നടിയെ അക്രമിച്ച കേസ്: കെബി ഗണേഷ് കുമാറിന്റെ സെക്രട്ടറി പോലീസ് സ്റ്റേഷനില് നേരിട്ട് ഹാജരാകണം
കാഞ്ഞങ്ങാട് (www.evisionnews.co): നടിയെ ആക്രമിച്ച കേസിലെ മാപ്പുസാക്ഷിയെ ഭീഷണപ്പെടുത്തിയ സംഭവത്തില് പത്തനാപുരം എംഎല്എയും നടനുമായ കെബി ഗണേഷ് കുമാറിന്റെ ഓഫീസ് സെക്രട്ടറി പൊലീസ് സ്റ്റേഷനില് നേരിട്ട് ഹാജരാകണം. പ്രദീപ് കുമാറിനോട് നേരിട്ട് ഹാജരാകാന് ആവശ്യപ്പെട്ട് ബേക്കല് പൊലീസ് നോട്ടീസ് നല്കി. കേസില് ചോദ്യം ചെയ്യലിനായാണ് ഇയാളോട് ഹാജരാകാന് ആവശ്യപ്പെട്ടിരിക്കുന്നത്. കേസില് പ്രദീപ് കുമാറിനെ പ്രതിചേര്ത്ത് ബേക്കല് പൊലീസ് ഹൊസ്ദുര്ഗ് കോടതിയില് റിപ്പോര്ട്ട് നല്കിയിരുന്നു.
കഴിഞ്ഞ ജനുവരി 23നാണ് കേസിലെ പ്രധാന പ്രോസിക്യൂഷന് സാക്ഷിയും ബേക്കല് സ്വദേശിയുമായി വിപിന്ലാലിനെ തേടി കെബി ഗണേഷ് കുമാര് എംഎല്എയുടെ ഓഫീസ് സെക്രട്ടറി പ്രദീപ് കുമാര് ബേക്കലിലെത്തിയത്. ഓട്ടോയിലിറങ്ങി തൃക്കണ്ണാടെ ബന്ധുവീട്ടിലെത്തിയ പ്രദീപ് ബിബിനെ നേരിട്ട് കാണാന് പറ്റാത്തതിനെ തുടര്ന്ന് അമ്മാവന് ജോലി ചെയ്യുന്ന കാഞ്ഞങ്ങാട്ടെ ജ്വല്ലറിയിലെത്തി. ഇവിടെ നിന്നും അമ്മയെ വിളിച്ച് ബിബിന്റെ വക്കീല് ഗുമസ്തനാണെന്ന് പരിചയപ്പെടുത്തുകയും ബിബിനോട് മൊഴിമാറ്റാന് ആവശ്യപ്പെട്ടു.
പിന്നീട് കത്തുകളിലൂടേയും സമ്മര്ദ്ദം തുടര്ന്നു. കടുത്തതോടെ സെപ്തംബര് 26ന് ബിബിന് ബേക്കല് പൊലീസിന് പരാതി നല്കി. അന്വേഷണത്തില് ജ്വല്ലറിയിലെ സിസിടിവി ദൃശ്യങ്ങളും കാഞ്ഞങ്ങാട് ലോഡ്ജില് നല്കിയ തിരിച്ചറിയില് രേഖകളും കണ്ടെത്തിയതോടെയാണ് സംഭവത്തിന് പിന്നില് പ്രദീപാണെന്ന് തിരിച്ചറിഞ്ഞത്.
പ്രദീപിന്റെ പങ്കാളിത്തം വ്യക്തമായതോടെ സംഭവത്തിനു പിന്നില് വന് ഗൂഢാലോചന നടന്നിട്ടുണ്ടെന്നും കൂടുതല് അന്വേഷണം വേണമെന്ന ആവശ്യവും ശക്തമാവുകയാണ്. ദൃശ്യങ്ങളിലെ ആളെ തിരിച്ചറിഞ്ഞതിനെ തുടര്ന്നാണ് ഇത് സംബന്ധിച്ച് കോടതിയില് റിപ്പോര്ട്ട് നല്കിയതെന്ന് ബേക്കല് പോലീസ് പറഞ്ഞു. അതേസമയം കത്ത് എഴുതിയതടക്കമുള്ള കാര്യങ്ങളില് വ്യക്തത വരേണ്ടതുണ്ട്
Powered by Info News For You
Comments
Post a Comment