സംസ്ഥാന വ്യാപകമായി ബിലീവേഴ്സ് ഇസ്റ്റേണ് ചര്ച്ചിന്റെ സ്ഥാപനങ്ങളില് ആദായ നികുതി വകുപ്പിന്റെ റെയ്ഡ് തുടരുന്നു; പിടിച്ചെടുത്തത് കണക്കില്പ്പെടാത്ത അഞ്ച് കോടി രൂപ
പത്തനംതിട്ട: (https://ift.tt/2I9bYY0) നൂറ് കോടി രൂപയുടെ സാമ്പത്തിക ഇടപാട് സംബന്ധിച്ച് സംസ്ഥാന വ്യാപകമായി ബിലീവേഴ്സ് ഇസ്റ്റേണ് ചര്ച്ചിന്റെ സ്ഥാപനങ്ങളില് ആദായ നികുതി വകുപ്പിന്റെ റെയ്ഡ് തുടരുന്നു. ആദായനികുതി വകുപ്പ് പരിശോധനയില് കണക്കില്പ്പെടാത്ത അഞ്ച് കോടി രൂപയാണ് പിടിച്ചെടുത്തത്. വിദേശത്ത് നിന്ന് വന്ന ഫണ്ട് വ്യാപകമായി വകമാറ്റിയെന്നും ആദായ നികുതി വകുപ്പ് പറയുന്നു. ബിലിവേഴ്സ് സ്ഥാപനങ്ങളില് കണക്കെടുപ്പ് തുടരുകയാണ്. കേരളത്തിലെ ആദായ നികുതി വകുപ്പ് ഉദ്യോഗസ്ഥര്ക്ക് പുറമേ മറ്റു സംസ്ഥാനങ്ങളില് നിന്നുള്ള ഉദ്യോഗസ്ഥരും പരിശോധന സംഘത്തിലുണ്ട്.
വിവിധ ജില്ലകളിലുള്ള ബിലീവേഴ്സ് ഈസ്റ്റേണ് സഭയുടെ 40 സ്ഥാപനങ്ങളിലാണ് വ്യാഴാഴ്ച ആദായ നികുതി വകുപ്പ് പരിശോധന നടത്തിയത്. തിരുവല്ലയിലെ സഭ ആസ്ഥാനത്ത് നിന്ന് കണക്കില്പ്പെടാത്തതെന്ന് കരുതുന്ന അരക്കോടിയലധികം രൂപയാണ് വ്യാഴാഴ്ച ആദായനികുതി വകുപ്പ് പിടിച്ചെടുത്തത്. സഭയുടെ ഉടമസ്ഥതയിലുള്ള സ്കൂളുകള്, കോളേജുകള്, ട്രസ്റ്റുകളുടെ ഓഫീസുകള് എന്നിവിടങ്ങളിലും ബിഷപ്പ് കെ പി യോഹന്നാന്റെ വീട്ടിലും അദായ നികുതി വകുപ്പ് പരിശോധന നടത്തി. തിരുവല്ലയിലെ ആസ്ഥാനത്തെ വാഹനത്തിന്റെ ഡിക്കിയില് നിന്നാണ് 57 ലക്ഷം രൂപ പിടിച്ചെടുത്തത്. പരിശോധന നടത്തിയ സ്ഥാപനങ്ങളില് നിന്നും സാമ്പത്തിക ഇടപാടിനെ അടക്കം വിവിധ രേഖകളും കണ്ടെത്തി.
വിദേശത്ത് നിന്നും സാമ്പത്തിക സഹായം സ്വീകരിച്ചതില് സ്ഥാപനം സമര്പ്പിച്ച കണക്കുകളില് വൈരുദ്ധ്യം കണ്ടെത്തിയിട്ടുണ്ട്. ഇതിനെ തുടര്ന്നാണ് പരിശോധന നടന്നത്. സാമ്പത്തിക സഹായം സ്വീകരിക്കുന്നതില് നടപടിക്രമങ്ങള് പാലിക്കാത്തതിനെ തുടര്ന്ന് സ്ഥാപനങ്ങളുടെ നടത്തിപ്പുകാരില് ഒരാളുടെ ബാങ്ക് അക്കൗണ്ടുകള് കുറച്ച് ദിവസം മുമ്പ് മരവിപ്പിച്ചിരുന്നു.
Powered by Info News For You
Comments
Post a Comment