14ാം നിയമസഭയുടെ നയപ്രഖ്യാപനപ്രസംഗം; തടസ്സപ്പെടുത്താന് ശ്രമിച്ച പ്രതിപക്ഷത്തെ രൂക്ഷമായി വിമര്ശിച്ച് ഗവര്ണര്
തിരുവനന്തപുരം: (https://ift.tt/3q0DcjY) 14ാം നിയമസഭയുടെ 22ാം സമ്മേളനം തുടങ്ങി. ഗവര്ണര് ആരിഫ് മുഹമ്മദ് ഖാന് നയപ്രഖ്യാപന പ്രസംഗം തുടങ്ങിയപ്പോള് തടസ്സപ്പെടുത്താന് ശ്രമിച്ച പ്രതിപക്ഷത്തെ ഗവര്ണര് രൂക്ഷമായി വിമര്ശിച്ചു. ഭരണഘടനാപരമായ തന്റെ ഉത്തരവാദിത്വം നിര്വ്വഹിക്കാന് അനുവദിക്കണമെന്ന് ഗവര്ണര് പ്രതിപക്ഷത്തോട് അഭ്യര്ഥിച്ചു.
രാവിലെ 9ന് സഭ തുടങ്ങിയപ്പോള് തന്നെ പ്രതിപക്ഷം സഭ തടസ്സപ്പെടുത്താന് ശ്രമം തുടങ്ങിയെങ്കിലും നയപ്രഖ്യാപന പ്രസംഗം തുടര്ന്നു. കോവിഡ് മഹാമാരിയുടെ ലോക് ഡൗണ് കാലത്ത് ആരേയും പട്ടിണിക്കിടാത്ത സര്കാരാണിതെന്ന് ഗവര്ണര് പറഞ്ഞു. ഏറെ വെല്ലുവിളികള് നേരിട്ട സര്ക്കകാരാണിത്. മുന്നോട്ടുള്ള പാതയും ദുര്ഘടമാണ്. അതിനെയും മറികടക്കാന് കഴിയും. കോവിഡ് രോഗം സാധാരണ ജനജീവിതത്തെ സാരമായി ബാധിച്ചു. കോവിഡ് രോഗികളുടെ എണ്ണം കുറയ്ക്കാന് കഴിയണം. കോവിഡിനെ നേരിടാന് നിരവധി പദ്ധതികള് ആവിഷ്ക്കരിച്ചു. 20000 കോടിയുടെ കോവിഡ് പാക്കേജ് പ്രഖ്യാപിച്ച ആദ്യ സര്കാരാണിത്. നിരവധി പദ്ധതികള് പ്രഖ്യാപിച്ച് കോവിഡിനെ നേരിട്ടു.
സര്കാരിന്റെ അഭിമാന പദ്ധതികള് മുന്നോട്ട് കൊണ്ടുപോകാന് കേന്ദ്ര ഏജന്സികള് തടസ്സം നില്ക്കുന്നു. തദ്ദേശ തെരഞ്ഞെടുപ്പ് സര്കാരിനോടുള്ള ജനങ്ങളുടെ വിശ്വാസം ഊട്ടി ഉറപ്പിക്കുന്നതാണ്. 2 ലക്ഷത്തിലേറെ പേര്ക്ക് അടച്ചുറപ്പുള്ള വീടുകള് സര്കാര് നല്കി. ദുരിത കാലത്ത് സന്നദ്ധ പ്രവര്ത്തകരുടെ സേവനം പ്രശംസനീയമാണെന്നും നയപ്രഖ്യാപന പ്രസംഗത്തില് പറഞ്ഞു. പ്രതിപക്ഷം നയപ്രഖ്യാപന പ്രസംഗം ബഹിഷ്ക്കരിച്ചു.
Powered by Info News For You
Comments
Post a Comment