ഗ്രനേഡ് ഫയറിംഗ് പരിശീലനം നടത്തിയതിൻ്റെ അവശിഷ്ടം നീക്കം ചെയ്യുന്നതിനിടെ പൊട്ടാതെ കിടന്ന ഗ്രെനേഡ് പൊട്ടിത്തെറിച്ച് പോലീസ് ഉദ്യോഗസ്ഥനും ജീവനക്കാരനും പരിക്ക്
കാസർകോട്: (www.kasargodvartha.com 04.12.2020) തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന് മുന്നോടിയായി സുരക്ഷാ പരിശോധനയുടെ ഭാഗമായി കാസർകോട് ജില്ലയിലെ പോലീസുദ്യോഗസ്ഥർക്കുള്ള ഗ്രെനേഡ് ഫയറിംഗ്, ടിയർഗ്യാസ് ഷെൽ ഫയറിംഗ് പരിശീലനം നടത്തിയതിൻ്റെ അവശിഷ്ടം നീക്കം ചെയ്യുന്നതിനിടെ പൊട്ടാതെ കിടന്ന ടിയർഗ്യാസ് ഷെൽ പൊട്ടിത്തെറിച്ച് പോലീസ് ഉദ്യോഗസ്ഥനും എ ആർ ക്യാമ്പിലെ ക്ലാസ് ഫോർ ജീവനക്കാരനും പരിക്കേറ്റു.
എ ആർ ക്യാമ്പിലെ സിവിൽ പോലീസ് ഓഫീസർ കാഞ്ഞങ്ങാട്ടെ സുധാകരൻ (45), ക്ലാസ് ഫോർ ജീവനക്കാരൻ ഉദുമ അണിഞ്ഞയിലെ പവിത്രൻ (45) എന്നിവർക്കാണ് പരിക്കേറ്റത്. മുഖത്ത് പരിക്കേറ്റ സുധാകരനെ കോഴിക്കോട് മെഡിക്കൽ കോളജ് ആശുപത്രിയിലും പവിത്രനെ കാസർകോട് ജനറൽ ആശുപത്രിയിലും പ്രവേശിപ്പിച്ചു. വെള്ളിയാഴ്ച രാവിലെ ഒമ്പത് മണിയോടെയായിരുന്നു സംഭവം.
< ! START disable copy paste -->
ജില്ലാ സായുധ പോലീസ് ക്യാമ്പ് മൈതാനിയിൽ വ്യാഴാഴ്ചയാണ് പരിശീലനം നടന്നത്. ജില്ലയിലെ സ്റ്റേഷൻ ഹൗസ് ഓഫീസർമാരായ സി ഐ മാർ, എസ് ഐ മാർ തുടങ്ങിയവരായ പോലീസുദ്യോഗസ്ഥർക്ക് ആയിരുന്നു പരിശീലനം നൽകിയത്. തെരെഞ്ഞടുപ്പിനിടെ അക്രമങ്ങൾ ഉണ്ടായാൽ നേരിടാനുള്ള പരിശീലനമാണ് നടത്തിയത്.
സംഭവത്തെ കുറിച്ച് പോലീസ് തലത്തിലുള്ള അന്വേഷണം ആരംഭിച്ചിട്ടുണ്ട്.
< !- START disable copy paste -->
സംഭവത്തെ കുറിച്ച് പോലീസ് തലത്തിലുള്ള അന്വേഷണം ആരംഭിച്ചിട്ടുണ്ട്.
Keywords: Kerala, News, Kasaragod, Police, Local-Body-Election-2020, Accident, Injured, Top-Headlines, Hospital, Police officer and staff seriously injured when an unexploded grenade exploded while removing debris after grenade firing exercise.
Powered by Info News For You

Comments
Post a Comment