ബുറെവി ചുഴലിക്കാറ്റ്; തമിഴ്നാട്ടില് മൂന്ന് മരണം; കേരളത്തില് ജാഗ്രത തുടരുന്നു, ഒറ്റപ്പെട്ട ശക്തമോ അതിശക്തമോ ആയ മഴക്ക് സാധ്യത, 2 ജില്ലകളില് ഓറഞ്ച് അലേട്
തിരുവനന്തപുരം: (https://ift.tt/36FXFnx) ബുറെവി തീവ്ര ന്യൂനമര്ദ്ദമായതോടെ തമിഴ്നാട്ടില് കനത്ത മഴ തുടരുന്നു. ചുഴലിക്കാറ്റില് തമിഴ്നാട്ടില് മൂന്ന് മരണം. വീട് തകര്ന്ന് ദേഹത്ത് വീണ് കടലൂരില് 35 വയസുള്ള സ്ത്രീയും 10 വയസ്സുള്ള മകളും മരിച്ചു. അപകടത്തില് ഗുരുതരമായി പരിക്കേറ്റ മറ്റൊരു സ്ത്രീ ചികിത്സയിലാണ്.
ചെന്നൈയില് വെള്ളക്കെട്ടില് നിന്ന് വൈദുതാഘാതമേറ്റ് ഒരു യുവാവും മരിച്ചു. ചെന്നൈയില് താഴ്ന്ന പ്രദേശങ്ങള് വെള്ളക്കെട്ടിലാണ്. കടലൂര് പുതുച്ചേരി തീരത്തും മഴ ശക്തമായി.
മാന്നാര് കടലിടുക്കില് എത്തിയ അതിതീവ്ര ന്യൂനമര്ദം കഴിഞ്ഞ 24 മണിക്കൂറായി രാമനാഥപുരത്തിന് സമീപമായി തുടരുകയാണ്. നിലവില് രാമനാഥപുരത്ത് നിന്ന് 40 കിമീ ദൂരത്തിലും, പാമ്പനില് നിന്നും 70 കിമീ ദൂരത്തിലുമാണ് ബുറെവിയുടെ സ്ഥാനം.
നിലവില് അതിതീവ്ര ന്യൂനമര്ദത്തിന്റെ പരമാവധി വേഗത മണിക്കൂറില് 45 മുതല് 55 കിമീ വരെയും ചില അവസരങ്ങളില് 65 കിമീ വരെയുമാണ്. അതിതീവ്ര ന്യൂനമര്ദം അടുത്ത 12 മണിക്കൂറില് നിലവിലുള്ളയിടത്ത് തന്നെ തുടരുകയും ശക്തി കുറഞ്ഞ് തീവ്ര ന്യൂനമര്ദമായി മാറുകയും ചെയ്യുമെന്നാണ് കേന്ദ്ര കാലാവസ്ഥ വകുപ്പ് കണക്കാക്കുന്നത്.
അതേസമയം ബുറെവി ചുഴലിക്കാറ്റിന്റെ തീവ്രത കുറഞ്ഞെങ്കിലും കേരളത്തില് ജാഗ്രത തുടരും. ഇടുക്കി, മലപ്പുറം ജില്ലകളില് ശനിയാഴ്ച ഓറഞ്ച് അലേടാണ്. മത്സ്യബന്ധനത്തിന് ഏര്പ്പെടുത്തിയിരിക്കുന്ന നിരോധനം സംസ്ഥാനത്ത് തുടരും.
ശനിയാഴ്ച രാത്രി മുതല് 12 മണിക്കൂര് നേരത്തേക്ക് തെക്കന് കേരളത്തില് മണിക്കൂറില് ഏകദേശം 35 മുതല് 45 വരെ കിമീ വേഗതയുള്ള കാറ്റ് ഉണ്ടായേക്കുമെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കുന്നു.
കേരളത്തിലെത്തുന്നതിന് മുന്നേ തമിഴ്നാട്ടില് വെച്ച് തന്നെ ന്യൂനമര്ദത്തിലെ കാറ്റിന്റെ വേഗത മണിക്കൂറില് ഏകദേശം 30 മുതല് 40 കിമീ വേഗത മാത്രമായി മാറാനാണ് സാധ്യത. കേരളത്തില് ഒറ്റപ്പെട്ട ശക്തമായതോ അതിശക്തമായതോ ആയ മഴക്കുള്ള സാധ്യതയുണ്ട്.
Keywords: News, Kerala, State, Thiruvananthapuram, Death, Top-Headlines, Cyclone Burevi; Three death in Tamilnadu, Alert in KeralaPowered by Info News For You
Comments
Post a Comment