ദിവാകരനെ വീട്ടിലെത്തി അനുമോദിച്ച് ജില്ലാ കലക്ടർ; സ്വീകരിക്കാൻ മാസ്ക് ധരിച്ചെത്തിയ നാലു വയസ്സുകാരൻ അർണവിന് പ്രശംസ
നീലേശ്വരം:(www.kasargodvartha.com 27.12.2020) പരിസ്ഥിതി പ്രവർത്തകനും പ്രാദേശിക കർഷക ശാസ്ത്രജ്ഞനുമായ ദിവാകരൻ നീലേശ്വരത്തിൻ്റെ വേറിട്ട പ്രവർത്തനങ്ങളെ അനുമോദിക്കാൻ ജില്ലാ കലക്ടർ ഡോ. ഡി സജിത്ത് ബാബു കടിഞ്ഞിമൂലയിലെ വീട്ടിലെത്തി. മാസ്ക് ധരിച്ച് കലക്ടറെ സ്വീകരിക്കാൻ എത്തിയ പേരക്കുട്ടി നാലു വയസ്സുകാരൻ അർണവ് കലക്ടറുടെ പ്രത്യേക പ്രശംസക്ക് പാത്രമായി.
ബേക്കൽ ടൂറിസത്തിൻ്റെ ഭാഗമായി പാതയോരത്ത് സൃഷ്ടിക്കാനുദ്ദേശിക്കുന്ന മിയാവാക്കി വനത്തിനുള്ള തൈകൾ കലക്ടർ തെരെഞ്ഞെടുത്തു. വിനോദ സഞ്ചാര വകുപ്പിൻ്റെ നേതൃത്വത്തിൽ ബേക്കൽ സൗന്ദര്യവൽകരണത്തിൻ്റെ ഭാഗമായി പാതയോരത്ത് 91 ഇലഞ്ഞിമരതൈകളും ടാറ്റ കോവിഡ് ആശുപത്രി പരിസരത്ത് 151 നാട്ടുമാവിൻ തൈകളും പുഴയോരങ്ങളിൽ 600 കണ്ടൽ വൃക്ഷങ്ങളും ദിവാകരൻ സൗജന്യമായി ബി ആർ ഡി സി ക്ക് നൽകുകയുണ്ടായി. ഇതുൾപ്പെടെ പ്രകൃതിസംരക്ഷണ രംഗത്ത് ദിവാകരൻ നടത്തുന്ന പരിശ്രമങ്ങൾക്ക് അംഗീകാരമായി വിനോദ സഞ്ചാര വകുപ്പിൻ്റെ സാക്ഷ്യപത്രം നൽകിയാണ് കലക്ടർ മടങ്ങിയത്. കലക്ടറുടെ സന്ദർശനം പ്രകൃതി സംരക്ഷണ പ്രവർത്തനങ്ങളിൽ കൂടുതൽ സജീവമാകുന്നതിന് പ്രചോദനമായെന്ന് ദിവാകരൻ പറഞ്ഞു.
Keywords: Kerala, Kasaragod, News, District Collector, Felicitated, Divakaran, Arnav, District Collector felicitates Divakaran at home; Four-year-old Arnav praised for wearing the mask to receive.
Powered by Info News For You

Comments
Post a Comment