ലാലുപ്രസാദിന്റെ ആരോഗ്യനില വഷളാണെന്ന വിവരം നല്കിയ ഡോക്ടര്ക്കെതിരെ കാരണം കാണിക്കല് നോട്ടീസ്
റാഞ്ചി (www.evisionnews.co): ബീഹാര് മുന് മുഖ്യമന്ത്രിയും ആര്.ജെ.ഡി നേതാവുമായ ലാലു പ്രസാദ് യാദവിന്റെ ആരോഗ്യനില വഷളാണെന്ന് മാധ്യമങ്ങളോട് പറഞ്ഞ രാജേന്ദ്ര ഇന്സ്റ്റിറ്റ്യൂട്ട് ഓഫ് മെഡിക്കല് സയന്സിലെ ഡോക്ടര്ക്കെതിരെ കാരണം കാണിക്കല് നോട്ടീസ് അയച്ച് റിംസ് ഡയറക്ടര്. ലാലുവിനെ ചികിത്സിച്ച ഡോക്ടര് ഉമേഷ് പ്രസാദിനെതിരെയാണ് നടപടി.
ലാലുവിന്റെ ആരോഗ്യനിലയെപ്പറ്റി തെറ്റായ വിവരങ്ങള് നല്കിയെന്നാരോപിച്ചാണ് നോട്ടീസ് അയച്ചിരിക്കുന്നത്. ഡിസംബര് 12നാണ് ഉമേഷ് ലാലുവിന്റെ ആരോഗ്യനിലയെപ്പറ്റി വെളിപ്പെടുത്തല് നടത്തിയത്. 'ലാലു പ്രസാദ് യാദവിന്റെ വൃക്കകളുടെ പ്രവര്ത്തനം എപ്പോള് വേണമെങ്കിലും വഷളാകും. പ്രവചിക്കാന് പ്രയാസമാണ്. ഇത് ഭയപ്പെടുത്തുന്ന കാര്യമാണ്', എന്നാണ് ഉമേഷ് പ്രസാദ് പറഞ്ഞത്. ഇക്കാര്യം അധികാരികളെ അറിയിച്ചിട്ടുണ്ടെന്നും അദ്ദേഹം പറഞ്ഞിരുന്നു.
Powered by Info News For You
Comments
Post a Comment