ഹരിയാന മുഖ്യമന്ത്രിയുടെ വാഹനവ്യൂഹത്തിന് നേരെ കരിങ്കൊടി വീശിയ 13 കര്ഷകര്ക്കെതിരെ കലാപശ്രമത്തിന് കേസെടുത്ത് പൊലീസ്
ന്യൂഡെല്ഹി: (https://ift.tt/2Kx438m) ഹരിയാന മുഖ്യമന്ത്രിയുടെ വാഹനവ്യൂഹത്തിന് നേരെ കരിങ്കൊടി വീശിയ 13 കര്ഷകര്ക്കെതിരെ കലാപശ്രമത്തിന് കേസെടുത്ത് ഹരിയാന പൊലീസ്. ഹരിയാന മുഖ്യമന്ത്രി മനോഹര് ലാല് ഖട്ടറുടെ വാഹനം തടഞ്ഞ സംഭവത്തിലാണ് കര്ഷകര്ക്കെതിരെ കേസെടുത്തത്.
കഴിഞ്ഞ ദിവസമാണ് അംബാലയിലെ ഒരു പൊതുപരിപാടിയില് പങ്കെടുക്കാനെത്തിയപ്പോള് മനോഹര് ലാല് ഖട്ടറുടെ വാഹനവ്യൂഹത്തിന് നേരെ കരിങ്കൊടി വീശി ഒരു കൂട്ടം കര്ഷകര് എത്തിയത്. അംബാലയിലെത്തിയപ്പോഴായിരുന്നു കര്ഷകര് ഖട്ടറുടെ വാഹനവ്യൂഹത്തെ തടയുകയും കരിങ്കൊടി കാട്ടുകയും ചെയ്തത്. ഹരിയാന മുനിസിപല് തെരഞ്ഞെടുപ്പുമായി ബന്ധപ്പെട്ട റാലിയെ അഭിസംബോധന ചെയ്യാനെത്തിയതായിരുന്നു ഖട്ടര്.
കര്ഷക പ്രതിഷേധം തടയാന് പ്രദേശത്ത് വിപുലമായ ക്രമീകരണങ്ങളാണ് ഹരിയാന സര്കാര് സ്വീകരിച്ചിരുന്നത്. എന്നാല് ചൊവ്വാഴ്ച മുതല് പ്രദേശത്തേക്ക് പ്രതിഷേധത്തിനായി കര്ഷകര് എത്തുകയായിരുന്നു.
അതേസമയം, കര്ഷക പ്രതിഷേധം 27ാം ദിവസത്തിലേക്ക് കടക്കുന്നു. നിയമം പിന്വലിക്കുന്നതുവരെ തങ്ങള് പ്രതിഷേധം തുടരുമെന്ന ഉറച്ച തീരുമാനത്തിലാണ് കര്ഷകര്. പഞ്ചാബ് സര്കാരും കര്ഷകര്ക്ക് പൂര്ണ പിന്തുണയുമായി രംഗത്തുണ്ട്.
Powered by Info News For You

Comments
Post a Comment