഇന്ത്യയുടെ കീഴിലുള്ള കേന്ദ്ര ഉപദേശക സമിതിയാണ് ഗവേഷണത്തിന് അനുമതി നല്കിയിരിക്കുന്നത്. രാമസേതുവിന് സമീപം കടലില് മുങ്ങിപ്പോയ വാസസ്ഥലങ്ങള് ഉണ്ടോ എന്നും പഠനവിധേയമാക്കും.
പുരാവസ്തു പുരാവസ്തുക്കള്, റേഡിയോമെട്രിക്, തെര്മോലുമിനെസെന്സ് (ടിഎല്), ജിയോളജികല് ടൈം സ്കെയില്, മറ്റ് പരിസ്ഥിതി വിവരങ്ങള് എന്നിവ അടിസ്ഥാനമാക്കിയാണ് നിര്ദ്ദിഷ്ട പഠനമെന്ന് എന്ഐഒ ഡയറക്ടര് സുനില് കുമാര് സിങ് പറഞ്ഞു. ജലനിരപ്പില് നിന്ന് 35 മുതല് 40 മീറ്റര് വരെ താഴെയുള്ള അവശിഷ്ടത്തിന്റെ സാംപിളുകള് ശേഖരിക്കുന്നതിന് എന്ഐഒയുടെ സിന്ധു സാധന, സിന്ധു സങ്കല്പ് തുടങ്ങി ഗവേഷണ കപ്പലുകള് പദ്ധതിക്ക് വേണ്ടി വിന്യസിക്കും.
ഡേറ്റാ ശേഖരണം, എകോ സൗണ്ടറുകള്, അകൗസ്റ്റിക് ഡോപ്ലര്, പ്രൊഫൈലര്, ഓടോണമസ് വെതര് സ്റ്റേഷന്, വായു ഗുണനിലവാര മോണിറ്ററുകള് എന്നിവയ്ക്കായി നിരവധി ലബോറടറികള് ഉള്ക്കൊള്ളുന്ന ഇന്ത്യയിലെ ആദ്യത്തെ തദ്ദേശീയമായി നിര്മിച്ച ഗവേഷണ കപ്പലാണ് സിന്ധു സാധന.
ചരിത്രകാരന്മാര്ക്കും പുരാവസ്തു ഗവേഷകര്ക്കും ശാസ്ത്രജ്ഞര്ക്കുക്കിടയില് രാമസേതു വലിയ ചര്ച്ചാവിഷയമാണ്. തമിഴ്നാട്ടില് നടക്കാനിരിക്കുന്ന നിയമസഭാ തെരഞ്ഞെടുപ്പ് കണക്കിലെടുത്ത് ഈ വര്ഷം തന്നെ ഗവേഷണം ആരംഭിക്കുമെന്നാണ് റിപോര്ടുകള്.
രാമന്റെ പാലം അല്ലെങ്കില് ആദംസ് ബ്രിഡ്ജ് എന്നും അറിയപ്പെടുന്ന രാമസേതു തമിഴ്നാടിന്റെ തെക്കുകിഴക്കന് തീരത്ത് പാമ്പന് ദ്വീപിന് ഇടയിലുള്ള ചുണ്ണാമ്പു കല്ലുകളാലുള്ള ഒരു സൃഷ്ടിയാണ്. കടലിലെ അമിത ജലപ്രവാഹത്തില് പവിഴപ്പുറ്റുകളാല് മണല് നിക്ഷേപിക്കപ്പെട്ട് രൂപംകൊണ്ട തിട്ടാണിതെന്നാണ് ശാസ്ത്രം പറയുന്നത്. എന്നാല് ഇന്ത്യയിലെ പൗരാണിക ഐതിഹ്യങ്ങള് പ്രകാരം രാമായണത്തില് ഈ പാലത്തിന് ഏറെ പ്രാധാന്യം നല്കുന്നുണ്ട്.
Powered by Info News For You
Comments
Post a Comment