കൈയ്യേറ്റം ഒഴിപ്പിക്കാനെത്തിവര്ക്ക് മുന്നില് ആത്മഹത്യാ ഭീഷണി മുഴക്കവേ പൊള്ളലേറ്റ് മരിച്ച ദമ്പതികളുടെ മക്കളുടെ സംരക്ഷണം സര്ക്കാര് ഏറ്റെടുക്കും; സ്ഥലവും വീടും നല്കും
തിരുവനന്തപുരം: (https://ift.tt/38HxJrs) കൈയ്യേറ്റം ഒഴിപ്പിക്കാനെത്തിവര്ക്ക് മുന്നില് ആത്മഹത്യാ ഭീഷണി മുഴക്കവേ പൊള്ളലേറ്റ് ദമ്പതികള് മരിച്ച സംഭവത്തില് മക്കളുടെ സംരക്ഷണം സര്കാര് ഏറ്റെടുക്കും. രാജന്- അമ്പിളി ദമ്പതികളുടെ മക്കള്ക്ക് സ്ഥലവും വീടും നല്കാനും തീരുമാനിച്ചു. രണ്ട് കുട്ടികളുടെയും സംരക്ഷണം ഏറ്റെടുക്കുമെന്ന് മുഖ്യമന്ത്രിയുടെ ഓഫീസാണ് അറിയിച്ചത്. വിഷയം വലിയ വിവാദമായതിനെത്തുടര്ന്ന് മുഖ്യമന്ത്രി അടിയന്തരനിര്ദേശം നല്കുകയായിരുന്നു.
തൃശ്ശൂരിലും എറണാകുളത്തുമായി കേരളപര്യടനപരിപാടിയിലാണ് മുഖ്യമന്ത്രി. നേരത്തേ യൂത്ത് കോണ്ഗ്രസും കുട്ടികള്ക്ക് വീടും സ്ഥലവും നല്കാന് സന്നദ്ധത അറിയിച്ചിരുന്നു. ഇതിനിടെ സംഭവത്തെ കുറിച്ച് അന്വേഷിക്കാന് ഡി ജി പിയും ഉത്തരവിട്ടു. തിരുവനന്തപുരം റൂറല് എസ് പി ബി അശോകിനാണ് അന്വേഷണ ചുമതല. തീയാളി മരിച്ച ദമ്പതികളുടെ അനാഥരായ മക്കളുടെ വാക്കുകള് കേരളം വേദനയോടെയാണ് കേട്ടുനിന്നത്.
മരിച്ച ദമ്പതിമാരുടെ അയല്വാസിയായ സ്ത്രീയുടെ സ്വാധീനത്തിന് വഴങ്ങി പൊലീസ് കുടിയൊഴിപ്പിക്കല് നടപടികളുമായി മുന്നോട്ട് പോയെന്നാണ് ആരോപണം. കോടതി ജനുവരി നാലാം തിയ്യതിവരെ സാവകാശം നല്കികൊണ്ട് മറ്റൊരു ഉത്തരവ് പുറപ്പെടുവിച്ചിരുന്നു. ഈ ഉത്തരവിന് വിരുദ്ധമായി പൊലീസ് കുടിയൊഴിപ്പിക്കല് നടപടികളുമായി മുന്നോട്ട് പോകുകയായിരുന്നു. ഇത് തടയാനായി ആത്മഹത്യ ഭീഷണി മുഴക്കുമ്പോഴാണ് രാജനും ഭാര്യയ്ക്കും പൊള്ളലേറ്റത്.
പൊലീസിനോട് രാജന് സാവകാശം ചോദിച്ചുവെങ്കിലും നല്കിയില്ല. കൂടാതെ പൊലീസിനോടൊപ്പം കുടിയൊഴിപ്പിക്കല് നടപടികള്ക്കായി റവന്യൂ ഉദ്യോഗസ്ഥരാരും എത്തിയിരുന്നുമില്ല. തുടങ്ങിയ ആരോപണങ്ങളാണ് പൊലീസിനെതിരെ ഉയരുന്നത്. സംഭവത്തില് പൊലീസിന് വീഴ്ചപറ്റിയതായാണ് പ്രഥമിക വിലയിരുത്തല്.
Powered by Info News For You
Comments
Post a Comment