ഇന്ത്യയിലേക്ക് തീവ്രവാദികളെ കടത്താനായി ഭൂമിയ്ക്കടിയിലൂടെ നിര്മ്മിച്ച 150 മീറ്റര് നീളമുള്ള തുരങ്കം കണ്ടെത്തി; കഴിഞ്ഞ പത്ത് ദിവസത്തിനുള്ളില് കണ്ടെത്തുന്ന രണ്ടാമത്തെ തുരങ്കം
കാശ്മീര്: (https://ift.tt/367pMeN) പാകിസ്ഥാനില് നിന്ന് ഇന്ത്യയിലേക്ക് തീവ്രവാദികളെ കടത്തി വിടാന് ഉപയോഗിക്കുന്ന തുരങ്കം അതിര്ത്തി രക്ഷാ സേന കണ്ടെത്തി. ഭൂമിയ്ക്കടിയിലൂടെ 150 മീറ്റര് നീളമുള്ള തുരങ്കമാണ് ശനിയാഴ്ച കണ്ടെത്തിയത്. കഴിഞ്ഞ പത്ത് ദിവസത്തിനുള്ളില് കണ്ടെത്തുന്ന രണ്ടാമത്തെ തുരങ്കമാണ് ഇത്. കഴിഞ്ഞ വര്ഷവും സമാനമായ രീതിയിലുള്ള തുരങ്കങ്ങള് കണ്ടെത്തിയിരുന്നു.
ശനിയാഴ്ച കണ്ടെത്തിയ തുരങ്കത്തിന് കുറഞ്ഞപക്ഷം ആറുമുതല് എട്ട് വര്ഷം വരെ പഴക്കമുണ്ടാവുമെന്നാണ് ബിഎസ്എഫ് വിശദമാക്കുന്നത്. പാകിസ്ഥാനില് നിന്നുള്ള നുഴഞ്ഞുകയറ്റത്തിന് വലിയ രീതിയില് ഈ തുരങ്കം ഉപയോഗിച്ചിട്ടുണ്ടാവാമെന്നാണ് ബിഎസ്എഫ് വിശദമാക്കുന്നത്. ഈ തുരങ്കം കണ്ടെത്തിയ മേഖലയിലേക്ക് പാക് ഔട് പോസ്റ്റുകളില് നിന്ന് വെടിവയ്പ് സജീവമായിരുന്നതായി ബിഎസ്എഫ് വിശദമാക്കിയതായാണ് റിപോര്ട്.
2019 ജനുവരിയില് ബിഎസ്എഫ് അസിസ്റ്റന്റ് കമാന്ഡന്റ് വിനയ് പ്രസാദ് സ്നൈപറിന്റെ വെടിയേറ്റ് മരിച്ചതും ഈ മേഖലയില് വച്ചായിരുന്നു. നിയന്ത്രണ രേഖ മുറിച്ച് കടക്കല് അസാധ്യമാകുമ്പോള് തീവ്രവാദികള് ഇത്തരം ടണലുകള് ഉപയോഗിക്കുന്നുണ്ടെന്നാണ് നിരീക്ഷണം. നഗ്രോടാ ഏറ്റുമുട്ടലിന് ശേഷം ഇത്തരം ടണലുകള് കണ്ടെത്താനുള്ള പ്രത്യേക തെരച്ചിലുകള് ബിഎസ്എഫ് ഊര്ജ്ജിതമാക്കിയിരുന്നു.
അതിര്ത്തി പോസ്റ്റ് നമ്പര് 14നും 15നും അടുത്തായി കത്വ ജില്ലയിലെ പന്സാറിലെ ബിഎസ്എഫ് ഔട്ട് പോസ്റ്റിന് സമീപമാണ് 30 അടി ആഴത്തില് തീര്ത്ത ടണല് കണ്ടെത്തിയതെന്നാണ് ഹിന്ദുസ്ഥാന് ടൈംസ് റിപോര്ട് ചെയ്യുന്നത്. തുരങ്കത്തിന്റെ രണ്ടാമത്തെ ഭാഗം പാക് അതിര്ത്തിയിലെ ഷാകര്ഗായിലെ അഭിയാല് ഡോഗ്ര കിംഗ്രേ ജേ കോത്തേ പോസ്റ്റുകള്ക്ക് സമീപത്താണെന്നാണ് നിഗമനം. ജയ്ഷെ മുഹമ്മദ് തീവ്രവാദികളുടെ പരിശീലന ഇടമെന്ന നിലയില് ഏറെ കുപ്രസിദ്ധമാണ് ഷാകര്ഗാ.
Powered by Info News For You
Comments
Post a Comment